ഇരിക്കൂർ തട്ട്പറമ്പിൽ നായ്​ശല്യം രൂക്ഷം

ഇരിക്കൂർ: പെരുവളത്തുപറമ്പ് തട്ടുപറമ്പ് പരിസരത്ത് നായ്​ ശല്യം രൂക്ഷമായി. കാൽനടക്കാർ, ഇരുചക്രവാഹന യാത്രക്കാർ, സ്കൂൾ വിദ്യാർഥികൾ എന്നിവർക്ക്​ യാത്ര ദുരിതമായി. പ്രഭാത പ്രാർഥനക്ക് പോകുന്നവരെയും വിദ്യാർഥികളെയും നായ്​ക്കൾ തുരത്തുന്നതും വീടുകളിൽനിന്ന്​ ചെരിപ്പുകൾ കടിച്ചുകൊണ്ടുപോകുന്നതും വീട്ടിലെ സോഫ, കസേരകൾ, ബൈക്ക് സീറ്റുകൾ എന്നിവ നശിപ്പിക്കുന്നതും പതിവാണ്​. വരാന്തകളിൽ മലമൂത്രവിസർജനം ചെയ്യുന്നതും പ്രശ്​നമാകുന്നു. കഴിഞ്ഞദിവസം നായ്​ക്കൾ ഓടിച്ചതിനെ തുടർന്ന് രണ്ട്​ മദ്​റസ വിദ്യാർഥികൾക്ക് വീണ് പരിക്കേറ്റിരുന്നു. പഞ്ചായത്തിൽ പരാതി നൽകിയിട്ടും നടപടിയും സ്വീകരിക്കുന്നില്ലെന്ന്​ പരിസരവാസികൾ പറഞ്ഞു.