യൂത്ത് കോൺഗ്രസ് പദയാത്ര

ചൊക്ലി: തീവ്രവാദം വിസ്മയമല്ല, ലഹരിക്ക് മതമില്ല, ഇന്ത്യ മതരാഷ്​ട്രമല്ല എന്ന മുദ്രാവാക്യമുയർത്തിപ്പിടിച്ച് യൂത്ത് കോൺഗ്രസ് ചൊക്ലി മണ്ഡലം കമ്മിറ്റിയുടെ ആദിമുഖ്യത്തിൽ പദയാത്ര നടത്തി. മോന്താലിൽ നടന്ന സമാപനസമ്മേളനം മാഹി എം.എൽ.എ രമേഷ് പറമ്പത്ത് ഉദ്ഘാടനം ചെയ്തു. യൂത്ത് കോൺഗ്രസ്​ മണ്ഡലം പ്രസിഡൻറ്​ ജിഗീഷ് ചൊക്ലി അധ്യക്ഷത വഹിച്ചു. പരിപാടിയിൽ എ.ആർ. ചിന്മയ് മാസ്​റ്റർ മുഖ്യപ്രഭാഷണം നടത്തി. സി.കെ. അർബാസ്, അക്ഷയ് ചൊക്ലി, എം. ഷാജി ചൊക്ലി, എ.എം. രാജേഷ് മാസ്​റ്റർ, ജുമാന റസാക്ക് എന്നിവർ സംസാരിച്ചു.