പ്ലസ് ടു വിദ്യാര്‍ഥി ബസില്‍നിന്ന് തെറിച്ചുവീണു; ഡ്രൈവര്‍ക്കെതിരെ കേസ്

ശ്രീകണ്ഠപുരം: ക്ലാസ് കഴിഞ്ഞ് വീട്ടിലേക്ക് മടങ്ങുകയായിരുന്ന പ്ലസ് ടു വിദ്യാർഥി ബസി​‍ൻെറ തുറന്നുവെച്ച പിന്‍വാതിലിലൂടെ തെറിച്ചുവീണു. നടുവിൽ ഹയർ സെക്കൻഡറി വിദ്യാർഥിയും വെള്ളാട് സ്വദേശിയുമായ അര്‍ജുനാണ് (17) തലക്ക് പരിക്കേറ്റത്. വിദ്യാര്‍ഥിയെ തളിപ്പറമ്പ്​ ആശുപത്രിയിലും തുടര്‍ന്ന് കണ്ണൂരിലെ സ്വകാര്യ ആശുപത്രിയിലും പ്രവേശിപ്പിച്ചു. സംഭവത്തില്‍ ബസ് ഡ്രൈവര്‍ പാണത്തൂരിലെ അനീഷിനെതിരെ (28) കുടിയാന്മല പൊലീസ് കേസെടുത്തു. ബുധനാഴ്ച ഉച്ചക്ക് രണ്ടുമണിയോടെയാണ് സംഭവം. വിളക്കന്നൂരിനും താവുകുന്നിനും ഇടയിലെ വളവിലാണ് അപകടം. ഇരിട്ടി-പാണത്തൂര്‍ റൂട്ടില്‍ സര്‍വിസ് നടത്തുന്ന ജേക്കബ് ബസി​‍ൻെറ തുറന്നുവെച്ച പിന്‍വാതിലിലൂടെയാണ് അര്‍ജുന്‍ പുറത്തേക്ക് തെറിച്ചുവീണത്.