സോമിൽ തൊഴിലാളി ജില്ല കൺവെൻഷൻ നാളെ

കണ്ണൂർ: ജില്ലയിലെ അസംഘടിത മേഖലയിൽ ജോലി ചെയ്യുന്ന ഈർച്ചമിൽ തൊഴിലാളി സംഘടന, കേരള സോമിൽ തൊഴിലാളി അസോസിയേഷൻ കൺവെൻഷൻ ഞായറാഴ്​ച രാവിലെ 10ന് പുതിയതെരു ചിറക്കൽ സർവിസ് സഹകരണ ബാങ്ക് ഓഡിറ്റോറിയത്തിൽ നടക്കുമെന്ന്​ ഭാരവാഹികൾ അറിയിച്ചു. കൺവെൻഷനിൽ 200ഓളം തൊഴിലാളികൾക്ക് അംഗത്വ വിതരണവും ജില്ല കമ്മിറ്റി രൂപവത്​കരണവും നടക്കും. ജില്ലയിലെ ഈർച്ചമിൽ തൊഴിലാളികളുടെ പ്രശ്​നം അധികൃതരുടെ ശ്രദ്ധയിൽപെടുത്തുകയും പരിഹാരം കാണുകയുമാണ് സംഘടന ലക്ഷ്യമാക്കുന്നത്​. വാർത്തസമ്മേളനത്തിൽ ആക്​ടിങ്​ കമ്മിറ്റി ഭാരവാഹികളായ വി.വി. അശോകൻ, മനോജ് പിണറായി, സി.ടി. ദുർഗാദാസ്, കെ. രഘു, സുലൈമാൻ കീഴൂർ എന്നിവർ പങ്കെടുത്തു.