ചൊക്ലിയിൽ നാടകപ്രവർത്തകരുടെ കൂട്ടായ്മ

ചൊക്ലി: നാടകപ്രവർത്തകരുടെ കൂട്ടായ്മയായ നാടകി​ൻെറ ചൊക്ലി പഞ്ചായത്ത് അംഗങ്ങളുടെ കൂട്ടായ്മ ഒപ്പരം നടത്തി. ചൊക്ലി ഇ.കെ. നായനാർ സ്മാരക ഹാളിൽ കെ.പി. മോഹനൻ എം.എൽ.എ ഉദ്ഘാടനം ചെയ്തു. വിനോദ് നരോത്ത് അധ്യക്ഷത വഹിച്ചു. ഐ.വി. ദാസ് പുരസ്കാര ജേതാവ് കവിയൂർ രാജഗോപാലിനെയും കെ.എൻ. കുറുപ്പ്, കൊളവട്ടം കുഞ്ഞിക്കണ്ണൻ, പി. ദാമു, രയരോത്ത് കുഞ്ഞികൃഷ്ണൻ, ചന്ദ്രൻ പാലോത്ത്, എം. വാസു, കെ.പി. രാജൻ, കെ.എം. ഗംഗാധരൻ, പുതുശ്ശേരിൻറവിടെ രാഘവൻ എന്നീ ആദ്യകാല നാടകപ്രവർത്തകരെയും കെ.പി. മോഹനൻ ഉപഹാരം നൽകി ആദരിച്ചു. നാടക് സംസ്ഥാന കമ്മിറ്റി അംഗം ടി.ടി. മോഹനൻ, ജില്ല കമ്മിറ്റി അംഗം സുധി പാനൂർ, തലശ്ശേരി മേഖല പ്രസിഡൻറ് സുരേഷ് ചെണ്ടയാട്, പി.കെ. മോഹനൻ, എം. ഹരീന്ദ്രൻ, ടി.ടി. വേണുഗോപാൽ, എം. സുകുമാരൻ എന്നിവർ സംസാരിച്ചു.