അനധികൃത മദ്യക്കടത്ത്; പുതുപ്പണം സ്വദേശി അറസ്​റ്റില്‍

മാഹി: അഴിയൂര്‍ എക്‌സൈസ് ചെക്ക്പോസ്​റ്റില്‍ നടത്തിയ വാഹന പരിശോധനയില്‍ മാഹിയിൽ വിൽപന നടത്താനുള്ള മദ്യവുമായി യുവാവ് പിടിയില്‍. പുതുപ്പണം സ്വദേശിയായ രജിഷ് ആണ് എക്‌സൈസി​ൻെറ വലയിലായത്. ചൊവ്വാഴ്ച രാവിലെ ചെക്ക്പോസ്​റ്റില്‍ നടത്തിയ വാഹനപരിശോധനയില്‍ 30 കുപ്പി വിദേശമദ്യവുമായാണ് രജീഷ് അറസ്​റ്റിലാകുന്നത്. അഴിയൂര്‍ എക്‌സൈസ് ചെക്ക്പോസ്​റ്റിലെ അസി. എക്‌സൈസ് ഇന്‍സ്‌പെക്ടര്‍ എ.ബി. പ്രസാദി​ൻെറ നേതൃത്വത്തിലാണ് വാഹനപരിശോധന നടന്നത്. വാഹനപരിശോധനയില്‍ പ്രിവൻറിവ് ഓഫിസര്‍ സബിറലി, സിവില്‍ എക്‌സൈസ് ഓഫിസര്‍മാരായ സി.വി. സന്ദീപ്, എ.പി. ഷിജിന്‍, എ. അനിൽ എന്നിവർ സംബന്ധിച്ചു.