മാഹി കോളജിൽ ഡിഗ്രി: ഇൻറർവ്യൂ എട്ടിന്

മാഹി: മാഹി കോളജിൽ ഒഴിവുള്ള ബിരുദ കോഴ്സുകളിലേക്ക് എട്ടിന് ഉച്ച ഒന്നു മുതൽ 1.30 വരെ രജിസ്ട്രേഷനും രണ്ടിന് കൗൺസലിങ്ങും നടക്കും. ബി.എ മലയാളം, ഹിന്ദി, ബി.എസ്​സി ഫിസിക്സ്, സുവോളജി, ബോട്ടണി, കെമിസ്ടി, മാത്തമാറ്റിക്സ് എന്നിവയിലാണ് സീറ്റുകൾ ഒഴിവുള്ളത്. മാഹിയിലുള്ളവർക്കും കേരളത്തിലുള്ളവർക്കും ഇൻറർവ്യൂവിൽ പങ്കെടുക്കാം. നേരത്തേ അപേക്ഷ നൽകിയിട്ടില്ലാത്തവർക്കും കൂടിക്കാഴ്ചയിൽ സംബന്ധിക്കാമെന്ന് പ്രിൻസിപ്പൽ അറിയിച്ചു.