കെ.എസ്.ടി.എ ജില്ല സമ്മേളനം: ലോഗോ പ്രകാശനം ചെയ്തു

തലശ്ശേരി: കെ.എസ്.ടി.എ ജില്ല സമ്മേളനത്തോടനുബന്ധിച്ചുള്ള പരിപാടികൾക്ക് തുടക്കമായി. ജനുവരി ഒന്ന്, രണ്ട് തീയതികളിൽ കതിരൂരിൽ നടക്കുന്ന സമ്മേളനത്തി​ൻെറ ലോഗോ പ്രകാശനം തലശ്ശേരിയിൽ കെ.എസ്.ടി.എ സംസ്ഥാന സെക്രട്ടറി എ.കെ. ബീന നിർവഹിച്ചു. സംഘാടക സമിതി ചെയർമാൻ കാരായി രാജൻ ഏറ്റുവാങ്ങി. ഉപജില്ലയിലെ 50 കേന്ദ്രങ്ങളിൽ ഒരുക്കുന്ന വീട്ടുമുറ്റ സദസ്സുകളിലെ ആദ്യ സദസ്സ്​ വടക്കുമ്പാട് മഠത്തുംഭാഗത്തെ ഗ്രാൻമ തിയറ്ററിൽ നടന്നു. സി.സി. വിനോദ്കുമാർ ഉദ്ഘാടനം ചെയ്തു. പ്രതിനിധി സമ്മേളനം സ്പീക്കർ എം.ബി. രാജേഷ് ഉദ്ഘാടനം ചെയ്യും. വൈകീട്ട് 4.30ന് പൊതുസമ്മേളനം വ്യവസായ മന്ത്രി പി. രാജീവ് ഉദ്ഘാടനം ചെയ്യും. ലോഗോ പ്രകാശന ചടങ്ങിൽ സംസ്ഥാന സെക്രട്ടറി എ.കെ. ബീന, കാരായി രാജൻ, സി. ജയചന്ദ്രൻ, ടി.വി. സഖീഷ്, ഇ. ഗംഗാധരൻ, എ.കെ. സുരേഷ്, സുശാന്ത് കൊല്ലറക്കൽ എന്നിവർ പങ്കെടുത്തു.