ലേബർ ഷെഡിൽ അനധികൃത താമസം തടയണം

പയ്യന്നൂർ: രാമന്തളി പഞ്ചായത്തിൽ 13ാം വാർഡിൽ ജനവാസ കേന്ദ്രത്തിൽ നിർമിച്ച ലേബർ ഷെഡിന്​ പ്രവർത്തനാനുമതി ലഭിക്കുംമുമ്പ് അന്തർ സംസ്ഥാന തൊഴിലാളികളെ താമസിപ്പിക്കുന്നത് തടയണമെന്ന് 13ാം വാർഡ് റസിഡൻഷ്യൻ അസോസിയേഷൻ പഞ്ചായത്ത് അധികൃതർക്ക് പരാതി നൽകി. കേരള കെട്ടിട നിർമാണ ചട്ടങ്ങൾ കാറ്റിൽപറത്തി ഷീറ്റുകൊണ്ട് ചുമരും മേൽക്കൂരയും ഉണ്ടാക്കിയാണ് ലേബർ ഷെഡ് നിർമിക്കുന്നത്. നീക്കത്തിൽനിന്ന്​ പിന്മാറാത്ത പക്ഷം സമര പരിപാടികൾ സംഘടിപ്പിക്കാനും തീരുമാനിച്ചു. വിജയൻ വളമ്പത്ത് അധ്യക്ഷത വഹിച്ചു. പി.വി. രാഘവൻ, പി.വി. സുരേന്ദ്രൻ, ടി.കെ. സുരേന്ദ്രൻ, ഡി.കെ. മനോജ്, കെ.എം. അനിൽകുമാർ, പി. ഗിരീഷ്, പി.കെ. ജ്യോതി, കെ.പി. സരിത, ശൈലജ പവിത്രൻ എന്നിവർ സംസാരിച്ചു.