പൗരോഹിത്യ സുവർണ ജൂബിലിയാഘോഷം തുടങ്ങി

തളിപ്പറമ്പ്: സൻെറ്​ മേരീസ് ഫൊറോന ദേവാലയ വികാരി ഫാ. അബ്രഹാം പോണാട്ടി​ൻെറ . ആർച്ച് ബിഷപ്​ എമിരേറ്റ്സ് ഡോ. ജോർജ്​ വലിയമറ്റം ഭദ്രദീപം കൊളുത്തി ജൂബിലിയാഘോഷം ഉദ്ഘാടനം ചെയ്തു. 2022 മേയ് വരെ നീളുന്ന ആഘോഷങ്ങളാണ് ആസൂത്രണം ചെയ്തിട്ടുള്ളത്. ഒരു നിർധന കുടുംബത്തിന് വീട് നിർമിച്ചുനൽകും. ഞായറാഴ്ച രാവിലെയാണ് ഫാ. അബ്രഹാം പോണാട്ടിൻെറ സുവർണ ജൂബിലി ആഘോഷങ്ങൾക്ക് തുടക്കമായത്. ഫാ.അബ്രഹാം പോണാട്ടിനെയും വിശിഷ്​ടാതിഥികളെയും ദേവാലയത്തിനകത്തേക്ക് ആനയിച്ചു. നിരവധി സദ്​പ്രവൃത്തികൾ നടത്തിയ വ്യക്തിത്വമാണ് ഫാ. അബ്രഹാം പോണാട്ടെന്ന് ആർച്ച് ബിഷപ്​ എമിരേറ്റ്സ് ജോർജ് വലിയമറ്റം പറഞ്ഞു. വികാരി ജനറാൾ മോൺസിഞ്ഞ്യോർ ഫാ.ജോസഫ് ഒറ്റപ്ലാക്കൽ അധ്യക്ഷത വഹിച്ചു. അഡ്വ. മാർട്ടിൻ കൊട്ടാരത്തിൽ സ്വാഗതം പറഞ്ഞു. റസിഡൻറ്​ വികാരി ഫാ.ജോസഫ് മമ്പള്ളിക്കുന്നേൽ, ഫാ.ജോൺസൺ പടിഞ്ഞാറെയിൽ, ഫാ. ഇമ്മാനുവൽ കാനാട്ട്, കൈക്കാരന്മാരായ മാത്യു വട്ടക്കുന്നേൽ, ഡായി മാത്യു പ്ലാത്തോട്ടം, ജോസ് മുകുളേൽ, മൈക്കിൾ കൊച്ചുപറമ്പിൽ എന്നിവർ ചടങ്ങുകൾക്ക് നേതൃത്വം നൽകി.