വാട്ടർ ടാങ്കുകൾ നൽകി

കൂത്തുപറമ്പ്: ചിറ്റാരിപ്പറമ്പ് പഞ്ചായത്തിന്‍റെ നേതൃത്വത്തിൽ പട്ടികജാതി, പട്ടികവിഭാഗ കുടുംബങ്ങൾക്ക് കുടിവെള്ളം സംഭരിക്കുന്നതിന് വാട്ടർ ടാങ്കുകൾ വിതരണം ചെയ്തു. വിതരണോദ്ഘാടനം പഞ്ചായത്ത് പ്രസിഡന്‍റ്​ വി. ബാലൻ നിർവഹിച്ചു. പഞ്ചായത്ത് വൈസ് പ്രസിഡന്‍റ്​ സിജ രാജീവൻ അധ്യക്ഷത വഹിച്ചു. സി. ചന്ദ്രൻ, കെ. റോജ, സി.സി. സഹിൽ രാജ് മാസ്റ്റർ, സി. സുഗതൻ, കെ.വി. ശ്രീധരൻ തുടങ്ങിയവർ സംസാരിച്ചു. 2021-22 വർഷത്തെ വാർഷിക പദ്ധതിയിൽ ഉൾപ്പെടുത്തിയാണ് വാട്ടർ ടാങ്കുകൾ നൽകുന്നത്.