കോവിഡ്​ കുറയുന്നു

597 പേർക്കുകൂടി രോഗം കണ്ണൂർ: ജില്ലയിൽ കോവിഡ്​ ബാധ കുറയുന്നത്​ ആശ്വാസമാകുന്നു. 597 പേർക്കാണ്​ പുതുതായി രോഗം സ്ഥിരീകരിച്ചത്​. ഈ മാസം തുടക്കത്തിൽ രണ്ടായിരത്തിലധികമായിരുന്നു രോഗികളുടെ എണ്ണം. നാലുദിവസമായി കോവിഡ്​ കേസുകൾ ആയിരത്തിൽ താഴെയാണ്​. ഇതുവരെ കോവിഡ് സ്ഥിരീകരിച്ചവരുടെ എണ്ണം 3,42,861 ആയി​. ശനിയാഴ്​ച 1807 പേർ രോഗമുക്തരായി. 3292 സാമ്പികളുകളാണ്​ പുതുതായി പരിശോധിച്ചത്​. 25,96,885 സാമ്പിളുകൾ ഇതുവരെ പരിശോധിച്ചു.