കുടിവെള്ളം പാഴാകുന്നു

കല്യാശ്ശേരി: പ്രധാന കുടിവെള്ള പൈപ്പ് ലൈനിന്‍റെ വാൽവ്​ തകരാർ കാരണം വെള്ളം കവിഞ്ഞൊഴുകിയിട്ടും നടപടിയില്ല. കല്യാശ്ശേരി സെൻട്രൽ എൽ.പി സ്കൂൾ റോഡ് കവലയിലാണ് വാൾവുപൊട്ടി മാസങ്ങളായി കുടിവെള്ളം പാഴാകുന്നത്. കല്യാശ്ശേരി ബിക്കിരിയൻ പറമ്പിൽ നിന്നുള്ള പ്രധാന ജലസംഭരണിയിൽനിന്ന്​ പള്ളിക്കുന്നിൽ എത്തുന്ന വലിയ പൈപ്പാണിത്. ഇതിൽ നിന്നാണ് മാസങ്ങളായി വെള്ളം പാഴാക്കുന്നത്. മാലിന്യം കുടിവെള്ളവുമായി കലർന്ന് ഗുരുതര രോഗങ്ങള്‍ പടരാന്‍ സാധ്യതയുണ്ട്. അധികൃതർ ഉടൻ നടപടി സ്വീകരിക്കണമെന്ന്​ നാട്ടുകാർ ആവശ്യപ്പെട്ടു.