നവീകരിച്ച ഗ്രന്ഥാലയം തുറന്നു

തലശ്ശേരി: കതിരൂർ തരുവണത്തെരു പാട്യം ഗോപാലൻ സ്മാരക വായനശാലയുടെ നവീകരിച്ച സർഗ ഗ്രന്ഥാലയത്തിന്റെ ഉദ്ഘാടനം വി. ശിവദാസൻ എം.പി നിർവഹിച്ചു. എം.സി. പവിത്രൻ അധ്യക്ഷത വഹിച്ചു. ഗ്രന്ഥശാല സംഘം ജില്ല പ്രസിഡന്റ് മുകുന്ദൻ മഠത്തിൽ, ഡോ. കെ.കെ. കുമാരൻ മാസ്റ്റർ, ശിവ കൃഷ്ണൻ മാസ്റ്റർ, എ. മോഹനൻ, ഭാസ്കരൻ കൂരാറത്ത്, വാർഡ് മെംബർമാരായ ശോസ്ന, സുധീഷ് നെയ്യൻ എന്നിവർ പങ്കെടുത്തു. കുമാരൻ മാസ്റ്ററും ശിവകൃഷ്ണൻ മാസ്റ്ററും ഗ്രന്ഥാലയത്തിന് നൽകിയ പുസ്തകങ്ങൾ വായനശാല സെക്രട്ടറി കെ. രാധാകൃഷ്ണൻ ഏറ്റുവാങ്ങി. പുസ്തക വിതരണ ഉദ്ഘാടനം വി. ശിവദാസൻ എം.പി ഗംഗാധരൻ മാസ്റ്റർക്ക് നൽകി നിർവഹിച്ചു. വായനശാല പ്രസിഡന്റ് ദിനേഷ് കൂടാളി നന്ദി പറഞ്ഞു. കല്യാണ ആഭാസങ്ങൾക്കെതിരെ പ്രതിജ്ഞയുമെടുത്തു. ----------------------------------- പടം.....സർഗ ഗ്രന്ഥാലയത്തിലെ പുസ്തക വിതരണ ഉദ്ഘാടനം വി. ശിവദാസൻ എം.പി ഗംഗാധരൻ മാസ്റ്റർക്ക് നൽകി നിർവഹിക്കുന്നു