മദ്യ വിൽപന: ഹോട്ടലുടമ അറസ്റ്റിൽ

ശ്രീകണ്ഠപുരം: ചെമ്പേരിയിൽ ഹോട്ടൽ കേന്ദ്രീകരിച്ച് വൻതോതിൽ മദ്യവിൽപന നടത്തിയയാൾ പിടിയിലായി. ചെമ്പേരിയിലെ നവീൻ ഹോട്ടൽ ഉടമ കൊച്ചുപുരക്കൽ ജോയിയെയാണ് (60) കുടിയാന്മല സി.ഐ മെൽബിൻ ജോസ്, എസ്.ഐ നിബിൻ ജോയി എന്നിവർ ചേർന്ന് അറസ്റ്റുചെയ്തത്. ഹോട്ടലിൽ നിന്ന് മദ്യം പിടിച്ചെടുക്കുകയും ചെയ്തു. നേരത്തെയും പലതവണ ഇയാൾ പിടിയിലായിരുന്നുവെന്നും വ്യാപക പരാതിയെ തുടർന്നാണ് നിരീക്ഷണം നടത്തി വീണ്ടും പിടികൂടിയതെന്നും പൊലീസ് പറഞ്ഞു. പ്രതിയെ റിമാൻഡ് ചെയ്തു.