ബോധവത്കരണ റാലി

ന്യൂ മാഹി: എം.എം ഹൈസ്കൂളിൽ ഭാരത് സ്കൗട്ട് ആൻഡ് ഗൈഡ് പരിചിന്തന ദിനാചരണത്തിന്റെ ഭാഗമായി വായു മലിനീകരണത്തിനെതിരെ ബോധവത്കരണം നടത്തി. റാലിയും ചിത്രരചനയും പ്രശ്നോത്തരി മത്സരങ്ങളും നടത്തി. പ്രിൻസിപ്പൽ കെ.പി. റീത്ത ഉദ്ഘാടനം ചെയ്തു. പ്രധാനാധ്യാപകൻ ഒ. അബ്ദുൽ അസീസ് അധ്യക്ഷത വഹിച്ചു. സ്കൗട്ട് അധ്യാപകൻ വി. സിറാജ്, ഗൈഡ് ക്യാപ്റ്റന്മാരായ എസ്. ശ്രീലേഖ, കെ. പുഷ്പലത എന്നിവർ സംസാരിച്ചു. ഗൈഡ് ക്യാപ്റ്റന്മാരായ ടി.കെ. ജിഷ, പി. സന്ധ്യ എന്നിവർ നേതൃത്വം നൽകി.