ആനയടി കോളനിയിൽ വികസനം നടപ്പാക്കും

ശ്രീകണ്ഠപുരം: പയ്യാവൂർ ആനയടിയിലെ എസ്‌.ടി കോളനിയിൽ ആവശ്യമായ വികസനം അംബേദ്കർ പദ്ധതിയിൽ ഉൾപ്പെടുത്തി നടപ്പാക്കണമെന്ന് സജീവ് ജോസഫ് എം.എൽ.എ ആവശ്യപ്പെട്ടു. പയ്യാവൂർ പഞ്ചായത്തിലെ ആനയടി കോളനിയിൽ ചേർന്ന ഊരുകൂട്ടം യോഗത്തിൽ സംസാരിക്കുകയായിരുന്നു അദ്ദേഹം. കമ്യൂണിറ്റി ഹാൾ, കുടിവെള്ളപദ്ധതി, അംഗൻവാടി, തയ്യൽ യൂനിറ്റ്, പൊതുവിതരണ കേന്ദ്രം, പട്ടയം എന്നിവ അംബേദ്കർ പദ്ധതിയിൽ ഉൾപ്പെടുത്തിയാൽ നടപ്പാക്കാനാകുമെന്ന് എം.എൽ.എ പറഞ്ഞു. പഞ്ചായത്ത് പ്രസിഡന്റ് സാജു സേവ്യർ, ജില്ല പഞ്ചായത്തംഗം ഇ. ശ്രീധരൻ, പഞ്ചായത്തംഗം മോഹനൻ, പഞ്ചായത്ത് സെക്രട്ടറി ഉണ്ണികൃഷ്ണൻ, ജില്ല ട്രൈബൽ ഓഫിസർ എസ്‌. സന്തോഷ് കുമാർ, ട്രൈബൽ ഓഫിസർ ഷൈജു, നിർമിതികേന്ദ്രം പ്രതിനിധി ശ്രീനാഥ് തുടങ്ങിയവർ പങ്കെടുത്തു.