യുദ്ധവിരുദ്ധ സന്ദേശ റാലി

കേളകം: സെന്റ് തോമസ് ഹയർസെക്കൻഡറി സ്കൂൾ വിദ്യാർഥികൾ യുദ്ധവിരുദ്ധ സമാധാന സന്ദേശറാലി നടത്തി. സ്റ്റുഡന്റ് പൊലീസ് കാഡറ്റ്, സ്കൗട്ട്, ഗൈഡ്, റെഡ്ക്രോസ് എന്നീ സംഘടനകളുടെ നേതൃത്വത്തിലാണ് സമാധാന സന്ദേശറാലി നടത്തിയത്. സ്കൂളിൽനിന്ന് ആരംഭിച്ച റാലി പി.ടി.എ പ്രസിഡന്റ് സി.സി. സന്തോഷ് ഫ്ലാഗ് ഓഫ് ചെയ്തു. കേളകം ബസ് സ്റ്റാൻഡിൽ നല്‍കിയ സ്വീകരണയോഗം കേളകം ഗ്രാമപഞ്ചായത്ത് പ്രസിഡന്റ് സി.ടി. അനീഷ് ഉദ്ഘാടനം ചെയ്തു. പ്രമുഖ പ്രഭാഷകനും സാന്‍തോം ഹയർസെക്കൻഡറി സ്കൂൾ അധ്യാപകനുമായ രഞ്ജിത്ത് മാർക്കോസ് യുദ്ധവിരുദ്ധ സമാധാന സന്ദേശം നൽകി.