കാപ്പ ചുമത്തി യുവാവിനെ നാടുകടത്തി

കണ്ണൂര്‍: മൂന്നു വര്‍ഷത്തിനുള്ളില്‍ ജില്ലയിലെ വിവിധ പൊലീസ് സ്റ്റേഷനുകളിലായി നിരവധി ക്രിമിനല്‍ കേസുകളില്‍ പ്രതിയായ യുവാവിനെ കണ്ണൂര്‍ സിറ്റി​ ​പൊലീസ് കാപ്പ ചുമത്തി നാടുകടത്തി. തലശ്ശേരി സ്റ്റേഷന്‍ പരിധിയി​​​ലെ ചിറക്കരയിലെ പുതിയ മാളിയേക്കല്‍ കണ്ണോത്ത്​ വീട്ടിൽ മുഹമ്മദ് ഒനാസിസി (36)നെയാണ്​ നാടുകടത്തിയത്​. സിറ്റി പൊലീസ് മേധാവി ആർ. ഇളങ്കോയുടെ റിപ്പോര്‍ട്ടിന്‍റെ അടിസ്ഥാനത്തിലാണ്​ നടപടി. അടുത്ത കാലത്തായി കാപ്പ ചുമത്തി നാടുകടത്തല്‍ നടപടി നേരിടുന്ന രണ്ടാമത്തെ ക്രിമിനല്‍ കേസ് പ്രതിയാണ് മുഹമ്മെദ് ഒനാസിസ്. പ്രതിയുടെ പേരില്‍ നിലവില്‍ വിവിധ സ്റ്റേഷനുകളിലായി ആറോളം ക്രിമിനല്‍ കേസുകളുണ്ട്.