'വായനച്ചങ്ങാത്തം വായനശാലയിലേക്ക് ' പരിപാടിക്ക് തുടക്കം

ശ്രീകണ്ഠപുരം: സമഗ്രശിക്ഷാ കേരളം, താലൂക്ക് ലൈബ്രറി കൗൺസിൽ എന്നിവയുടെ നേതൃത്വത്തിൽ എൽ.പി വിഭാഗം കുട്ടികൾക്കായി നടത്തുന്ന 'വായനച്ചങ്ങാത്തം വായനശാലയിലേക്ക്' പരിപാടിയുടെ ഇരിക്കൂർ ബി.ആർ.സി തല ഉദ്ഘാടനം താലൂക്ക് ലൈബ്രറി കൗൺസിൽ സെക്രട്ടറി വി.സി. അരവിന്ദാക്ഷൻ നിർവഹിച്ചു. ഇരിക്കൂർ ബി.പി.സി ടി.വി.ഒ സുനിൽ കുമാർ അധ്യക്ഷതവഹിച്ചു. ഡോ. രമേശൻ കടൂർ മുഖ്യാതിഥിയായി. മലപ്പട്ടം പഞ്ചായത്ത് വൈസ് പ്രസിഡന്റ് ഇ. ചന്ദ്രൻ, വി. സഹദേവൻ, എ. പ്രേമരാജൻ, സി.വി. പ്രജീന, ബി.പി. വിപിന, എ.വി. രാഘവൻ, കെ. നാരായണൻ എന്നിവർ സംസാരിച്ചു.