ഇരിക്കൂറിൽ ലോറിയിടിച്ച് ഇലക്ട്രിക് പോസ്റ്റ് തകർന്നു

ഇരിക്കൂർ: നിയന്ത്രണംവിട്ട് ലോറിയിടിച്ച് ഗാന്ധി റോഡിന്‌ സമീപമുള്ള ഇലക്ട്രിക് പോസ്റ്റ് തകർത്തു. ഞായറാഴ്ച രാവിലെ ഇരിട്ടിയിൽനിന്ന് കാസർകോട്ടേക്ക് കോഴിയുമായി പോകുന്ന ലോറിയാണ് അപകടത്തിൽപെട്ടത്. ലോറിയിലുള്ളവർ പരിക്കേൽക്കാതെ രക്ഷപ്പെട്ടു. ഈ ഭാഗത്തേക്കുള്ള ഗതാഗതവും വൈദ്യുതി വിതരണവും മണിക്കൂറുകളോളം തടസ്സപ്പെട്ടു. ചിത്രം : ഇലക്ട്രിക് പോസ്റ്റ് ലോറിയിടിച്ച് തകർന്ന നിലയിൽ