സെപക്താക്രോ ചാമ്പ്യൻഷിപ് 12ന്

കണ്ണൂർ: 16ാമത് സംസ്ഥാന സീനിയർ പുരുഷ -വനിത സെപക്താക്രോ ചാമ്പ്യൻഷിപ് മാർച്ച് 12ന് മാങ്ങാട്ടുപറമ്പ് കണ്ണൂർ സർവകലാശാല ഇൻഡോർ സ്റ്റേഡിയത്തിൽ നടക്കുമെന്ന് സംഘാടകർ വാർത്തസമ്മേളനത്തിൽ അറിയിച്ചു. ജില്ല അസോസിയേഷനും സെപക്താക്രോ അസോസിയേഷൻ കേരളയും സംയുക്തമായാണ്​ ചാമ്പ്യൻഷിപ്​ സംഘടിപ്പിക്കുന്നത്​. രാവിലെ 10ന്​ എം. വിജിൻ എം.എൽ.എ ഉദ്ഘാടനം ചെയ്യും. 14 ജില്ലകളിൽനിന്നായി 350 ഓളം കായികതാരങ്ങളും ഒഫീഷ്യൽസും പങ്കെടുക്കും. വാർത്തസമ്മേളനത്തിൽ കെ.വി. ബാബു, മറ്റു ഭാരവാഹികളായ വി.പി. പവിത്രൻ, സി. അബ്ദുൽ അസീസ്, സുരേഷ് കണ്ണട, എം.വി. ഗോപി എന്നിവർ പങ്കെടുത്തു.