സ്വപ്നത്തിനൊപ്പം നാടില്ല: മുഖ്യമന്ത്രിയുടെ മണ്ഡലത്തിലും സിൽവർ ലൈൻ വിരുദ്ധവികാരം

ക​ണ്ണൂ​ർ: എ​ന്തു​വി​ല കൊ​ടു​ത്തും സി​ൽ​വ​ർ​ലൈ​ൻ ന​ട​പ്പാ​ക്കാ​നു​റ​പ്പി​ച്ച് മു​ന്നോ​ട്ടു​പോ​കു​മെ​ന്നു പ​റ​യു​ന്ന മു​ഖ്യ​മ​ന്ത്രി പി​ണ​റാ​യി വി​ജ​യ​​ന്‍റെ സ്വ​ന്തം നാ​ട്ടി​ലും പ​ദ്ധ​തി​ക്കെ​തി​രെ ക​ന​ത്ത പ്ര​തി​ഷേ​ധം. മു​ഖ്യ​മ​ന്ത്രി​യു​ടെ ധ​ർ​മ​ടം മ​ണ്ഡ​ല​ത്തി​ൽ സി​ൽ​വ​ർ ലൈ​ൻ സ​ർ​വേ പൂ​ർ​ത്തി​യാ​ക്കാ​നാ​യി​ല്ല. സ്ത്രീ​ക​ളും കു​ട്ടി​ക​ളു​​മു​ൾ​പ്പെ​ടെ​യു​ള്ള​വ​ർ സ​ർ​വേ ഉ​ദ്യോ​ഗ​സ്ഥ​​​രെ ​വെ​ള്ളി​യാ​ഴ്ച​യും ത​ട​ഞ്ഞു. ഇ​​തേ​തു​ട​ർ​ന്ന് ഉ​ദ്യോ​ഗ​സ്ഥ​ർ ക​ല്ലി​ടാ​നാ​കാ​തെ മ​ട​ങ്ങി. തു​ട​ർ​ച്ച​യാ​യ ര​ണ്ടാം ദി​ന​മാ​ണ് ധ​ർ​മ​ട​ത്ത് സി​ൽ​വ​ർ​​ലൈ​ൻ സ​ർ​വേ പ്ര​തി​ഷേ​ധം കാ​ര​ണം നി​ർ​ത്തി​വെ​ക്കേ​ണ്ടി വ​ന്ന​ത്. സ്വ​പ്ന​പ​ദ്ധ​തി​ക്ക് സ്വ​ന്തം നാ​ട്ടി​ൽ നി​ന്ന് അ​പ്ര​തീ​ക്ഷി​ത​മാ​യി ശ​ക്ത​മാ​യ പ്ര​തി​രോ​ധം ഉ​യ​ർ​ന്ന​ത് പ്ര​തി​പ​ക്ഷം ആ​യു​ധ​മാ​ക്കു​മെ​ന്ന​ത് പി​ണ​റാ​യി വി​ജ​യ​ന് ത​​ല​വേ​ദ​ന​യാ​ണ്.

മു​ഖ്യ​മ​ന്ത്രി​യു​ടെ മ​ണ്ഡ​ല​ത്തി​​ന്‍റെ ഭാ​ഗ​മാ​യ ധ​ർ​മ​ടം, മു​ഴ​പ്പി​ല​ങ്ങാ​ട് പ​ഞ്ചാ​യ​ത്തു​ക​ളി​ലാ​ണ് സ​ർ​വേ ന​ട​ത്താ​നാ​യി ഉ​ദ്യോ​ഗ​സ്ഥ​രെ​ത്തി​യ​ത്. ഉ​ദ്യോ​ഗ​സ്ഥ​രെ​ത്തു​ന്ന​തി​ന് മു​മ്പു​ത​ന്നെ സ്ഥ​ല​വും വീ​ടും ന​ഷ്ട​പ്പെ​ടു​ന്ന പ്ര​ദേ​ശ​വാ​സി​ക​ൾ സ്ഥ​ല​ത്ത് ത​മ്പ​ടി​ച്ചി​രു​ന്നു. ഇ​വ​ർ​ക്കൊ​പ്പം യു.​ഡി.​എ​ഫ് പ്ര​വ​ർ​ത്ത​ക​രും ചേ​ർ​ന്നു. കു​റ്റി സ്ഥാ​പി​ക്കേ​ണ്ട സ്ഥ​ല​ത്ത് നി​ല​യു​റ​പ്പി​ച്ച പ്ര​തി​ഷേ​ധ​ക്കാ​രും ഉ​ദ്യോ​ഗ​സ്ഥ​രും ത​മ്മി​ൽ വാ​ക്കേ​റ്റ​വും ത​ർ​ക്ക​വു​മു​ണ്ടാ​യി. ഒ​രു​ഘ​ട്ട​ത്തി​ൽ ഉ​ദ്യോ​ഗ​സ്ഥ​സം​ഘ​ത്തി​ലെ ഉ​ദ്യോ​ഗ​സ്ഥ​നു നേ​രെ കൈ​യേ​റ്റ ശ്ര​മ​മു​ണ്ടാ​യി. ക​ല്ല് പി​ഴു​തു​മാ​റ്റു​ക​യും ചെ​യ്തു. ആ​ത്മ​സം​യ​മ​നം പാ​ലി​ച്ച പൊ​ലീ​സ് പ്ര​തി​ഷേ​ധ​ക്കാ​ർ​ക്ക് നേ​രെ ബ​ല​പ്ര​യോ​ഗ​ത്തി​ന് തു​നി​ഞ്ഞി​ല്ല. മു​ഖ്യ​മ​ന്ത്രി​യു​ടെ നാ​ട്ടി​ൽ ക്ര​മ​സ​മാ​ധാ​ന പ്ര​ശ്നം ഒ​ഴി​വാ​ക്കാ​നു​ള്ള ക​രു​ത​ലാ​യി​രു​ന്നു അ​ത്. ഇ​തു​സം​ബ​ന്ധി​ച്ച് മു​ഖ്യ​മ​ന്ത്രി​യു​ടെ ഓ​ഫി​സി​ൽ​നി​ന്ന് പൊ​ലീ​സി​ന് പ്ര​ത്യേ​ക നി​ർ​ദേ​ശ​മു​ണ്ടാ​യി​രു​ന്നു. ​

കെ.​പി.​സി.​സി പ്ര​സി​ഡ​ന്‍റ് സു​ധാ​ക​ര​​ന്‍റെ നാ​ടാ​യ ക​ണ്ണൂ​ർ മ​ണ്ഡ​ല​ത്തി​​ൽ​പെ​ട്ട ന​ടാ​ൽ, എ​ട​ക്കാ​ട് ഭാ​ഗ​ത്ത് സ​ർ​വേ ത​ട​യാ​നെ​ത്തി​യ​വ​രെ സി.​പി.​എം പ്ര​വ​ർ​ത്ത​ക​ർ നേ​രി​ട്ട് കൈ​കാ​ര്യം ​ചെ​യ്തി​രു​ന്നു. ന​ടാ​ലി​ൽ പ്ര​തി​ഷേ​ധ​ക്കാ​ർ​ക്ക് സി.​പി.​എ​മ്മു​കാ​രു​ടെ മ​ർ​ദ​ന​മേ​റ്റു. എ​ന്നാ​ൽ, സി.​പി.​എം ശ​ക്തി​കേ​ന്ദ്ര​മാ​യി​രു​ന്നി​ട്ടും ധ​ർ​മ​ട​ത്ത് സ​ർ​വേ ത​ട​യാ​നെ​ത്തി​യ​വ​ർ​ക്ക് നേ​രെ പാർട്ടി പ്ര​വ​ർ​ത്ത​ക​രു​ടെ ഭാ​ഗ​ത്തു​നി​ന്ന് അ​ത്ത​രം നീ​ക്ക​ങ്ങ​ളൊ​ന്നു​മു​ണ്ടാ​യി​ല്ല. ക​ണ്ണൂ​ർ ജി​ല്ല​യി​ൽ ഏ​റ​ക്കു​റെ പൂ​ർ​ത്തി​യാ​യ ക​ല്ലി​ട​ൽ ധ​ർ​മ​ടം, ത​ല​ശ്ശേ​രി മ​ണ്ഡ​ല​ങ്ങ​ളി​ൽ മാ​ത്ര​മാ​ണ് ഇ​നി ബാ​ക്കി​യു​ള്ള​ത്.