അവന്തികക്ക് ഇനി മരുന്ന് മുടങ്ങില്ല
text_fieldsകണ്ണൂർ താലൂക്ക്തല അദാലത്തിലെത്തിയ ഭിന്നശേഷിക്കാരി ചെമ്പിലോട്ട് പള്ളിപ്പൊയിലിലെ കെ. അവന്തികയുമായി മന്ത്രിമാരായ പി. പ്രസാദ്, കെ. രാധാകൃഷ്ണൻ എന്നിവർ സംസാരിക്കുന്നു
കണ്ണൂർ: ചെമ്പിലോട് പള്ളിപ്പൊയിലിലെ കെ. അവന്തികക്ക് ഇനി മരുന്ന്മുടങ്ങാതെ ലഭിക്കും. കണ്ണൂര് താലൂക്കുതല അദാലത്ത് നടക്കുന്ന വേദിയില് അവന്തികയും ഉണ്ടായിരുന്നു. ചക്ര കസേരയിലിരുന്ന് പുഞ്ചിരിക്കുന്ന ഈ 13കാരിയെ കണ്ടതോടെ മന്ത്രിമാരായ കെ. രാധാകൃഷ്ണനും പി. പ്രസാദും അടുത്തെത്തി. കുശലാന്വേഷണത്തിന് ശേഷം കാര്യം തിരക്കിയപ്പോള് അവന്തികയുടെ അച്ഛൻ രമേശന് കണ്ടപ്പനും അമ്മ ഇ. സജിനയും സങ്കടങ്ങളുടെ കെട്ടഴിച്ചു. ഭിന്നശേഷിക്കാരിയായ മകളുടെ ചികിത്സാച്ചെലവും മരുന്ന് കാശും താങ്ങാനാവാതെ ദുരിതത്തിലായിരുന്നു ഈ കുടുംബം. മാസംതോറും 4500 രൂപയുടെ മരുന്ന് മാത്രം വേണം അവന്തികക്ക്. ഈ തുക താങ്ങാനാകുന്നില്ലെന്ന കാര്യം ഇരുവരും മന്ത്രിമാരോട് പറഞ്ഞു. ഇതോടെ വിഷയം അടിയന്തര പ്രാധാന്യത്തോടെ പരിഗണിച്ച മന്ത്രി പി. പ്രസാദ് പാലിയേറ്റീവ് പ്രൊജക്ടില് ഉള്പ്പെടുത്തി അവന്തികക്ക് മരുന്ന് മുടക്കമില്ലാതെ ലഭ്യമാക്കാന് ഉത്തരവിടുകയായിരുന്നു. കൂലിപ്പണികാരനായ രമേശന് ലഭിക്കുന്ന വരുമാനം കൊണ്ടാണ് കുടുംബം മുന്നോട്ട് പോകുന്നത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.