കെട്ടിട നമ്പർ അപേക്ഷകൾ കെട്ടിക്കിടക്കുന്നു; കലക്ടർക്ക് കത്തയക്കാൻ കോർപറേഷൻ

ക​ണ്ണൂ​ര്‍: കോ​ര്‍പ​റേ​ഷ​ന്‍ പ​രി​ധി​യി​ൽ പു​തു​താ​യി നി​ർ​മി​ച്ച​തും പു​ന​ർ​നി​ർ​മി​ച്ച​തു​മാ​യ കെ​ട്ടി​ട​ങ്ങ​ള്‍ക്ക് ന​മ്പ​ര്‍ ല​ഭി​ക്കാ​ത്ത വി​ഷ​യ​ത്തി​ൽ ക​ല​ക്ട​ർ​ക്ക് ക​ത്ത​യ​ക്കാ​ൻ കൗ​ൺ​സി​ൽ യോ​ഗ​ത്തി​ൽ തീ​രു​മാ​നം. വി​ല്ലേ​ജ് ഓ​ഫി​സി​ൽ​നി​ന്നു​ള്ള ന​ട​പ​ടി​ക​ൾ വൈ​കു​ന്ന​തി​നാ​ൽ കോ​ർ​പ​റേ​ഷ​ന് ല​ഭി​ക്കേ​ണ്ട നി​കു​തി വ​രു​മാ​നം സ​മ​യ​ബ​ന്ധി​ത​മാ​യി ഈ​ടാ​ക്കാ​നാ​വാ​ത്ത സാ​ഹ​ച​ര്യ​ത്തി​ൽ വി​ല്ലേ​ജ് ഓ​ഫി​സ​ര്‍, ത​ഹ​സി​ല്‍ദാ​ര്‍ എ​ന്നി​വ​രു​ടെ യോ​ഗം വി​ളി​ച്ചു​ചേ​ര്‍ക്കു​മെ​ന്ന് മേ​യ​ർ ടി.​ഒ. മോ​ഹ​ന​ൻ പ​റ​ഞ്ഞു.

കെ​ട്ടി​ട​ങ്ങ​ളു​ടെ വി​ശ​ദാം​ശ​ങ്ങ​ൾ എ​ല്ലാ മാ​സ​വും 10ാം തീ​യ​തി​ക്ക​കം നി​ശ്ചി​ത മാ​തൃ​ക​യി​ൽ വി​ല്ലേ​ജ് ഓ​ഫി​സ​ർ​ക്ക് ന​ൽ​ക​ണ​മെ​ന്ന് ക​ല​ക്ട​ർ നി​ർ​ദേ​ശം ന​ൽ​കി​യി​രു​ന്നു. നി​ല​വി​ൽ കെ​ട്ടി​ട ഉ​ട​മ​യോ​ട് ഒ​ക്യു​പ​ൻ​സി ന​ൽ​കി​യ പ്ലാ​നി​ന്റെ പ​ക​ർ​പ്പ് വി​ല്ലേ​ജ് ഓ​ഫി​സി​ൽ ഹാ​ജ​രാ​ക്കി​യാ​ൽ ല​ഭി​ക്കു​ന്ന സാ​ക്ഷ്യ​പ​ത്രം സ​മ​ർ​പ്പി​ക്കു​ന്ന മു​റ​ക്കാ​ണ് കെ​ട്ടി​ട ന​മ്പ​ർ അ​നു​വ​ദി​ക്കു​ന്ന​ത്.

എ​ന്നാ​ല്‍, വി​ല്ലേ​ജ് ഓ​ഫി​സി​ല്‍ സ​ര്‍ട്ടി​ഫി​ക്ക​റ്റ് ഹാ​ജ​രാ​ക്കി​യ​വ​ർ​ക്ക് സാ​ക്ഷ്യ​പ​ത്രം ന​ല്‍കാ​തെ നി​കു​തി ഈ​ടാ​ക്കി​യ ര​സീ​തി മാ​ത്രം ന​ല്‍കു​ക​യാ​ണ്. ആ​യ​തി​നാ​ൽ ആ​ഴ്ച​ക​​ളോ​ളം കാ​ല​താ​മ​സം നേ​രി​ടു​ന്നു​ണ്ട്. എ​ട​ക്കാ​ട് മേ​ഖ​ല​യി​ൽ മാ​ത്രം നൂ​റോ​ളം ഫ​യ​ലു​ക​ൾ കെ​ട്ടി​ക്കി​ട​ക്കു​ന്ന അ​വ​സ്ഥ​യാ​ണ്.

ഇ​ത്ത​ര​ത്തി​ൽ വി​ല്ലേ​ജ് ഓ​ഫി​സി​ൽ​നി​ന്നു​ള്ള ന​ട​പ​ടി​ക്ര​മ​ങ്ങ​ൾ വൈ​കു​ന്ന​തു മൂ​ലം കോ​ർ​പ​റേ​ഷ​ന് ല​ഭി​ക്കേ​ണ്ട നി​കു​തി വ​രു​മാ​നം സ​മ​യ​ബ​ന്ധി​ത​മാ​യി ഈ​ടാ​ക്കാ​നാ​വു​ന്നി​ല്ല. ച​ട്ടം അ​നു​ശാ​സി​ക്കു​ന്ന സ​മ​യ​പ​രി​ധി​ക്കു​ള്ളി​ൽ കെ​ട്ടി​ട ന​മ്പ​ർ ന​ൽ​കി നി​കു​തി ചു​മ​ത്താ​ൻ സാ​ധി​ക്കു​ന്നു​മി​ല്ല. മു​ൻ​കാ​ല​ങ്ങ​ളി​ൽ വി​ല്ലേ​ജ് ഓ​ഫി​സി​ൽ നി​ന്നും ജീ​വ​ന​ക്കാ​ർ നേ​രി​ട്ടു​വ​ന്ന് വി​വ​ര​ങ്ങ​ൾ ശേ​ഖ​രി​ക്കു​ന്ന രീ​തി​യാ​യി​രു​ന്നു.

ക​ല​ക്ട​ർ നി​ശ്ചി​ത മാ​തൃ​ക​യി​ൽ പ്ര​തി​മാ​സ റി​പ്പോ​ർ​ട്ട് ന​ൽ​കാ​ൻ ആ​വ​ശ്യ​പ്പെ​ട്ട​തോ​ടെ ജീ​വ​ന​ക്കാ​രും ജോ​ലി​ഭാ​ര​ത്താ​ൽ ബു​ദ്ധി​മു​ട്ടു​ക​യാ​ണ്. ആ​ഡം​ബ​ര നി​കു​തി ഒ​ടു​ക്കി​യാ​ലേ കെ​ട്ടി​ട​ന​മ്പ​ർ ന​ൽ​കാ​നും വ​സ്തു​നി​കു​തി ചു​മ​ത്താ​നും പാ​ടു​ള്ളൂ എ​ന്ന​തി​നാ​ൽ ന​ഗ​ര​സ​ഭ റ​വ​ന്യൂ വി​ഭാ​ഗം ന​ട​പ​ടി​ക​ൾ മെ​ല്ലെ​പ്പോ​ക്കി​ലാ​ണ്.

അ​മൃ​ത് പ​ദ്ധ​തി​യി​ല്‍ ഉ​ള്‍പ്പെ​ടു​ത്തി ചോ​ലോ​റ​യി​ല്‍ പ്ര​വൃ​ത്തി തു​ട​ങ്ങാ​നി​രി​ക്കു​ന്ന 100 കെ.​എ​ല്‍.​ഡി സെ​പ്‌​റ്റേ​ജ് ട്രീ​റ്റ്‌​മെ​ന്റ് പ്ലാ​ന്റി​ന്റെ നി​ല​വി​ലെ ടെ​ക്‌​നോ​ള​ജി മാ​റ്റി ഓ​പ​ണ്‍ ടെ​ക്‌​നോ​ള​ജി ആ​ക്കു​ന്ന​തി​നു​ള്ള അ​നു​മ​തി അ​ജ​ണ്ട​യി​ല്‍ വ​ന്ന​ത് ച​ര്‍ച്ച​യാ​യി.

ടെ​ക്നോ​ള​ജി സം​ബ​ന്ധി​ച്ച് യോ​ഗ​ത്തി​ൽ വാ​ദ​പ്ര​തി​വാ​ദ​ങ്ങ​ളു​യ​ർ​ന്നു. ടെ​ക്‌​നോ​ള​ജി​യെ​ക്കു​റി​ച്ച് വി​ശ​ദ​മാ​യി മ​ന​സ്സി​ലാ​ക്കാ​തെ ന​ട​പ്പാ​ക്കാ​ന്‍ അ​നു​വ​ദി​ക്കി​ല്ലെ​ന്ന് കൗ​ണ്‍സി​ല​ര്‍മാ​ര്‍ പ​റ​ഞ്ഞു. ഡെ​പ്യൂ​ട്ടി മേ​യ​ര്‍ കെ. ​ഷ​ബീ​ന, സ്റ്റാ​ൻ​ഡി​ങ് ക​മ്മി​റ്റി അം​ഗ​ങ്ങ​ളാ​യ പി.​കെ. രാ​ഗേ​ഷ്, പി. ​ഇ​ന്ദി​ര, എം.​പി. രാ​ജേ​ഷ്, സി​യാ​ദ് ത​ങ്ങ​ള്‍, ഷാ​ഹി​ന മൊ​യ്തീ​ന്‍, സു​രേ​ഷ് ബാ​ബു എ​ള​യാ​വൂ​ര്‍ തു​ട​ങ്ങി​യ​വ​ർ സം​സാ​രി​ച്ചു.