ചാലാട് വീട് കുത്തിത്തുറന്ന് 22 പവന്‍ സ്വര്‍ണം കവര്‍ന്നു

ചാലാട്: പകൽ സമയത്ത് ചാലാട് വീട് കുത്തിത്തുറന്ന് 22 പവൻ സ്വർണാഭരണങ്ങൾ കവർന്നു. ചാലാട് ജെ.എൻ.ജി റോഡിലെ ജന്നത്തിലെ ഷാദാന്റെ വീട് കുത്തിത്തുറന്നാണ് സ്വർണാഭരണങ്ങൾ കവർന്നത്. ശനിയാഴ്ച ഉച്ചക്ക് വീട്ടിൽ ആരുമില്ലാത്ത സമയത്തായിരുന്നു മോഷണം. വീട്ടുകാർ വൈകീട്ട് പുറത്തുപോയി വന്നപ്പോഴാണ് പിൻവശത്തെ വാതിൽ കുത്തിത്തുറന്ന നിലയിൽ കണ്ടത്.

തുടർന്ന് വീട് പരിശോധിച്ചപ്പോൾ അലമാരയിൽ സൂക്ഷിച്ച ആഭരണങ്ങൾ മോഷണം പോയതായി മനസ്സിലായി. കണ്ണൂർ ടൗൺ പൊലീസ് അന്വേഷണം ആരംഭിച്ചു. പൊലീസ് സമീപത്തെ സി.സി.ടി.വി പരിശോധിച്ചുവരുകയാണ്. ഞായറാഴ്ച ഡോഗ് സ്ക്വാഡും വിരലടയാള വിദഗ്ധരും വീട്ടിലെത്തി പരിശോധന നടത്തി.