വാക്കേറ്റത്തെ തുടര്‍ന്ന് കൂട്ടത്തല്ല്; എട്ടുപേര്‍ക്കെതിരെ കേസ്

ചെ​റു​പു​ഴ: തി​രു​മേ​നി ടൗ​ണി​ല്‍ വാ​ക്കേ​റ്റ​ത്തെ തു​ട​ര്‍ന്നു​ണ്ടാ​യ കൂ​ട്ട​ത്ത​ല്ലി​ല്‍ ആ​റു​പേ​ര്‍ക്ക് പ​രി​ക്കേ​റ്റു. സം​ഘ​ര്‍ഷ​ത്തി​നു​പി​ന്നാ​ലെ ഹോ​ട്ട​ലും ത​ട്ടു​ക​ട​യും ത​ക​ര്‍ക്കു​ക​യും ഇ​രു​ച​ക്ര​വാ​ഹ​ന​ങ്ങ​ള്‍ റോ​ഡി​നു താ​ഴേ​ക്ക് മ​റി​ച്ചി​ടു​ക​യും ചെ​യ്തു.

സം​ഭ​വ​ത്തി​ല്‍ എ​ട്ടു​പേ​ര്‍ക്കെ​തി​രെ ചെ​റു​പു​ഴ പൊ​ലീ​സ് കേ​സെ​ടു​ത്തു. ശ​നി​യാ​ഴ്ച രാ​ത്രി 9.30ഓ​ടെ​യാ​ണ് ചേ​രി​തി​രി​ഞ്ഞ് വാ​ക്കേ​റ്റ​വും അ​ടി​പി​ടി​യും ഉ​ണ്ടാ​യ​ത്. ചു​മ​ട്ടു​തൊ​ഴി​ലാ​ളി​ക​ളാ​യ കെ.​എം. ബി​ജോ (40), കെ.​കെ. മ​നു (30), പ്രാ​പ്പൊ​യി​ലി​ലെ സ​ന്ദീ​പ് (28) എ​ന്നി​വ​ര്‍ക്കും ത​ക​ര്‍ക്ക​പ്പെ​ട്ട ഹോ​ട്ട​ലി​ന്റെ ഉ​ട​മ കു​ര്യാ​ശ്ശേ​രി സു​രേ​ഷി​ന്റെ മ​ക്ക​ളാ​യ ജി​ഷ്ണു (22), വി​ഷ്ണു (20), ഇ​വ​രു​ടെ സു​ഹൃ​ത്ത് പി. ​പ്ര​ശോ​ഭ് (22) എ​ന്നി​വ​ര്‍ക്കു​മാ​ണ് പ​രി​ക്കേ​റ്റ​ത്.

രാ​ത്രി​ത​ന്നെ ചെ​റു​പു​ഴ പൊ​ലീ​സ് സ്ഥ​ല​ത്തെ​ത്തി സം​ഘ​ര്‍ഷം ഒ​ഴി​വാ​ക്കി​യെ​ങ്കി​ലും രാ​ത്രി വൈ​കി ഹോ​ട്ട​ല്‍ അ​ടി​ച്ചു​ത​ക​ര്‍ക്കു​ക​യും പെ​ട്ടി​ക്ക​ട മ​റി​ച്ചി​ടു​ക​യും ചെ​യ്തു. ഇ​രു​ച​ക്ര വാ​ഹ​ന​ങ്ങ​ളും ആ​ക്ര​മി​ക്ക​പ്പെ​ട്ടു. ചു​മ​ട്ടു​തൊ​ഴി​ലാ​ളി​ക​ളു​ടെ പ​രാ​തി​യി​ലാ​ണ്, പ​രി​ക്കേ​റ്റ​വ​ര്‍ ഉ​ള്‍പ്പെ​ടെ സം​ഭ​വ​ത്തി​ല്‍ ഉ​ള്‍പ്പെ​ട്ട എ​ട്ടു​പേ​ര്‍ക്കെ​തി​രെ കേ​സെ​ടു​ത്ത് അ​റ​സ്റ്റ് രേ​ഖ​പ്പെ​ടു​ത്തി​യ​ത്. ഹോ​ട്ട​ല്‍ അ​ടി​ച്ചു​ത​ക​ര്‍ത്ത​തി​ല്‍ പ്ര​തി​ഷേ​ധി​ച്ച് തി​ങ്ക​ളാ​ഴ്ച വ്യാ​പാ​രി വ്യ​വ​സാ​യി ഏ​കോ​പ​ന സ​മി​തി​യു​ടെ നേ​തൃ​ത്വ​ത്തി​ല്‍ ഹ​ര്‍ത്താ​ല്‍ ആ​ച​രി​ച്ചു.