കണ്ണൂരില്‍ തപാൽ വോട്ടുകെട്ടുമായി കോണ്‍ഗ്രസ്‌ നേതാവ്​

ക​ണ്ണൂ​ര്‍: ഒ​രു​കെ​ട്ട് ത​പാ​ൽ വോ​ട്ടു​മാ​യി കോ​ണ്‍ഗ്ര​സ് നേ​താ​വ്​ വ​ര​ണാ​ധി​കാ​രി​ക്ക്​ മു​മ്പാ​കെ​യെ​ത്തി​യ​ത്​ വി​വാ​ദ​മാ​യി. ഇ​ത്​ ഏ​റ്റെ​ടു​ക്കാ​ൻ വ​ര​ണാ​ധി​കാ​രി ത​യാ​റാ​യി​ല്ല. അ​തോ​ടെ നേ​താ​വ്​ ഇ​തു​മാ​യി പോ​സ്​​റ്റ്​ ഒാ​ഫി​സി​ൽ എ​ത്തി​യെ​ങ്കി​ലും പോ​സ്​​റ്റ്​ മാ​സ്​​റ്റ​റും ത​പാ​ൽ ബാ​ല​റ്റ്​ സ്വീ​ക​രി​ച്ചി​ല്ല. കെ.​പി.​സി.​സി സെ​ക്ര​ട്ട​റി ച​ന്ദ്ര​ന്‍ തി​ല്ല​ങ്കേ​രി​യാ​ണ് കൂ​ട്ട​മാ​യി ശേ​ഖ​രി​ച്ച ത​പാ​ൽ വോ​ട്ടു​ക​ള്‍ വെ​ള്ളി​യാ​ഴ്ച​ പേ​രാ​വൂ​ര്‍ മ​ണ്ഡ​ലം റി​ട്ടേ​ണി​ങ് ഓ​ഫി​സ​റാ​യ ക​ണ്ണൂ​ര്‍ ഡി.​എ​ഫ്‌.​ഒ പി. ​കാ​ര്‍ത്തി​ക്കി​നെ ഏ​ല്‍പി​ക്കാ​നെ​ത്തി​യ​ത്. മൊ​ത്തം 220 ത​പാ​ൽ വോ​ട്ടു​ക​ളു​ണ്ടാ​യി​രു​ന്നു.

ത​പാ​ൽ വോ​ട്ട് പോ​സ്​​റ്റ​ലാ​യി ത​ന്നെ ല​ഭി​ക്ക​ണ​മെ​ന്നും നേ​രി​ട്ടു​വാ​ങ്ങാ​നാ​വി​ല്ലെ​ന്നും പ​റ​ഞ്ഞാ​ണ്​ റി​ട്ടേ​ണി​ങ് ഓ​ഫി​സ​ര്‍ തി​രി​ച്ച​യ​ച്ച​ത്. തു​ട​ര്‍ന്ന് ച​ന്ദ്ര​ന്‍ തി​ല്ല​ങ്കേ​രി​യും സം​ഘ​വും താ​ണ പോ​സ്​​റ്റ്​ ഓ​ഫി​സി​ലെ​ത്തി. എ​ന്നാ​ല്‍, 220 പേ​രു​ടെ ത​പാ​ൽ വോ​ട്ട് ഒ​രു​മി​ച്ചു​കൊ​ണ്ടു​വ​ന്ന​തി​ല്‍ സം​ശ​യം തോ​ന്നി​യ പോ​സ്​​റ്റ​ല്‍ ജീ​വ​ന​ക്കാ​ര്‍ ഏ​റ്റു​വാ​ങ്ങാ​ന്‍ ത​യാ​റാ​യി​ല്ല. ഇ​തോ​ടെ പോ​സ്​​റ്റ്​ ബോ​ക്​​സി​ല്‍ നി​ക്ഷേ​പി​ച്ച്‌ സം​ഘം തി​രി​ച്ചു പോ​യി.

അ​ര്‍ഹ​രാ​യ​വ​ർ നി​യ​മാ​നു​സൃ​തം ബാ​ല​റ്റ് വാ​ങ്ങി വോ​ട്ട് രേ​ഖ​പ്പെ​ടു​ത്തി നേ​രി​ട്ട് റി​ട്ടേ​ണി​ങ് ഓ​ഫി​സ​ര്‍ക്ക് അ​യ​ച്ചു കൊ​ടു​ക്കേ​ണ്ട​താ​ണ്. അ​തി​നു പ​ക​രം കൂ​ട്ട​ത്തോ​ടെ ഇ​വ ശേ​ഖ​രി​ച്ച്​ വ​ര​ണാ​ധി​കാ​രി​ക്ക്​ കൈ​മാ​റാ​ൻ എ​ത്തി​യ​താ​ണ്​ വി​വാ​ദ​ത്തി​ന്​ ഇ​ട​യാ​ക്കി​യ​ത്.