മാഹി കേന്ദ്രീകരിച്ച് ഡീസൽ കടത്ത് വ്യാപകം

ത​ല​ശ്ശേ​രി: എ​ളു​പ്പ​ത്തി​ൽ ലാ​ഭം​കൊ​യ്യു​ന്ന​തി​നാ​യി മാ​ഹി​യി​ൽ​നി​ന്നു​ള്ള ഡീ​സ​ൽ ക​ട​ത്ത് വ്യാ​പ​ക​മാ​യി. ക​ഴി​ഞ്ഞ ഒ​രാ​ഴ്ച​ക്കി​ടെ മൂ​ന്ന് ടാ​ങ്ക​ർ ഡീ​സ​ലാ​ണ് വി​വി​ധ സ്ഥ​ല​ങ്ങ​ളി​ലേ​ക്ക് ക​ട​ത്തു​ന്ന​തി​നി​ട​യി​ൽ പൊ​ലീ​സ് പി​ടി​കൂ​ടി​യ​ത്. മാ​ഹി കേ​ന്ദ്രീ​ക​രി​ച്ച്‌ ടാ​ങ്ക​ർ ലോ​റി​ക​ളി​ൽ ഡീ​സ​ൽ ക​ട​ത്ത് വ്യാ​പ​ക​മാ​യ​തോ​ടെ പൊ​ലീ​സ് കൂ​ടു​ത​ൽ ഉ​ണ​ർ​ന്നു​പ്ര​വ​ർ​ത്തി​ക്കേ​ണ്ട സാ​ഹ​ച​ര്യ​മാ​യി. മാ​ഹി അ​തി​ർ​ത്തി​യി​ൽ​നി​ന്ന് ടാ​ങ്ക​റി​ൽ ക​ട​ത്തു​ക​യാ​യി​രു​ന്ന 6000 ലി​റ്റ​ർ ഡീ​സ​ലാ​ണ് ഒ​ടു​വി​ലാ​യി പി​ടി​കൂ​ടി​യ​ത്. പ​ന്ത​ക്ക​ലി​ലെ പെ​ട്രോ​ൾ പ​മ്പി​ൽ​നി​ന്ന്‌ ടാ​ങ്ക​റി​ൽ കൊ​ണ്ടു​പോ​വു​ക​യാ​യി​രു​ന്ന ഡീ​സ​ലാ​ണ്‌ ശ​നി​യാ​ഴ്‌​ച രാ​ത്രി പ​ത്തോ​ടെ ന്യൂ​മാ​ഹി പൊ​ലീ​സ്‌ പി​ടി​ച്ച​ത്‌. ഡ്രൈ​വ​ർ എ​റ​ണാ​കു​ളം പൈ​നാ​ട​ത്ത്‌ ഹൗ​സി​ൽ അ​ലോ​റി​ൻ ആ​ന്റ​ണി​യെ അ​റ​സ്‌​റ്റ് ചെ​യ്‌​തു. ഇ​തോ​ടെ മൂ​ന്ന്‌ ത​വ​ണ​യാ​യി 30,000 ലി​റ്റ​ർ ഡീ​സ​ലാ​ണ്‌ ത​ല​ശ്ശേ​രി എ.​എ​സ്.​പി ടി.​കെ. വി​ഷ്‌​ണു​പ്ര​ദീ​പി​ന്റെ നേ​തൃ​ത്വ​ത്തി​ലു​ള്ള പൊ​ലീ​സ്‌ സം​ഘം പി​ടി​കൂ​ടി​യ​ത്. ചൊ​ക്ലി കാ​ഞ്ഞി​ര​ത്തി​ൻ കീ​ഴി​ൽ​നി​ന്ന്‌ 12,000 ലി​റ്റ​ർ ഡീ​സ​ൽ കോ​യ​മ്പ​ത്തൂ​രി​ലേ​ക്ക്‌ കൊ​ണ്ടു​പോ​വു​ക​യാ​യി​രു​ന്ന ടാ​ങ്ക​ർ ലോ​റി​യു​മാ​യി പാ​ല​ക്കാ​ട്‌ സ്വ​ദേ​ശി​ക​ളാ​യ ര​ണ്ടു​പേ​രെ ജൂ​ലൈ12​ന്‌ അ​റ​സ്‌​റ്റ് ചെ​യ്‌​തി​രു​ന്നു. വെ​ള്ളി​യാ​ഴ്‌​ച പു​ല​ർ​ച്ചെ മൂ​ല​ക്ക​ട​വി​ൽ​നി​ന്ന്‌ എ​റ​ണാ​കു​ള​ത്തേ​ക്ക്‌ കൊ​ണ്ടു​പോ​വു​ക​യാ​യി​രു​ന്ന ഒ​രു ടാ​ങ്ക​ർ ഡീ​സ​ൽ ന്യൂ​മാ​ഹി സ്‌​റ്റേ​ഷ​ൻ പ​രി​ധി​യി​ൽ​നി​ന്ന്‌ പി​ടി​ച്ചു.

മൂ​ന്നു​പേ​രെ​യും അ​റ​സ്‌​റ്റ് ചെ​യ്‌​തു. 30 ല​ക്ഷ​ത്തോ​ളം വി​ല​വ​രു​ന്ന ഡീ​സ​ലാ​ണ്‌ ഇ​തി​ന​കം പി​ടി​ച്ച​ത്‌. 12,000 ലി​റ്റ​റു​ള്ള ഒ​രു ടാ​ങ്ക​ർ ലോ​റി അ​തി​ർ​ത്തി​ക​ട​ന്നാ​ൽ ഒ​രു ല​ക്ഷം രൂ​പ ലാ​ഭം കി​ട്ടും. മാ​ഹി കേ​ന്ദ്രീ​ക​രി​ച്ച്‌ മാ​സ​ങ്ങ​ളാ​യി തു​ട​രു​ന്ന ക​ട​ത്തി​നാ​ണി​പ്പോ​ൾ പി​ടി​വീ​ണ​ത്‌. തു​ട​ർ​ച്ച​യാ​യി അ​ടു​ത്ത​ടു​ത്ത ദി​വ​സ​ങ്ങ​ളി​ൽ ടാ​ങ്ക​ർ ലോ​റി പി​ടി​ച്ച​തോ​ടെ ഡീ​സ​ൽ ക​ട​ത്തു​കാ​രും ആ​ശ​ങ്ക​യി​ലാ​ണ്‌. ഇ​ന്ധ​ന​ക്ക​ട​ത്തു​കാ​രെ പി​ടി​ക്കാ​ൻ മാ​ഹി​ക്ക്‌ ചു​റ്റും കേ​ര​ള പൊ​ലീ​സ്‌ ഉ​റ​ക്ക​മി​ളി​ച്ച് കാ​ത്തു​നി​ൽ​ക്കു​ക​യാ​ണ്‌. ന്യൂ​മാ​ഹി, ചൊ​ക്ലി, ക​തി​രൂ​ർ, ചോ​മ്പാ​ല സ്‌​റ്റേ​ഷ​ൻ പ​രി​ധി​യി​ലൂ​ടെ​യാ​ണ്‌ മാ​ഹി​യി​ൽ​നി​ന്നു​ള്ള ഇ​ന്ധ​ന​ക്ക​ട​ത്ത്‌.

പെ​ട്രോ​ൾ പ​മ്പു​കാ​രു​ടെ ഒ​ത്താ​ശ​യോ​ടെ​യാ​ണ് ഡീ​സ​ൽ ക​ട​ത്തു​ന്ന​തെ​ന്നാ​ണ് പൊ​ലീ​സി​ന് ല​ഭി​ച്ച വി​വ​രം. കേ​ര​ള അ​തി​ർ​ത്തി​യി​ലൂ​ടെ​യാ​ണ് ഡീ​സ​ൽ ക​ട​ത്തു​ന്ന​തെ​ങ്കി​ലും പൊ​ലീ​സ് ഇ​ക്കാ​ര്യ​ത്തി​ൽ വേ​ണ്ട​ത്ര ജാ​ഗ​രൂ​ക​രാ​യി​രു​ന്നി​ല്ല. ര​ഹ​സ്യ​വി​വ​ര​ത്തി​ന്റെ അ​ടി​സ്ഥാ​ന​ത്തി​ലാ​ണ് ന്യൂ​മാ​ഹി കേ​ന്ദ്രീ​ക​രി​ച്ച്പൊ​ലീ​സ് പ​രി​ശോ​ധ​ന ശ​ക്ത​മാ​ക്കി​യ​ത്.