കുഴിയില്ലാത്ത റോഡിൽ കുഴിയടക്കൽ

ആ​റ​ളം: ആ​റ​ളം ഫാ​മി​ലൂ​ടെ​യും പു​ന​ര​ധി​വാ​സ മേ​ഖ​ല​യി​ലൂ​ടെ​യും ക​ട​ന്നു​പോ​കു​ന്ന പൊ​തു​മ​രാ​മ​ത്ത് റോ​ഡി​ൽ കു​ഴി​യി​ല്ലാ​ത്ത സ്ഥ​ല​ങ്ങ​ളി​ലും കു​ഴി​യ​ട​ക്കു​ന്ന ക​രാ​റു​കാ​ര​ന്റെ ചെ​പ്പ​ടി​വി​ദ്യ​ക്ക് നേ​രെ ക​ണ്ണ​ട​ച്ച് പൊ​തു​മ​രാ​മ​ത്ത് വ​കു​പ്പ്. കീ​ഴ്പ്പ​ള്ളി​യി​ൽ നി​ന്നും പാ​ല​പു​ഴ​യി​ലേ​ക്ക് പോ​കു​ന്ന ഒ​മ്പത് കി​ലോ​മീ​റ്റ​ർ വ​രു​ന്ന റോ​ഡി​ൽ വ​ർ​ഷാ​വ​ർ​ഷം മെ​യി​ന്റ​ന​ൻ​സ് എ​ന്ന പേ​രി​ലാ​ണ് ഈ ​ക​ലാ​പ​രി​പാ​ടി ന​ട​ത്തു​ന്ന​ത്.

ഫ​ല​മോ ഇ​തു​വ​ഴി യാ​ത്ര​ചെ​യ്യു​ന്ന​വ​ർ ഇ​പ്പോ​ൾ വ​ന്യ​മൃ​ഗ​ത്തെ ഭ​യ​ക്കു​ന്ന​തു​പോ​ലെ ന​ടു​വൊ​ടി​യു​ന്ന​തും ഭ​യ​പ്പെ​ടേ​ണ്ടി​വ​രു​ന്നു. പൊ​തു​മ​രാ​മ​ത്തി​ന്റെ സൂ​പ്പർവൈ​സ​റി​ന്റെ ക​ണ്മു​ന്നി​ലാ​ണ് കു​ഴി​യി​ല്ലാ​ത്ത സ്ഥ​ലം മു​ഴു​വ​ൻ ഇ​തു​പോ​ലെ അ​റ്റ​കു​റ്റപ്പണി ന​ട​ത്തു​ന്ന​ത്. പ്ര​വൃ​ത്തി​ക്ക് ആ​വ​ശ്യ​മാ​യ തോ​തി​ൽ സാ​ധ​ന​ങ്ങ​ൾ ഉ​പ​യോ​ഗി​ക്കു​ന്നി​ല്ലെ​ന്നും പ​രാ​തി ഉ​യ​രു​ന്നു​ണ്ട്.

പൊ​തു​മ​രാ​മ​ത്ത് അ​ധി​കൃ​ത​രോ​ട് അ​ന്വേ​ഷി​ച്ചാ​ൽ ഞ​ങ്ങ​ൾ റോ​ഡ് വി​ഭാ​ഗ​മാ​ണെ​ന്നും മെ​യി​ന്റ​ന​ൻ​സ് വി​ഭാ​ഗം വേ​റെ​യാ​ണെ​ന്നു​മൊ​ക്കെ​യു​ള്ള മ​റു​പ​ടി​യാ​ണ് പൊ​തു​ജ​ന​ങ്ങ​ൾ​ക്ക് ല​ഭി​ക്കു​ന്ന​ത്. ആ​റ​ളം ആ​ദി​വാ​സി പു​ന​ര​ധി​വാ​സ മേ​ഖ​ല​യി​ലൂ​ടെ ക​ട​ന്നു​പോ​കു​ന്ന റോ​ഡാ​യ​തി​നാ​ൽ ആ​രും ചോ​ദി​ക്കാ​ൻ വ​രാ​ത്ത​തും ക​രാ​റു​കാ​രന്റെ ഇ​ഷ്ട​ത്തി​ന് ജോ​ലി​ചെ​യ്തു തീ​ർ​ക്കു​ക​യാ​ണ്. കു​ഴി​യി​ല്ലാ​ത്ത സ്ഥ​ല​ങ്ങ​ൾ കു​ഴി നി​ക​ത്തി​യ​താ​യി കാ​ണി​ച്ച് സ​ർ​ക്കാ​ർ ഖ​ജ​നാ​വ് കൊ​ള്ള​യ​ടി​ക്കു​ന്ന​ത് ത​ട​യാ​ൻ പൊ​തു​മ​രാ​മ​ത്ത് മ​ന്ത്രി ഇ​ട​പെ​ട​ണ​മെ​ന്നാ​ണ് പൊ​തു​ജ​നം പ​റ​യു​ന്ന​ത്.