തലശ്ശേരി കടലോരത്ത് മാലിന്യം വലിച്ചെറിയേണ്ട, പിടിവീഴും; വ​രു​ന്നു, നി​രീ​ക്ഷ​ണ കാ​മ​റ​ക​ൾ

ത​ല​ശ്ശേ​രി: ദേ​ശീ​യ​പാ​ത​യി​ൽ ജി​ല്ല കോ​ട​തി പ​രി​സ​രം ക​ട​ലോ​ര​ത്ത് മാ​ലി​ന്യം ത​ള്ളു​ന്ന​തും റോ​ഡ​രി​കി​ൽ മ​ത്സ്യ​വ​ണ്ടി​ക​ളി​ൽ നി​ന്നു​ള്ള മ​ലി​നജ​ല​മൊ​ഴു​ക്കു​ന്ന​തും ക​ണ്ടെ​ത്താ​ൻ ന​ഗ​ര​സ​ഭ നി​രീ​ക്ഷ​ണ കാ​മ​റ​ക​ൾ സ​ജ്ജ​മാ​ക്കു​ന്നു. 2022 - 23 സാ​മ്പ​ത്തി​ക വ​ർ​ഷ​ത്തി​ലെ പ​ദ്ധ​തി​യി​ൽ ഉ​ൾ​പ്പെ​ടു​ത്തി​യാ​ണ് ഇ​വി​ടെ നിരീ​ക്ഷ​ണ കാ​മ​റ​ക​ൾ സ്ഥാ​പി​ക്കു​ന്ന​ത്. സ്റ്റു​ഡ​ന്റ്സ് പൊ​ലീ​സ് കാ​ഡ​റ്റു​ക​ൾ, ശു​ചീ​ക​ര​ണ തൊ​ഴി​ലാ​ളി​ക​ൾ എ​ന്നി​വ​രു​ടെ നേ​തൃ​ത്വ​ത്തി​ൽ 28ന് ​മാ​സ് ക്ലീ​നി​ങ് കാ​മ്പ​യി​ൻ ന​ട​ത്താ​നും ന​ഗ​ര​സ​ഭ ആ​സൂ​ത്ര​ണം ചെ​യ്തു. ‘മാ​ധ്യ​മം’ വാ​ർ​ത്ത​യെ തു​ട​ർ​ന്നാ​ണ് ന​ഗ​ര​സ​ഭ​യു​ടെ ന​ട​പ​ടി. ‘മൂ​ക്കു​പൊ​ത്തി’ ന​ട​ക്കാം ത​ല​ശ്ശേ​രി ക​ട​ലോ​ര​ത്ത് എ​ന്ന ത​ല​വാ​ച​ക​ത്തി​ൽ ക​ട​ലോ​ര​ത്തെ മാ​ലി​ന്യം ജ​ന​ങ്ങ​ൾ​ക്ക് ദു​രി​ത​മാ​കു​ന്ന​ത് സം​ബ​ന്ധി​ച്ച് ഫെ​ബ്രു​വ​രി 16ന് ‘​മാ​ധ്യ​മം’ വാ​ർ​ത്ത പ്ര​സി​ദ്ധീ​ക​രി​ച്ചി​രു​ന്നു.

ര​ണ്ട് പാ​ർ​ക്കു​ക​ൾ, ജി​ല്ല കോ​ട​തി, പ​ള്ളി, ഹോ​ട്ട​ലു​ക​ൾ, അ​ഭി​ഭാ​ഷ​ക​രു​ടെ നി​ര​വ​ധി ഓ​ഫി​സു​ക​ൾ എ​ന്നി​വ സ്ഥി​തി ചെ​യ്യു​ന്ന സ്ഥ​ല​മാ​ണി​വി​ടെ. രാ​ത്രി​യു​ടെ മ​റ​വി​ലാ​ണ് ക​ട​ലോ​ര​ത്ത് ആ​ളു​ക​ൾ മാ​ലി​ന്യം വ​ലി​ച്ചെ​റി​യു​ന്ന​ത്. ഇ​തേ സ്ഥ​ല​ത്താ​ണ് മ​ത്സ്യം ക​യ​റ്റി​യെ​ത്തു​ന്ന ലോ​റി​ക​ൾ നി​ർ​ത്തി​യി​ട്ട് മ​ലി​ന​ജ​ലം റോ​ഡ​രി​കി​ൽ ഒ​ഴു​ക്കി​വി​ടു​ന്ന​ത്. അ​സ​ഹ്യ​മാ​യ ദു​ർ​ഗ​ന്ധ​മാ​ണി​വി​ടെ. ക​ഴി​ഞ്ഞ ന​ഗ​ര​സ​ഭ കൗ​ൺ​സി​ൽ യോ​ഗ​ത്തി​ൽ അം​ഗ​ങ്ങ​ൾ ത​ന്നെ ഇ​തു​സം​ബ​ന്ധി​ച്ച് പ​രാ​തി ഉ​ന്ന​യി​ച്ചി​രു​ന്നു. ക​ട​ലോ​ര​ത്തെ ദു​ർ​ഗ​ന്ധം ര​ണ്ട് കി​ലോ​മീ​റ്റ​ർ വ​രെ എ​ത്തു​ന്ന​താ​യാ​ണ് പ​രി​സ​ര​വാ​സി​ക​ൾ പ​റ​യു​ന്ന​ത്.

പാ​ർ​ക്കി​ലെ​ത്തു​ന്ന സ​ഞ്ചാ​രി​ക​ളെ​യും ക​ട​ലോ​ര​ത്തെ അ​സ​ഹ്യ​മാ​യ ദു​ർ​ഗ​ന്ധം മ​നം​മ​ടു​പ്പി​ക്കു​ക​യാ​ണ്. ദേ​ശീ​യ​പാ​ത​യി​ലൂ​ടെ ക​ട​ന്നു​പോ​കു​ന്ന മ​ത്സ്യ​വാ​ഹ​ന​ങ്ങ​ൾ മി​ക്ക സ​മ​യ​ങ്ങ​ളി​ലും ഐ.​എം.​എ ഹാ​ൾ പ​രി​സ​ര​ത്താ​ണ് മ​ണി​ക്കൂ​റു​ക​ളോ​ളം നി​ർ​ത്തി​യി​ടു​ന്ന​ത്. വാ​ഹ​ന​ങ്ങ​ളി​ലെ മ​ലി​ന​ജ​ല ടാ​ങ്ക് തു​റ​ന്ന് റോ​ഡ​രി​കി​ലാ​ണ് മ​ലി​ന​ജ​ലം ഒ​ഴു​ക്കു​ന്ന​ത്. ഇ​തു​കാ​ര​ണം പ​രി​സ​രം മു​ഴു​വ​ൻ ദു​ർ​ഗ​ന്ധം അ​സ​ഹ​നീ​യ​മാ​കു​മ്പോ​ഴും അ​ധി​കൃ​ത​ർ ഇ​ക്കാ​ര്യ​ത്തി​ൽ ഇ​തു​വ​രെ മൗ​ന​മ​വ​ലം​ബി​ക്കു​ക​യാ​യി​രു​ന്നു. കോ​ട​തി പ​രി​സ​ര​ത്ത് പൊ​തു​ജ​ന​ങ്ങ​ളും യാ​ത്ര​ക്കാ​രും മാ​ലി​ന്യ​ത്താ​ൽ ബു​ദ്ധി​മു​ട്ട് അ​നു​ഭ​വി​ക്കു​ന്ന​ത് വാ​ർ​ഡ് കൗ​ൺ​സി​ല​ർ പ​ല​ത​വ​ണ ന​ഗ​ര​സ​ഭാ​ധി​കൃ​ത​രു​ടെ ശ്ര​ദ്ധ​യി​ൽ​പെടു​ത്തി​യി​രു​ന്നു. ചൊ​വ്വാ​ഴ്ച രാ​വി​ലെ സ്ഥ​ല​ത്തെ​ത്തി​യ ന​ഗ​ര​സ​ഭ ചെ​യ​ർ​പേ​ഴ്സ​ൻ കെ.​എം. ജ​മു​നാ​റാ​ണി​യും ആ​രോ​ഗ്യ​വി​ഭാ​ഗം ഉ​ദ്യോ​ഗ​സ്ഥ​രും ക​ട​ലോ​ര​വും പ​രി​സ​ര​വും നി​രീ​ക്ഷി​ച്ചു. ഐ.​എം.​എ ഹാ​ൾ പ​രി​സ​ര​ത്ത് മ​ത്സ്യ​വാ​ഹ​ന​ങ്ങ​ൾ അ​ന​ധി​കൃ​ത​മാ​യി നി​ർ​ത്തി​യി​ടു​ന്ന​ത് ത​ട​യാ​ൻ ര​ണ്ട് ബോ​ർ​ഡു​ക​ൾ സ്ഥാ​പി​ച്ചു. നി​രീ​ക്ഷ​ണ കാ​മ​റ​ക​ളും അ​ടു​ത്ത ദി​വ​സം സ്ഥാ​പി​ക്കും. ന​ഗ​ര​സ​ഭ ആ​രോ​ഗ്യ സ്റ്റാ​ൻ​ഡി​ങ് ക​മ്മി​റ്റി ചെ​യ​ർ​മാ​ൻ ടി.​കെ. സാ​ഹി​റ, കൗ​ൺ​സി​ല​ർ ടി.​പി. ഷാ​ന​വാ​സ്, ഹെ​ൽ​ത്ത് സൂ​പ്പ​ർ​വൈ​സ​ർ കെ. ​പ്ര​മോ​ദ്, എ​ച്ച്.​ഐ മാ​രാ​യ അ​രു​ൺ എ​സ്. നാ​യ​ർ, സി. ​ഷ​ജീ​ഷ്, ര​ജി​ന, ശു​ചീ​ക​ര​ണ തൊ​ഴി​ലാ​ളി​ക​ൾ എ​ന്നി​വ​ർ പ​ങ്കെ​ടു​ത്തു.