പുതുവത്സരാഘോഷം നിരത്തിൽ വേണ്ട...

ക​ണ്ണൂ​ർ: നി​ര​ത്തി​ലെ പു​തു​വ​ത്സ​രാ​ഘോ​ഷ​ങ്ങ​ൾ അ​തി​രു​ക​ട​ക്കാ​തി​രി​ക്കാ​ൻ ക​ർ​ശ​ന ന​ട​പ​ടി​യു​മാ​യി പൊ​ലീ​സും മോ​ട്ടോ​ർ വാ​ഹ​ന വ​കു​പ്പും. ആ​ഘോ​ഷ​ക്കാ​ല​ത്ത് അ​ടി​ക്ക​ടി ഉ​ണ്ടാ​കു​ന്ന വാ​ഹ​നാ​പ​ക​ട​ങ്ങ​ളു​ടെ പ​ശ്ചാ​ത്ത​ല​ത്തി​ൽ വാ​ഹ​ന പ​രി​ശോ​ധ​ന ക​ർ​ശ​ന​മാ​ക്കി.

ഡി​സം​ബ​ർ 31ന് ​ജി​ല്ല​യി​ലെ പ്ര​ധാ​ന അ​പ​ക​ട മേ​ഖ​ല​ക​ൾ, ദേ​ശീ​യ സം​സ്ഥാ​ന പാ​ത, പ്ര​ധാ​ന ന​ഗ​ര​ങ്ങ​ൾ, ഗ്രാ​മീ​ണ റോ​ഡു​ക​ൾ, വി​നോ​ദ​സ​ഞ്ചാ​ര കേ​ന്ദ്ര​ങ്ങ​ൾ എ​ന്നി​വ കേ​ന്ദ്രീ​ക​രി​ച്ചാ​യി​രി​ക്കും പ​രി​ശോ​ധ​ന.

പൊ​ലീ​സും മോ​ട്ടോ​ർ വാ​ഹ​ന വ​കു​പ്പ് എ​ൻ​ഫോ​സ്മെ​ന്റ് വി​ഭാ​ഗ​വും ഒ​രു​മി​ച്ചാ​ണ് പ​രി​ശോ​ധ​ന ന​ട​ത്തു​ക. ആ​ർ.​ടി, സ​ബ് ആ​ർ.​ടി ഓ​ഫി​സു​ക​ളി​ലെ ഉ​ദ്യോ​ഗ​സ്ഥ​രും പ​ങ്കെ​ടു​ക്കും. മ​ദ്യ​പി​ച്ചു​ള്ള ഡ്രൈ​വി​ങ്, മൊ​ബൈ​ൽ ഫോ​ൺ ഉ​പ​യോ​ഗി​ച്ചു​ള്ള ഡ്രൈ​വി​ങ്, അ​മി​ത​വേ​ഗം, ര​ണ്ടി​ല​ധി​കം പേ​രു​മാ​യു​ള്ള ഇ​രു​ച​ക്ര വാ​ഹ​ന​യാ​ത്ര, സി​ഗ്ന​ൽ ലം​ഘ​നം തു​ട​ങ്ങി​യ കു​റ്റ​ങ്ങ​ൾ​ക്ക് പി​ഴ​ക്കു പു​റ​മേ ലൈ​സ​ൻ​സ് റ​ദ്ദാ​ക്കാ​നു​ള്ള ന​ട​പ​ടി​ക​ളും ഉ​ണ്ടാ​കും.

രൂ​പ​മാ​റ്റം വ​രു​ത്തി​യ വാ​ഹ​ന​ങ്ങ​ൾ അ​മി​ത ശ​ബ്ദം പു​റ​പ്പെ​ടു​വി​ക്കു​ന്ന രീ​തി​യി​ൽ സൈ​ല​ൻ​സ​ർ മാ​റ്റി​യ വാ​ഹ​ന​ങ്ങ​ൾ എ​ന്നി​വ​യു​ടെ ര​ജി​സ്ട്രേ​ഷ​ൻ റ​ദ്ദാ​ക്കു​മെ​ന്നും മോ​ട്ടോ​ർ വാ​ഹ​ന വ​കു​പ്പ് അ​റി​യി​ച്ചു. ഈ ​വ​ർ​ഷം ജി​ല്ല​യി​ലെ വാ​ഹ​നാ​പ​ക​ട​ങ്ങ​ളി​ൽ മ​രി​ച്ച​ത് 215 പേ​രാ​ണ്. മ​ര​ണ​നി​ര​ക്കി​ൽ 21 ശ​ത​മാ​നം വ​ർ​ധ​ന​യുണ്ടാ​യി.

അ​വ​യ​വ​ങ്ങ​ൾ ന​ഷ്ട​മാ​യും ഗു​രു​ത​ര​മാ​യി പ​രി​ക്കേ​റ്റും ചി​കി​ത്സ​യി​ൽ ക​ഴി​യു​ന്ന​ത് 1500 പേ​രാ​ണ്. ജി​ല്ല​യി​ൽ 27 അ​പ​ക​ട സാ​ധ്യ​ത മേ​ഖ​ല​ക​ൾ ക​ണ്ടെ​ത്തി​യി​രു​ന്നു. ഈ ​മേ​ഖ​ല​ക​ളി​ൽ പൊ​ലീ​സും മോ​ട്ടോ​ർ വാ​ഹ​ന​വ​കു​പ്പും സം​യു​ക്ത പ​രി​ശോ​ധ​ന ന​ട​ത്തി​വ​രു​ന്നു​ണ്ട്.