ആരോഗ്യ കാർഡ് വരുന്നു; ഹോട്ടൽ മേഖല മാറുന്നു

ക​ണ്ണൂ​ർ: ഭ​ക്ഷ്യ​സു​ര​ക്ഷ ഉ​റ​പ്പാ​ക്കാ​ൻ ഹോ​ട്ട​ലു​ക​ളി​ലെ​യും മ​റ്റ് ഭ​ക്ഷ​ണ​ശാ​ല​ക​ളി​ലെ​യും പാ​ച​ക​ത്തൊ​ഴി​ലാ​ളി​ക​ൾ​ക്ക് ഹെ​ൽ​ത്ത് കാ​ർ​ഡ് വ​രു​ന്നു. ഫെ​ബ്രു​വ​രി ഒ​ന്നു മു​ത​ൽ ന​ട​പ്പാ​ക്കേ​ണ്ടി​യി​രു​ന്ന സം​വി​ധാ​നം ര​ണ്ടാ​ഴ്ച നീ​ട്ടി​യെ​ങ്കി​ലും ജി​ല്ല​യി​ൽ ഇ​തി​ന​കം പ​കു​തി​യോ​ളം പേ​ർ കാ​ർ​ഡ് എ​ടു​ത്തി​ട്ടു​ണ്ട്.

നി​ബ​ന്ധ​ന​ക​ൾ പാ​ലി​ക്കു​ന്ന​തു​മാ​യി ബ​ന്ധ​പ്പെ​ട്ട് ഭ​ക്ഷ്യ​സു​ര​ക്ഷ വ​കു​പ്പും ആ​രോ​ഗ്യ​വ​കു​പ്പും ചേ​ർ​ന്ന് ഹോ​ട്ട​ലു​ക​ളി​ലും ഭ​ക്ഷ​ണ നി​ർ​മാ​ണ​ശാ​ല​ക​ളി​ലും പ​രി​ശോ​ധ​ന ശ​ക്ത​മാ​ക്കും. ജി​ല്ല​യി​ൽ 8000ത്തി​ല​ധി​കം ചെ​റു​കി​ട, ഇ​ട​ത്ത​രം ഹോ​ട്ട​ലു​ക​ളാ​ണു​ള്ള​ത്. ഇ​വ​യി​ലാ​കെ 65,000ത്തോ​ളം ജീ​വ​ന​ക്കാ​രു​ണ്ടെ​ന്നാ​ണ് ക​ണ​ക്ക്.

ബേ​ക്ക​റി, ഭ​ക്ഷ​ണ നി​ർ​മാ​ണ യൂ​നി​റ്റു​ക​ളി​ലും അ​തി​ലേ​റെ​യു​ണ്ട്. ത​ട്ടു​ക​ട​ക​ളി​ല​ട​ക്കം ഭ​ക്ഷ്യ​സു​ര​ക്ഷ നി​ർ​ദേ​ശ​ങ്ങ​ൾ ക​ർ​ശ​ന​മാ​യി പാ​ലി​ക്ക​ണം. ഭ​ക്ഷ്യ വ​സ്തു​ക്ക​ൾ കൈ​കാ​ര്യം ചെ​യ്യു​ന്ന എ​ല്ലാ ജീ​വ​ന​ക്കാ​രും ഹെ​ൽ​ത്ത് കാ​ർ​ഡ് എ​ടു​ക്ക​ണ​മെ​ന്നാ​ണ് ആ​രോ​ഗ്യ വ​കു​പ്പ് നി​ർ​ദേ​ശം. ഇ​തോ​ടെ താ​ൽ​ക്കാ​ലി​ക ജീ​വ​ന​ക്കാ​ർ​ക്ക​ട​ക്കം കാ​ർ​ഡ് നി​ർ​ബ​ന്ധ​മാ​ക്കും.

ആ​യി​ര​ക്ക​ണ​ക്കി​ന് തൊ​ഴി​ലാ​ളി​ക​ൾ​ക്ക് ഹെ​ൽ​ത്ത് കാ​ർ​ഡ് ല​ഭ്യ​മാ​ക്കാ​ൻ കു​റ​ഞ്ഞ സ​മ​യ​മാ​ണ് ല​ഭി​ച്ച​തെ​ന്ന് വ്യാ​പാ​രി​ക​ൾ​ക്ക് പ​രാ​തി​യു​ണ്ട്. ര​ണ്ടാ​ഴ്ച നീ​ട്ടി​യ തീ​രു​മാ​നം ഇ​വ​ർ​ക്ക് ആ​ശ്വാ​സ​മാ​ണ്. ഡോ​ക്ട​റു​ടെ നി​ർ​ദേ​ശ പ്ര​കാ​രം ര​ക്ത​പ​രി​ശോ​ധ​ന​ക​ൾ അ​ട​ക്കം പൂ​ർ​ത്തി​യാ​ക്കാ​ൻ സ​മ​യ​മെ​ടു​ക്കും. നാ​ട്ടി​ൽ​പോ​യ ഇതര സംസ്ഥാന തൊ​ഴി​ലാ​ളി​ക​ൾ​ക്ക​ട​ക്കം കാ​ർ​ഡ് ന​ൽ​കേ​ണ്ട​തു​ണ്ട്.

ഭ​ക്ഷ​ണം കൈ​കാ​ര്യം ചെ​യ്യു​ന്ന​വ​രി​ലൂ​ടെ അ​പ​ക​ട​കാ​രി​ക​ളാ​യ വൈ​റ​സു​ക​ൾ, ബാ​ക്ടീ​രി​യ​ക​ൾ അ​ട​ക്ക​മു​ള്ള സൂ​ക്ഷ്മജീ​വി​ക​ൾ പ​ക​ർ​ന്ന് രോ​ഗ​മു​ണ്ടാ​കാ​ൻ സാ​ധ്യ​ത​യു​ണ്ട്. ജീ​വ​ന​ക്കാ​ർ പ​ക​ർ​ച്ച​വ്യാ​ധി​ക​ൾ, മു​റി​വ്, മ​റ്റു രോ​ഗ​ങ്ങ​ൾ തു​ട​ങ്ങി​യ​വ ഇ​ല്ലാ​ത്ത​വ​രാ​ണെ​ന്ന് ഉ​റ​പ്പാ​ക്കു​ന്ന​തി​നാ​ണ് ശ​രീ​ര പ​രി​ശോ​ധ​ന ന​ട​ത്തു​ന്ന​ത്. ജി​ല്ല​യി​ൽ വി​വി​ധ​യി​ട​ങ്ങ​ളി​ൽ പ​ഴ​കി​യ ഭ​ക്ഷ​ണ​ങ്ങ​ൾ പി​ടി​കൂ​ടി​യ നി​ര​വ​ധി കേ​സു​ക​ളാ​ണ് ഈ ​വ​ർ​ഷ​മു​ണ്ടാ​യ​ത്.

പ​ഴ​കി​യ​തും വി​ഷാം​ശ​ങ്ങ​ൾ ക​ല​ർ​ന്ന​തു​മാ​യ ഭ​ക്ഷ​ണ​പ​ദാ​ർ​ഥ​ങ്ങ​ൾ ജീ​വ​നെ​ടു​ത്ത​തോ​ടെ​യാ​ണ് ജോ​ലി​ക്കാ​രു​ടെ ശു​ചി​ത്വ​ത്തി​ലും ഭ​ക്ഷ​ണ​ശാ​ല ന​ട​ത്തി​പ്പി​ലും സ​ര്‍ക്കാ​ര്‍ നി​യ​മം ക​ര്‍ശ​ന​മാ​ക്കി​യ​ത്. ഹെ​ൽ​ത്ത് കാ​ർ​ഡി​ല്ലാ​ത്ത ജീ​വ​ന​ക്കാ​ർ സ്ഥാ​പ​ന​ത്തി​ലു​ണ്ടെ​ങ്കി​ൽ ന​ട​പ​ടി​യു​ണ്ടാ​വും.

സ്ഥാ​പ​ന​ത്തി​ന്റെ പ്ര​വ​ർ​ത്ത​നം നി​ർ​ത്തി​ലാ​ക്കു​ന്ന​ത​ട​ക്ക​മു​ള്ള ന​ട​പ​ടി​ക​ൾ സ്വീ​ക​രി​ക്കാ​നാ​ണ് സാ​ധ്യ​ത. നേ​ര​ത്തെ​യും സ്ഥാ​പ​ന​ത്തി​ന്റെ ലൈ​സ​ൻ​സു​മാ​യി ബ​ന്ധ​പ്പെ​ട്ട് തൊ​ഴി​ലാ​ളി​ക​ൾ​ക്ക് ​ഹെ​ൽ​ത്ത് സ​ർ​ട്ടി​ഫി​ക്ക​റ്റ് നി​ർ​ബ​ന്ധ​മാ​യി​രു​ന്നു.

ഭ​ക്ഷ്യ​വി​ഷ​ബാ​ധ​യി​ൽ കൂ​ടു​ത​ൽ അ​പ​ക​ട​ങ്ങ​ൾ റി​പ്പോ​ർ​ട്ട് ചെ​യ്ത സാ​ഹ​ച​ര്യ​ത്തി​ലാ​ണ് കൂ​ടു​ത​ൽ നി​ർ​ദേ​ശ​ങ്ങ​ളും പ​രി​ശോ​ധ​ന​ക​ളും ഉ​ൾ​പ്പെ​ടു​ത്തി​ക്കൊ​ണ്ട് സ​ർ​ക്കാ​ർ ​ഹെ​ൽ​ത്ത് സ​ർ​ട്ടി​ഫി​ക്ക​റ്റ് നി​ബ​ന്ധ​ന പു​തു​ക്കി​യ​ത്. ക്ര​മ​ക്കേ​ടു​ക​ൾ ക​ണ്ടെ​ത്തി അ​ട​പ്പി​ച്ച സ്ഥാ​പ​ന​ങ്ങ​ൾ തു​റ​ന്നു​കൊ​ടു​ക്കു​മ്പോ​ൾ ജീ​വ​ന​ക്കാ​ർ ര​ണ്ടാ​ഴ്ച​ക്കു​ള്ളി​ൽ ഭ​ക്ഷ്യസു​ര​ക്ഷ പ​രി​ശീ​ല​നം നേ​ടു​മെ​ന്നും ഹൈ​ജീ​ൻ റേ​റ്റി​ങ്ങി​നാ​യി ര​ജി​സ്റ്റ​ർ ചെ​യ്യു​മെ​ന്നും സ​ത്യ​പ്ര​സ്താ​വ​ന ഹാ​ജ​രാ​ക്കേ​ണ്ടി വ​രും.

പു​തി​യ നി​ർ​ദേ​ശ പ്ര​കാ​രം പാ​ഴ്സ​ൽ ഭ​ക്ഷ​ണ​ങ്ങ​ളി​ൽ അ​ട​ക്കം എ​ത്ര​സ​മ​യ​ത്തി​ന​കം ക​ഴി​ക്ക​ണ​മെ​ന്ന് രേ​ഖ​പ്പെ​ടു​ത്ത​ണം. ​​തു​ട​ർ​ച്ച​യാ​യി ഭ​ക്ഷ്യ​വി​ഷ​ബാ​ധ റി​പ്പോ​ർ​ട്ട് ചെ​യ്ത സാ​ഹ​ച​ര്യ​ത്തി​ൽ ജി​ല്ല​യി​ല​ട​ക്കം ഹോ​ട്ട​ൽ വ്യാ​പാ​ര മേ​ഖ​ല​യി​ൽ ക​ച്ച​വ​ട​ത്തെ ബാ​ധി​ച്ചു​ണ്ടെ​ന്നാ​ണ് വ്യാ​പാ​രി​ക​ൾ ന​ൽ​കു​ന്ന വി​വ​രം. സ​സ്യേ​ത​ര ഭ​ക്ഷ​ണ​പ​ദാ​ർ​ഥ​ങ്ങ​ളു​ടെ വ്യാ​പാ​ര​ത്തെ​യാ​ണ് പ്ര​ധാ​ന​മാ​യും ബാ​ധി​ച്ച​ത്.

മെ​ഗാ ക്യാ​മ്പു​ക​ൾ

ഹെ​ൽ​ത്ത് കാ​ർ​ഡ് ന​ൽ​കാ​നാ​യി, ഹോ​ട്ട​ൽ​മേ​ഖ​ല​യി​ൽ പ്ര​വ​ർ​ത്തി​ക്കു​ന്ന സം​ഘ​ട​ന​ക​ളു​ടെ​യും ആ​രോ​ഗ്യ​വ​കു​പ്പി​ന്റെ​യും നേ​തൃ​ത്വ​ത്തി​ൽ മെ​ഗാ​ക്യാ​മ്പു​ക​ൾ ന​ട​ക്കു​ന്നു​ണ്ട്. ക​ഴി​ഞ്ഞ​യാ​ഴ്ച ത​ല​ശ്ശേ​രി​യി​ൽ ന​ട​ന്ന ക്യാ​മ്പി​ൽ ആ​യി​ര​ത്തി​ലേ​റെ​പേ​ർ ഹെ​ൽ​ത്ത് കാ​ർ​ഡ് നേ​ടി. ഞാ​യ​റാ​ഴ്ച മ​ട്ട​ന്നൂ​രിലും പു​തി​യ​തെ​രു​വി​ലും മെ​ഗാ ക്യാ​മ്പു​ക​ൾ ന​ട​ത്തും.

300 രൂ​പ​യാ​ണ് ഹെ​ൽ​ത്ത് കാ​ർ​ഡ് പ​രി​ശോ​ധ​ന​ക്ക് ചെ​ല​വ്. ന​ഗ​ര​സ​ഭ​ക​ളി​ലെ ഹോ​ട്ട​ലു​ക​ളി​ൽ ജോ​ലി ചെ​യ്യു​ന്ന തൊ​ഴി​ലാ​ളി​ക​ൾ​ക്ക് നി​ല​വി​ൽ ഹെ​ൽ​ത്ത്കാ​ർ​ഡ് നി​ർ​ബ​ന്ധ​മാ​ണ്. ത​ദ്ദേ​ശ സ്ഥാ​പ​ന​ങ്ങ​ളി​ൽ ഭ​ക്ഷ​ണ​ശാ​ല​ക​ളു​ടെ ലൈ​സ​ൻ​സ് പു​തു​ക്കാ​നും ഹെ​ൽ​ത്ത് കാ​ർ​ഡ് വേ​ണം.

15 ദി​വ​സ​ത്തി​നു​ള്ളി​ൽ പു​തി​യ നി​ർ​ദേ​ശ​ങ്ങ​ൾ പാ​ലി​ച്ചു​ള്ള ഹെ​ൽ​ത്ത് കാ​ർ​ഡ് മു​ഴു​വ​ൻ പേ​ർ​ക്കും ല​ഭ്യ​മാ​ക്കു​ക​യാ​ണ് വ്യാ​പാ​രി​ക​ളു​ടെ ശ്ര​മം. ഹെ​ൽ​ത്ത് കാ​ർ​ഡു​ള്ള​വ​രെ മാ​ത്രം ജോ​ലി​ക്കെ​ടു​ക്കു​ന്ന രീ​തി​യി​ലേ​ക്ക് കാ​ര്യ​ങ്ങ​ൾ മാ​റും.

എ​ന്താ​ണ് ഹെ​ൽ​ത്ത് കാ​ർ​ഡ്

ര​ജി​​സ്ട്രേ​ഡ് മെ​ഡി​ക്ക​ൽ പ്രാ​ക്ടീ​ഷ​ണ​റു​ടെ​യോ സി​വി​ൽ സ​ർ​ജ​ന്റെ​യോ നി​ശ്ചി​ത മാ​തൃ​ക​യി​ലു​ള്ള സ​ർ​ട്ടി​ഫി​ക്ക​റ്റാ​ണ് ഹെ​ൽ​ത്ത് കാ​ർ​ഡ്.

ഡോ​ക്ട​റു​ടെ നി​ർ​ദേ​ശ പ്ര​കാ​രം ശാ​രീ​രി​ക, കാ​ഴ്ച​ശ​ക്തി പ​രി​ശോ​ധ​ന​ക​ൾ, ത്വ​ഗ് രോ​ഗ​ങ്ങ​ൾ, വ്രണം, മു​റി​വ്, പ​ക​ർ​ച്ച​വ്യാ​ധി​ക​ൾ എ​ന്നി​വ​യു​ണ്ടോ​യെ​ന്ന പ​രി​ശോ​ധ​ന​ക​ളും ന​ട​ത്ത​ണം. വി​വി​ധ വാ​ക്സി​നു​ക​ളെ​ടു​ത്തി​ട്ടു​ണ്ടോ എ​ന്നും നോ​ക്കും. ഡോ​ക്ട​റു​ടെ നി​ർ​ദേ​ശ പ്ര​കാ​രം ര​ക്ത​പ​രി​ശോ​ധ​ന ഉ​ൾ​പ്പെ​ടെ ന​ട​ത്തി​യാ​ണ് കാ​ർ​ഡ് ന​ൽ​കു​ക.

സ​ർ​ട്ടി​ഫി​ക്ക​റ്റി​ൽ ഡോ​ക്ട​റു​ടെ ഒ​പ്പും സീ​ലും ഉ​ണ്ടാ​യി​രി​ക്ക​ണ​മെ​ന്ന് നി​ർ​ബ​ന്ധം. ഒ​രു വ​ർ​ഷ​മാ​ണ് ഹെ​ൽ​ത്ത് കാ​ർ​ഡി​ന്റെ കാ​ലാ​വ​ധി. അ​ടു​ത്ത​വ​ർ​ഷം കാ​ർ​ഡ് പു​തു​ക്കി​ന​ൽ​കും. വ്യാ​ജ സ​ർ​ട്ടി​ഫി​ക്ക​റ്റ് ന​ൽ​കു​ന്ന​വ​ർ​ക്കെ​തി​രെ​യും കൈ​വ​ശ​മു​ള്ള​വ​ർ​ക്കെ​തി​രെ​യും ന​ട​പ​ടി​യു​ണ്ടാ​വും. എ​ഫ്.​എ​സ്.​എ​സ്.​എ.​ഐ​യു​ടെ വെ​ബ് സൈ​റ്റി​ൽനി​ന്നും മെ​ഡി​ക്ക​ൽ ഫി​റ്റ്ന​സ് സ​ർ​ട്ടി​ഫി​ക്ക​റ്റ് ഫോം ​ഡൗ​ൺ​ലോ​ഡ് ചെ​യ്യാ​നാ​വും.