വന്യജീവികളുടെ ബാഹുല്യത്തിൽ പൊറുതിമുട്ടി മലയോര ജനത

കേ​ള​കം: കൃ​ഷി​യി​ട​ങ്ങ​ളി​ൽ വി​ഹ​രി​ക്കു​ന്ന വ​ന്യജീ​വി​ക​ളു​ടെ ബാ​ഹു​ല്യ​ത്തി​ൽ പൊ​റു​തി​മു​ട്ടി മ​ല​യോ​ര ജ​ന​ത ദു​രി​ത​ത്തി​ൽ. പേ​രാ​വൂ​ർ മ​ണ്ഡ​ല​ത്തി​ലെ പ്ര​ധാ​ന വി​ഷ​യം വ​ന്യ ജീ​വി ശ​ല്യ​മാ​ണ്. എ​ട്ടു പ​ഞ്ചാ​യ​ത്തു​ക​ളും ഒ​രു ന​ഗ​ര​സ​ഭ​യും ഉ​ൾ​പ്പെ​ടു​ന്ന പേ​രാ​വൂ​ർ നി​യോ​ജ​ക മ​ണ്ഡ​ല​ത്തി​ലെ ഭൂ​രി​പ​ക്ഷം പ്ര​ദേ​ശ​ങ്ങ​ളി​ലും വ​ന്യ​ജീ​വി ആ​ക്ര​മ​ണം രൂ​ക്ഷ​മാ​ണ്. ഇ​തി​ൽ ഇ​രി​ട്ടി ന​ഗ​ര​സ​ഭ, പാ​യം പ​ഞ്ചാ​യ​ത്ത് എ​ന്നി​വ​യൊ​ഴി​ച്ച് മ​റ്റു​പ​ഞ്ചാ​യ​ത്തു​ക​ളി​ലെ​ല്ലാം വ​ന്യ​മൃ​ഗ​ശ​ല്യം രൂ​ക്ഷ​മാ​യ പ്ര​ദേ​ശ​ങ്ങ​ൾ ഉ​ൾ​പ്പെ​ടു​ന്നു. എ​ന്നാ​ൽ, ഇ​രി​ട്ടി​യും, പാ​യ​വും കൂ​ടി​യി​പ്പോ​ൾ കാ​ട്ടുപ​ന്നി​ക​ൾ ഉ​ൾ​പ്പെ​ടെ വ​ന്യജീ​വി​ക​ളു​ടെ വി​ഹാ​ര​മാ​ണ്.

കൊ​ട്ടി​യൂ​ർ വ​ന​ത്തി​ൽ നി​ന്നും വ​ന്യ​ജീ​വി സ​ങ്കേ​ത​ത്തി​ൽ നി​ന്നും വ​ന്യ​മൃ​ഗ​ങ്ങ​ളെ​ത്തി നാ​ശം വി​ത​ക്കു​ന്ന കൊ​ട്ടി​യൂ​ർ പ​ഞ്ചാ​യ​ത്തി​ലെ ഭൂ​രി​ഭാ​ഗം പ്ര​ദേ​ശ​ങ്ങ​ൾ, ആ​റ​ളം വ​ന്യ​ജീ​വി സ​ങ്കേ​തം, കൊ​ട്ടി​യൂ​ർ വ​ന്യ​ജീ​വി സ​ങ്കേ​തം എ​ന്നി​വി​ട​ങ്ങ​ളി​ൽ നി​ന്നും കാ​ട്ടു​മൃ​ഗ​ങ്ങ​ളെ​ത്തു​ന്ന കേ​ള​കം പ​ഞ്ചാ​യ​ത്തി​ലെ രാ​മ​ച്ചി, ശാ​ന്തി​ഗി​രി, വെ​ള്ളൂ​ന്നി തു​ട​ങ്ങി​യ പ്ര​ദേ​ശ​ങ്ങ​ൾ. ആ​റ​ളം, ഉ​ളി​ക്ക​ൽ, അ​യ്യംകു​ന്ന് പ​ഞ്ചാ​യ​ത്തു​ക​ളി​ൽ രൂ​ക്ഷ​മാ​ണ് വ​ന്യ ജീ​വി ശ​ല്യം. ഏ​ല​പ്പീ​ടി​ക, പൂ​ള​ക്കു​റ്റി എ​ന്നി​വ​യു​ൾ​പ്പെ​ടെ​യു​ള്ള ക​ണി​ച്ചാ​ർ പ​ഞ്ചാ​യ​ത്തി​ലെ മ​റ്റു മേ​ഖ​ല​ക​ളും ജ​ന​ജീ​വി​തം ദു​രി​ത​മ​യം. ആ​റ​ളം ഫാ​മി​ലെ കാ​ട്ടാ​ന​ക​ൾ ത​ന്നെ വി​ല്ല​ന്മാ​രാ​യ മു​ഴ​ക്കു​ന്ന് പ​ഞ്ചാ​യ​ത്തി​ലെ പാ​ല​പ്പു​ഴ, അ​യ്യ​പ്പ​ൻ​കാ​വ് പ്ര​ദേ​ശ​ങ്ങ​ൾ. കാ​ട്ടാ​ന​ക​ൾ കൂ​ട്ട​ത്തോ​ടെ ത​മ്പ​ടി​ക്കു​ന്ന ആ​റ​ളം പ​ഞ്ചാ​യ​ത്തി​ലെ ആ​റ​ളം പു​ന​ര​ധി​വാ​സ മേ​ഖ​ല. അ​തി​ർ​ത്തി​ക്ക​പ്പു​റം ക​ർ​ണാ​ട​ക വ​ന​ത്തി​ൽ നി​ന്നും വ​ന്യ​മൃ​ഗ​ങ്ങ​ളെ​ത്തു​ന്ന ഉ​രു​പ്പും​കു​റ്റി, വാ​ള​ത്തോ​ട് മേ​ഖ​ല​ക​ളു​ൾ​പ്പെ​ടു​ന്ന അ​യ്യ​ൻ​കു​ന്ന് പ​ഞ്ചാ​യ​ത്തി​ലെ പ്ര​ദേ​ശ​ങ്ങ​ൾ. കാ​ട്ടാ​ന​യ​ട​ക്ക​മു​ള്ള​വ​യെ​ത്തി നാ​ശം വി​ത​ക്കു​ന്ന ഈ ​പ്ര​ദേ​ശ​ങ്ങ​ളെ​ക്കൂ​ടാ​തെ കാ​ട്ടു​പ​ന്നി, കു​ര​ങ്ങ് തു​ട​ങ്ങി​യ​വ​യെ​ത്തു​ന്ന മ​റ്റു​വി​വി​ധ പ്ര​ദേ​ശ​ങ്ങ​ൾ. വ​ന്യ​മൃ​ഗ​ശ​ല്യ​മെ​ന്ന യാ​ഥാ​ർ​ഥ്യ​ത്തി​ൽ ക​ഴി​യു​ന്ന ഇ​വി​ടു​ത്തെ ജ​ന​ങ്ങ​ൾ​ക്ക് ഇ​വ​യി​ൽ നി​ന്നു​ള്ള സം​ര​ക്ഷ​ണം അ​നി​വാ​ര്യ​മാ​ണ്. വ​നാ​തി​ർ​ത്തി​ക​ളി​ൽ പൂ​ർ​ണ​മാ​യും ആ​ന മ​തി​ലു​ക​ൾ യു​ദ്ധ​കാ​ലാ​ടി​സ്ഥാ​ന​ത്തി​ൽ പൂ​ർ​ത്തീ​ക​രി​ച്ചി​ല്ലെ​ങ്കി​ൽ ദു​ര​ന്ത​ങ്ങ​ളാ​ണ് കാ​ത്തി​രി​ക്കു​ന്ന​ത്.

നി​ല​വി​ൽ ആ​റ​ളം ഫാ​മി​ൽ മാ​ത്രം ത​മ്പ​ടി​ച്ചി​ട്ടു​ള്ള​ത് 70ഓ​ളം കാ​ട്ടാ​ന​ക​ൾ. ആ​റ​ള​ത്ത് എ​ട്ടു വ​ർ​ഷ​ത്തി​നി​ടെ ആ​ന​ക​ൾ ച​വി​ട്ടി​മെ​തി​ച്ച​ത് 14 മ​നു​ഷ്യ ജീ​വ​നു​ക​ൾ. ആ​റ​ളം ഫാ​മി​ൽ ആ​ന മ​തി​ൽ നി​ർ​മാ​ണം പൂ​ർ​ത്തി​യാ​വു​മ്പോ​ൾ പു​റ​ത്തെ​ത്തി​ക്കു​ന്ന കാ​ട്ടാ​ന​ക​ൾ മ​റ്റി​ട​ങ്ങ​ളി​ലൂ​ടെ ജ​ന​വാ​സ കേ​ന്ദ്ര​ങ്ങ​ളി​ലെ​ത്തി ജ​ന​ജീ​വി​തം ദു​രി​ത​പൂ​ർ​ണ​മാ​ക്കു​മെ​ന്നു​റ​പ്പാ​ണ്. കാ​ട്ട് പ​ന്നി​ക​ളു​ടെ ശ​ല്യ​മാ​ണ് മ​ല​യോ​ര ജ​ന​ത​യെ ദു​രി​ത​ത്തി​ലും പ​ട്ടി​ണി​യി​ലു​മാ​ക്കു​ന്ന​ത്.

മ​ര​ച്ചീ​നി, ചേ​ന, ചേ​മ്പ്, കാ​ച്ചി​ൽ തു​ട​ങ്ങി ഭ​ക്ഷ്യ​വി​ള​ക​ൾ കാ​ട്ട് പ​ന്നി​ക്കൂ​ട്ടം ന​ശി​പ്പി​ക്കു​ന്ന​തി​നാ​ൽ കൃ​ഷി​യി​റ​ക്കാ​നാ​വാ​ത്ത ദു​രി​ത​ത്തി​ലാ​ണ് ക​ർ​ഷ​ക​ർ. ഇ​വ​യെ കൊ​ന്നൊ​ടു​ക്കാ​ൻ ച​ട്ട​മു​ണ്ടെ​ങ്കി​ലും ന​ട​പ്പാ​ക്കു​ന്ന​തി​ൽ വ​നം വ​കു​പ്പും, അ​ധി​കാ​ര​പ്പെ​ട്ട പ​ഞ്ചാ​യ​ത്തു​ക​ളും നി​സ്സം​ഗ​ത തു​ട​രു​ക​യാ​ണ്. മ​ല​യോ​ര ക​ർ​ഷി​ക മേ​ഖ​ല​ക്ക് ഇ​പ്പോ​ൾ ഏ​റ്റ​വും വ​ലി​യ ഭീ​ഷ​ണി​യാ​യി കു​ര​ങ്ങു​ക​ളും കൃ​ഷി​യി​ട​ങ്ങ​ളി​ൽ വി​ഹ​രി​ക്കു​ക​യാ​ണ്. വാ​ഴ​മു​ത​ൽ കൊ​ക്കോ വ​രെ മു​ഴു​വ​ൻ വി​ള​ക​ളു​ടെ​യും ഫ​ല​ങ്ങ​ൾ തി​ന്ന് തി​മി​ർ​ക്കു​ന്ന കു​ര​ങ്ങു​ക​ൾ​ക്കെ​തി​രെ​യും വേ​ണം പ്ര​തി​രോ​ധം.