പ​രി​ശോ​ധ​ന നി​ല​ച്ചു; ത​ലപൊ​ക്കി പ​ലി​ശ​സം​ഘം

ഇ​രി​ക്കൂ​ർ: സം​സ്ഥാ​ന​ത്ത്ങ്ങBlade team​ളെ നി​ല​ക്കു​നി​ർ​ത്താ​ൻ രൂ​പ​വ​ത്ക​രി​ച്ച ഓ​പ​റേ​ഷ​ൻ കു​ബേ​ര നി​ല​ച്ചി​ട്ട് വ​ർ​ഷ​ങ്ങ​ൾ. ഇ​തോ​ടെ ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ല​ട​ക്കം കൊ​ള്ള പ​ലി​ശ സം​ഘ​ങ്ങ​ളു​ടെ പ്ര​വ​ർ​ത്ത​നം വീ​ണ്ടും സ​ജീ​വ​മാ​യി.

വീ​ടി​ന്‍റെ​യും സ്ഥ​ല​ത്തി​ന്‍റെ​യും രേ​ഖ​ക​ളും വാ​ഹ​ന ആ​ർ.​സി​യും ഉ​ൾ​പ്പെ​ടെ ഈ​ടാ​യി വാ​ങ്ങി​യാ​ണ് ബ്ലേ​ഡ് സം​ഘ​ത്തി​ന്‍റെ ഇ​ട​പാ​ട്. 1000 മു​ത​ൽ ല​ക്ഷ​ങ്ങ​ൾ​വ​രെ കൊ​ള്ള പ​ലി​ശ​ക്ക് ന​ൽ​കി നി​ര​വ​ധി പേ​രെ കെ​ണി​യി​ൽ കു​ടു​ക്കു​ക​യാ​ണി​വ​ർ ചെ​യ്യു​ന്ന​ത്. സാ​ധാ​ര​ണ​ക്കാ​ർ മു​ത​ൽ വ്യാ​പാ​രി​ക​ളും ബി​സി​ന​സു​കാ​രും​വ​രെ ഇ​വ​രു​ടെ കെ​ണി​യി​ലാ​ണ്. മു​ത​ലും പ​ലി​ശ​യു​മ​ട​ക്കം അ​ട​ച്ചാ​ലും ഈ​ടാ​യി വാ​ങ്ങി​യ സ്ഥ​ല​ത്തി​ന്‍റെ രേ​ഖ​പോ​ലും തി​രി​കെ കൊ​ടു​ക്കു​ന്നി​ല്ല.

നേ​ര​ത്തെ കു​ബേ​ര കേ​സി​ൽ​പ്പെ​ട്ട് പു​റ​ത്തി​റ​ങ്ങി​യ​വ​രും പു​തു​താ​യി രം​ഗ​പ്ര​വേ​ശം ചെ​യ്ത​വ​രും ബ്ലേ​ഡ് ഇ​ട​പാ​ട് ത​കൃ​തി​യാ​യി ന​ട​ത്തു​ന്നു​ണ്ട്. മ​ല​യോ​ര​ത്ത് ചി​ല ടൗ​ണു​ക​ളി​ൽ സ്വ​ർ​ണ പ​ണ​യ സ്ഥാ​പ​ന​ത്തി​ന്‍റെ മ​റ​വി​ലും വ​ൻ കൊ​ള്ള പ​ലി​ശ ഇ​ട​പാ​ട് ന​ട​ക്കു​ന്നു​ണ്ട്. അ​പ​മാ​ന​വും ബ്ലേ​ഡ്കാ​രു​ടെ നി​ര​ന്ത​ര ഭീ​ഷ​ണി​യും കാ​ര​ണം പ​ല​രും സം​ഭ​വം പു​റ​ത്തു പ​റ​യാ​ൻ മ​ടി​ക്കു​ക​യാ​ണ്. പൊ​ലീ​സി​ൽ പ​രാ​തി ന​ൽ​കി​യെ​ങ്കി​ലും സ്റ്റേ​ഷ​നി​ൽ ബാ​ക്കി തു​ക ന​ൽ​കേ​ണ്ടെ​ന്ന ധാ​ര​ണ​യു​ണ്ടാ​ക്കി പ്ര​ശ്നം പ​റ​ഞ്ഞു തീ​ർ​ക്കു​ക​യാ​ണ്. തു​ട​ർ​ന്നും നി​ര​ന്ത​ര ഭീ​ഷ​ണി​യു​മാ​യി ബ്ലേ​ഡ് ഇ​ട​പാ​ട് സം​ഘം പി​ന്തു​ട​രു​ന്ന​താ​യി ആ​ക്ഷേ​പ​വു​മു​ണ്ട്.

ഇ​വ​രു​ടെ കെ​ണി​യി​ൽ​പ്പെ​ട്ട് വീ​ടും വ​ണ്ടി​യും ന​ഷ്ട​പ്പെ​ട്ട ഒ​രു സ​ർ​ക്കാ​ർ ഉ​ദ്യോ​ഗ​സ്ഥ​ൻ മ​ല​യോ​ര മേ​ഖ​ല​യി​ൽ വാ​ട​ക വീ​ട്ടി​ൽ ക​ഴി​യു​ന്നു​ണ്ട്. ഇ​രി​ക്കൂ​റി​ൽ ബ്ലേ​ഡി​ൽ കു​ടു​ങ്ങി​യ വ്യാ​പാ​രി ആ​റു പേ​ർ​ക്കെ​തി​രെ​യാ​ണ് ര​ണ്ടാ​ഴ്ച മു​മ്പ് റൂ​റ​ൽ ജി​ല്ല പൊ​ലീ​സ് മേ​ധാ​വി​ക്ക് പ​രാ​തി ന​ൽ​കി​യ​ത്. രാ​ഷ്ട്രീ​യ ക​ക്ഷി​ക​ൾ​ക്കും മ​റ്റും വ​ൻ​തു​ക കൊ​ള്ള പ​ലി​ശ​ക്കാ​ർ ന​ൽ​കു​ന്ന​തി​നാ​ൽ ബ്ലേ​ഡി​ൽ കു​ടു​ങ്ങി​യ​വ​രു​ടെ പ​രാ​തി ആ​രും ഗൗ​നി​ക്കാ​റി​ല്ല. ഇ​വി​ടത്തെ പ​ലി​ശ​ക്കാ​ർ​ക്ക് പു​റ​മെ ത​മി​ഴ്നാ​ട്ടി​ലെ പ​ലി​ശ​ക്കാ​രും ഇ​വി​ടെ​യെ​ത്തി ആ​ഴ്ച​യി​ട​പാ​ട് ന​ട​ത്തു​ന്നു. വീ​ടു​ക​ളി​ലും ക​ട​ക​ളി​ലും ഇ​ത്ത​രം സം​ഘ​ങ്ങ​ൾ പി​ടി മു​റു​ക്കി. റി​ട്ട. അ​ധ്യാ​പ​ക​രും ചി​ല സ​ർ​ക്കാ​ർ ഉ​ദ്യോ​ഗ​സ്ഥ​രും കാ​ര്യ​മാ​യി ഒ​രു പ​ണി​യും ചെ​യ്യാ​ത്ത​വ​രു​മെ​ല്ലാം കൊ​ള്ള​പ്പ​ലി​ശ​ക്കാ​രാ​യി പ്ര​വ​ർ​ത്തി​ക്കു​മ്പോ​ൾ കെ​ണി​യി​ല​ക​പ്പെ​ട്ട​വ​രെ ര​ക്ഷി​ക്കാ​ൻ ആ​രു​മി​ല്ലാ​ത്ത സ്ഥി​തി​യാ​ണ്.