മത്സ്യവണ്ടിയിലെത്തി കവർച്ച നടത്തുന്ന രണ്ടു പേർ അറസ്റ്റിൽ

ഇ​രി​ക്കൂ​ര്‍: മ​ത്സ്യ വ​ണ്ടി​യി​ലെ​ത്തി ക​ട​ക​ളി​ലും വീ​ടു​ക​ളി​ലും ക​വ​ര്‍ച്ച ന​ട​ത്തു​ന്ന സം​ഘ​ത്തി​ലെ ര​ണ്ടു പേ​ർ ഇ​രി​ക്കൂ​ര്‍ എ​സ്.​എ​ച്ച്.​ഒ ഇ​ൻ​സ്പെ​ക്ട​ർ രാ​ജേ​ഷ് ആ​യോ​ട​ന്റെ നേ​തൃ​ത്വ​ത്തി​ല്‍ ന​ട​ത്തി​യ അ​ന്വേ​ഷ​ണ​ത്തി​ല്‍ പി​ടി​യി​ലാ​യി. ക​ര്‍ണാ​ട​ക ഷി​മോ​ഗ സാ​ഗ​ര്‍ ഫ​സ്റ്റ് ക്രോ​സ് എ​സ്.​എ​ന്‍ ന​ഗ​റി​ലെ മു​ഹ​മ്മ​ദ് ജാ​ക്കി​ര്‍ (32), സാ​ഗ​ര്‍ ഫി​ഫ്ത്ത് ക്രോ​സ് ജ​ന്ന​ത്ത് ന​ഗ​റി​ലെ നൗ​ഫ​ല്‍(32) എ​ന്നി​വ​രാ​ണ് പി​ടി​യി​ലാ​യ​ത്. ഇ​വ​രെ എ​സ്.​ഐ പി. ​ബാ​ബു​മോ​ൻ അ​റ​സ്റ്റ് ചെ​യ്തു.

ക​ഴി​ഞ്ഞ ര​ണ്ടി​ന് പു​ല​ര്‍ച്ച പ​ടി​യൂ​ര്‍ പൂ​വ്വ​ത്ത് ഷ​ബാ​ബ് മ​ന്‍സി​ലി​ല്‍ അ​ബ്ദു​ൽ ഷ​ബാ​ഹി​ന്റെ വീ​ട്ടി​ൽ ക​വ​ര്‍ച്ച ന​ട​ത്താ​ന്‍ ശ്ര​മി​ച്ച പ​രാ​തി​യി​ല്‍ ന​ട​ന്ന അ​ന്വേ​ഷ​ണ​മാ​ണ് ഇ​വ​രെ കു​ടു​ക്കി​യ​ത്. ഈ ​വീ​ടി​ന്റെ വ​ശ​ങ്ങ​ളി​ലാ​യി സ്ഥാ​പി​ച്ചി​രു​ന്ന സി.​സി.​ടി.​വി കാ​മ​റ​ക​ളി​ൽ പി​ൻ​ഭാ​ഗ​ത്തെ മൂ​ന്നെ​ണ്ണം തോ​ര്‍ത്ത് മു​ണ്ടു​കൊ​ണ്ടും തു​ണി​കൊ​ണ്ടും മ​റ​ച്ച ക​വ​ർ​ച്ച സം​ഘം അ​ടു​ക്ക​ള വാ​തി​ലി​ന്റെ ഗ്രി​ല്‍സ് ത​ക​ര്‍ത്താ​ണ് അ​ക​ത്തു​ക​യ​റി​യ​ത്.

ഒ​രു കി​ട​പ്പു​മു​റി​യി​ലെ അ​ല​മാ​ര മു​ഴു​വ​ന്‍ കു​ത്തി​ത്തു​റ​ന്ന് സാ​ധ​ന​ങ്ങ​ള്‍ വാ​രി​വ​ലി​ച്ചി​ട്ട് പ​രി​ശോ​ധി​ച്ചെ​ങ്കി​ലും ഒ​ന്നും ല​ഭി​ച്ചി​ല്ല. തൊ​ട്ട​പ്പു​റ​ത്തെ മു​റി​യി​ല്‍ അ​ധ്യാ​പ​ക​നും കു​ടും​ബ​വും കി​ട​ന്നു​റ​ങ്ങു​ന്നു​ണ്ടാ​യി​രു​ന്നു. ആ ​മു​റി​യി​ല്‍ നി​ന്ന് ശ​ബ്ദം​കേ​ട്ട് വീ​ട്ടു​കാ​ര്‍ ഉ​ണ​ര്‍ന്നു​വെ​ന്ന ധാ​ര​ണ​യി​ല്‍ ക​വ​ര്‍ച്ച​ക്കാ​ര്‍ ഓ​ടി ര​ക്ഷ​പ്പെ​ട്ടു. പു​ല​ര്‍ച്ച ഉ​ണ​ര്‍ന്ന​പ്പോ​ഴാ​ണ് ക​വ​ര്‍ച്ച ശ്ര​മം ശ്ര​ദ്ധ​യി​ല്‍പ്പെ​ട്ട​ത്. പൊ​ലീ​സ് 200ഓ​ളം സി.​സി.​ടി.​വി കാ​മ​റ​ക​ള്‍ പ​രി​ശോ​ധി​ച്ചാ​ണ് ക​വ​ര്‍ച്ച​ക്കാ​രെ തി​രി​ച്ച​റി​ഞ്ഞ​ത്. തു​ട​ര്‍ന്ന് ഷി​മോ​ഗ സാ​ഗ​റി​ലെ​ത്തി​യ സം​ഘം വെ​ള്ളി​യാ​ഴ്ച പു​ല​ര്‍ച്ചയോ​ടെ ര​ണ്ടു​പേ​രെ​യും പി​ടി​കൂ​ടി.

മ​ത്സ്യം ക​യ​റ്റി​യ വ​ണ്ടി​യി​ല്‍ ക​ണ്ണൂ​ര്‍- കാ​സ​ര്‍കോ​ട് ജി​ല്ല​ക​ളി​ൽ പ​തി​വാ​യി വ​രു​ന്ന​വ​രാ​ണ് ഇ​വ​ര്‍. രാ​ത്രി​യി​ല്‍ മ​ത്സ്യ​വു​മാ​യി വ​രു​ന്ന​തി​നി​ട​യി​ല്‍ വീ​ടു​ക​ളും ക​ട​ക​ളും ക​ണ്ടു​വെ​ക്കും. പു​ല​ര്‍ച്ച ക​വ​ര്‍ച്ച ന​ട​ത്തി നാ​ട്ടി​ലേ​ക്ക് ര​ക്ഷ​പ്പെ​ടു​ക​യാ​ണ് പ​തി​വ്. കു​മ്പ​ള​യി​ലും ക​ർ​ണാ​ട​ക​യി​ലെ പ​ല സ്ഥ​ല​ത്തും ഇ​വ​ര്‍ ക​വ​ര്‍ച്ച ന​ട​ത്തി​യ​താ​യി തെ​ളി​ഞ്ഞി​ട്ടു​ണ്ട്. എ.​എ​സ്.​ഐ ല​ക്ഷ്മ​ണ​ന്‍, സീ​നി​യ​ര്‍ സി.​പി.​ഒ​മാ​രാ​യ കെ.​വി. പ്ര​ഭാ​ക​ര​ന്‍, കെ.​ജെ. ജ​യ​ദേ​വ​ന്‍, ഷം​സാ​ദ് എ​ന്നി​വ​രും പ്ര​തി​ക​ളെ പി​ടി​കൂ​ടി​യ സം​ഘ​ത്തി​ലു​ണ്ടാ​യി​രു​ന്നു.