മൂന്നു മാസംകൊണ്ട് ഉൽപാദന ലക്ഷ്യം കൈവരിച്ചു; ബാരാപോൾ ചരിത്രനേട്ടത്തിനരികിൽ

ഇ​രി​ട്ടി: ബാ​രാ​പോ​ൾ മി​നി ജ​ല​വൈ​ദ്യു​ത പ​ദ്ധ​തി ച​രി​ത്ര നേ​ട്ട​ത്തി​ന​രി​കി​ലേ​ക്ക്. ഒ​രു ക​ല​ണ്ട​ർ വ​ർ​ഷ​ത്തി​ൽ ല​ക്ഷ്യ​മി​ട്ട ഉ​ൽ​പാ​ദ​നം മൂ​ന്ന് മാ​സം കൊ​ണ്ട് കൈ​വ​രി​ച്ചാ​ണ് 50 ദ​ശ​ല​ക്ഷം യൂ​നി​റ്റ് എ​ന്ന നേ​ട്ട​ത്തി​ലേ​ക്ക് ബാ​രാ​പോ​ൾ കു​തി​ക്കു​ന്ന​ത്.

36 ദ​ശ​ല​ക്ഷം യൂ​നി​റ്റാ​ണ് പ​ദ്ധ​തി​യി​ൽ നി​ന്നു​ള്ള പ്ര​തി​വ​ർ​ഷ ഉ​ൽ​പാ​ദ​ന ല​ക്ഷ്യം. ഇ​ത് മൂ​ന്ന് മാ​സം​കൊ​ണ്ട് കൈ​വ​രി​ക്കാ​ൻ ക​ഴി​ഞ്ഞ​താ​ണ് പ​ദ്ധ​തി​യെ മി​ക​ച്ച നേ​ട്ട​ത്തി​ലേ​ക്ക് അ​ടു​പ്പി​ക്കു​ന്ന​ത്. ക​ഴി​ഞ്ഞ വ​ർ​ഷം ഉ​ൽ​പാ​ദ​ന ല​ക്ഷ്യം കൈ​വ​രി​ക്കാ​ൻ ക​ഴി​ഞ്ഞി​രു​ന്നി​ല്ല.

ക​നാ​ലി​ലെ ചോ​ർ​ച്ച​യും തു​ലാ​വ​ർ​ഷ​ത്തി​ൽ ഉ​ണ്ടാ​യ കു​റ​വും തി​രി​ച്ച​ടി​യാ​യി. ക​ഴി​ഞ്ഞ വ​ർ​ഷം 35.07 ദ​ശ ല​ക്ഷം യൂ​നി​റ്റ് മാ​ത്ര​മാ​ണ് ആ​റു​മാ​സം​കൊ​ണ്ട് ഉ​ൽ​പാ​ദി​പ്പി​ക്കാ​ൻ ക​ഴി​ഞ്ഞി​രു​ന്നു​ള്ളു.

2022ൽ 43.27 ​ദ​ശ​ല​ക്ഷം യൂ​നി​റ്റും ഉ​ൽ​പാ​ദി​പ്പി​ച്ചി​രു​ന്നു. പ​ദ്ധ​തി 2016 ൽ ​ക​മീ​ഷ​ൻ ചെ​യ്തശേ​ഷം മി​ക​ച്ച ഉ​ൽ​പാ​ദ​നം ഉ​ണ്ടാ​യ​ത് 2021-22 കാ​ല​ഘ​ട്ട​ത്തി​ലാ​ണ്. ഇ​ക്കാ​ല​ത്ത് 49.83 ദ​ശ​ല​ക്ഷം യൂ​നി​റ്റ് ഉ​ൽ​പാ​ദി​പ്പി​ച്ച് സം​സ്ഥാ​ന​ത്തെ മി​ക​ച്ച ചെ​റു​കി​ട ജ​ല​വൈ​ദ്യു​തി എ​ന്ന ഖ്യാ​തി നേ​ടാ​ൻ പ​ദ്ധ​തി​ക്കാ​യി. ഇ​ക്കു​റി 50 ദ​ശ ല​ക്ഷം യൂ​നി​റ്റ് എ​ന്ന ച​രി​ത്രനേ​ട്ടം കൈ​വ​രി​ക്കാ​നാ​കു​മെ​ന്ന വി​ശ്വാ​സ​ത്തി​ലാ​ണ് കെ.​എ​സ്.​ഇ.​ബി. ര​ണ്ട് ജ​ന​റേ​റ്റ​റു​ക​ളും 24 മ​ണി​ക്കൂ​റും പ്ര​വ​ർ​ത്തി​പ്പി​ക്കാ​നു​ള്ള വെ​ള്ള​വും ബാ​രാ​പോ​ൾ പു​ഴ​യി​ലു​ണ്ടെ​ന്ന് എ​ക്‌​സി​ക്യൂ​ട്ടി​വ് എ​ൻ​ജി​നീ​യ​ർ പി.​എ​സ്. യ​ദു​ലാ​ൽ പ​റ​ഞ്ഞു.

ജൂ​ൺ ആ​വ​സാ​ന വാ​ര​മാ​ണ് ഉ​ൽ​പാ​ദ​നം തു​ട​ങ്ങി​യ​ത്. ഇ​നി നാ​ലു​മാ​സ​മെ​ങ്കി​ലും ജ​ന​റേ​റ്റ​ർ പ്ര​വ​ർ​ത്തി​പ്പി​ക്കാ​നു​ള്ള നീ​രൊ​ഴു​ക്ക് പ്ര​തീ​ക്ഷി​ക്കു​ന്ന​താ​യും അ​ദ്ദേ​ഹം പ​റ​ഞ്ഞു. അ​ഞ്ച് മെ​ഗാ​വാ​ട്ടി​ന്റെ മൂ​ന്ന് ജ​ന​റേ​റ്റ​റും 24 മ​ണി​ക്കൂ​റും മി​ക്ക​ദി​വ​സ​ങ്ങ​ളി​ലും പ്ര​വ​ർ​ത്തി​പ്പി​ക്കാ​ൻ ക​ഴി​ഞ്ഞ​താ​ണ് ഉ​ൽ​പാ​ദ​ന ല​ക്ഷ്യം മൂ​ന്നുമാ​സം​കൊ​ണ്ട് മ​റി​ക​ട​ക്ക​നാ​യ​ത്.