കൂട്ടുപുഴയിൽ മയക്കുമരുന്ന് വേട്ട; മാട്ടൂൽ സ്വദേശി പിടിയിൽ
text_fieldsകൂട്ടുപുഴയിൽ മയക്കുമരുന്നുമായി പിടിയിലായ പി.പി. അഹമ്മദ് അലി ഉദ്യോഗസ്ഥരോടൊപ്പം
ഇരിട്ടി: മാരുതി ആൾട്ടോ കാറിൽ കടത്തുകയായിരുന്ന 32.5 ഗ്രാം മെത്താംഫിറ്റമിനുമായി കൂട്ടുപുഴ എക്സൈസ് ചെക്ക്പോസ്റ്റിൽ യുവാവ് പിടിയിലായി. മാട്ടൂൽ സ്വദേശി പി.പി. അഹമ്മദ് അലിയെയാണ് എക്സൈസ് ഇൻസ്പെക്ടർ പി.കെ. മുഹമ്മദ് ഷെഫീഖും സംഘവും വാഹന പരിശോധനയിൽ പിടികൂടിയത്. കാറും കസ്റ്റഡിയിലെടുത്തു.
കഴിഞ്ഞദിവസം ജീവനക്കാരനെ ഇടിച്ചുതെറിപ്പിച്ചുപോയ കാറിൽനിന്ന് 680ഗ്രാം എം.ഡി.എം.എ കണ്ടെടുത്തു കേസെടുത്തിരുന്നു. സംസ്ഥാന അതിർത്തിയായ കൂട്ടുപുഴയിൽ ഒരുമാസത്തിനകം 20ഓളം മയക്കുമരുന്ന് കേസുകളാണ് റിപ്പോർട്ട് ചെയ്യപ്പെട്ടത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.