മന്ത്രി വന്നിട്ടും പരിഹാരമായില്; ശാപമോക്ഷം തേടി ഇരിട്ടി താലൂക്കാശുപത്രി പ്രസവ വാർഡ്

ഇ​രി​ട്ടി: ഏ​റെക്കാകാ​ല​ത്തെ മു​റ​വി​ളി​ക്കു​ശേ​ഷം ഇ​രി​ട്ടി താ​ലൂ​ക്കാ​ശു​പ​ത്രി​യി​ൽ അ​നു​വ​ദി​ച്ച പ്ര​സ​വ​വാ​ർ​ഡ് ശാ​പ​മോ​ക്ഷം കാ​ത്ത് ക​ഴി​യു​ന്നു. എ​ല്ലാ സൗ​ക​ര്യ​ങ്ങ​ളോ​ടും കൂ​ടി​യ പു​തി​യ ബ്ലോ​ക്ക് ഇ​തി​നാ​യി നി​ർ​മി​ച്ചെ​ങ്കി​ലും ഇ​തു​വ​രെ​യും പ്ര​വ​ർ​ത്ത​നം ആ​രം​ഭി​ച്ചി​ട്ടി​ല്ല. ഇ​തി​നി​ട​യി​ൽ ര​ണ്ട​ര​മാ​സം മു​മ്പ് ആ​ർ​ദ്രം ആ​രോ​ഗ്യം പ​ദ്ധ​തി​യു​ടെ ഭാ​ഗ​മാ​യി താ​ലൂ​ക്കാ​ശു​പ​ത്രി​യി​ൽ ആ​രോ​ഗ്യ​മ​ന്ത്രി വീ​ണ​ ജോ​ർ​ജ് സ​ന്ദ​ർ​ശ​നം ന​ട​ത്തി​യി​രു​ന്നു. സൗ​ക​ര്യ​ങ്ങ​ളെ​ല്ലാം നോ​ക്കിക്ക​ണ്ട മ​ന്ത്രി മാ​തൃ- ശി​ശു വാ​ർ​ഡ് ഉ​ട​ൻ പ്ര​വ​ർ​ത്ത​ന സ​ജ്ജ​മാ​ക്കു​മെ​ന്ന് ഉ​റ​പ്പും ന​ൽ​കി. എ​ന്നാ​ൽ, ഇ​തു​വ​രെ ഒ​രു ന​ട​പ​ടി​യും ഉ​ണ്ടാ​യി​ട്ടി​ല്ല.

ദേ​ശീ​യ ആ​രോ​ഗ്യ ദൗ​ത്യം പ​ദ്ധ​തി​യി​ൽ ഉ​ൾ​പ്പെ​ടു​ത്തി 3.19 കോ​ടി രൂ​പ ചെ​ല​വി​ൽ ആ​റു​വ​ർ​ഷം മു​മ്പ് ഉ​ദ്ഘാ​ട​നം ന​ട​ത്തി​യ കെ​ട്ടി​ടം ഇ​പ്പോ​ഴും അ​ട​ഞ്ഞു കി​ട​ക്കു​ക​യാ​ണ്. മ​ന്ത്രി​യു​ടെ പ്ര​സ്താ​വ​ന​യി​ൽ പ്ര​തീ​ക്ഷ​വെ​ച്ച് ആ​ശു​പ​ത്രി അ​ധി​കൃ​ത​ർ ന​ൽ​കി​യ വ​ലി​യ അ​പേ​ക്ഷ​യും ഡി.​എം.​ഒ ഓ​ഫിസി​ൽ പൊ​ടി​പി​ടി​ച്ച് കി​ട​ക്കു​ന്നു​ണ്ട്. അ​ന​സ്‌​തെ​റ്റി​സ്റ്റ് ത​സ്തി​ക ഒ​ഴി​ഞ്ഞു കി​ട​ക്കു​ന്ന​തി​നാ​ലാ​ണ് ആ​ശു​പ​ത്രി​യി​ൽ പ്ര​സ​വ ശ​സ്ത്ര​ക്രി​യ വി​ഭാ​ഗം പ്ര​വ​ർ​ത്തി​പ്പി​ക്കാ​ൻ ക​ഴി​യാ​തി​രി​ക്കു​ന്ന​ത്.

നി​ല​വി​ൽ താ​ൽ​ക്കാ​ലി​ക നി​യ​മ​നം ന​ട​ത്താ​ൻ ജി​ല്ല​ത​ല​ത്തി​ൽ ക്ര​മീ​ക​ര​ണം ഉ​ണ്ടാ​ക്കാ​ൻ പ​റ്റു​മോ​യെ​ന്ന് പ​രി​ശോ​ധി​ക്കാ​ൻ മ​ന്ത്രി കൂ​ടെയുണ്ടാ​യി​രു​ന്ന ഹെ​ൽ​ത്ത് ഡ​യ​റ​ക്ട​ർ​ക്കും ജി​ല്ല മെ​ഡി​ക്ക​ൽ ഓ​ഫി​സ​ർ​ക്കും നി​ർ​ദേ​ശം ന​ൽ​കി​യി​രു​ന്നു. ഇ​തി​ന്റെ അ​ടി​സ്ഥാ​ന​ത്തി​ൽ താ​ലൂ​ക്കാ​ശു​പ​ത്രി ന​ൽ​കി​യ അ​പേ​ക്ഷ​യി​ൽ ര​ണ്ട് മാ​സം ക​ഴി​ഞ്ഞി​ട്ടും ഒ​രു ന​ട​പ​ടി​യും ഉ​ണ്ടാ​യി​ട്ടി​ല്ല.

2017 ആ​ഗ​സ്റ്റ് 28ന് ​അ​ന്ന​ത്തെ ആ​രോ​ഗ്യ​മ​ന്ത്രി കെ.​കെ ശൈ​ല​ജ​യാ​ണ് മാ​തൃ ശി​ശു​വാ​ർ​ഡ് ഉ​ദ്ഘാ​ട​നം ചെ​യ്ത​ത്. ആ​റു​മാ​സ​ത്തി​നു​ള്ളി​ൽ പ്ര​സ​വ ചി​കി​ത്സ ആ​ശു​പ​ത്രി​യി​ൽ യാ​ഥാ​ർ​ഥ്യ​മാ​വു​മെ​ന്നാ​യി​രു​ന്നു മ​ന്ത്രി​യു​ടെ ഉ​ദ്ഘാ​ട​ന പ്ര​സം​ഗം. പ്ര​സ​വ ശ​സ്ത്ര​ക്രി​യ വി​ഭാ​ഗ​ത്തി​നാ​യി വാ​ങ്ങി​യ ല​ക്ഷ​ങ്ങ​ളു​ടെ ഉ​പ​ക​ര​ണ​ങ്ങ​ളും മ​റ്റ് സം​വി​ധാ​ന​ങ്ങ​ളും ഉ​പ​യോ​ഗി​ക്കാ​ത്ത​തി​നാ​ൽ തു​രു​മ്പെ​ടു​ത്തും പൊ​ടി​യും മാ​റാ​ല​യും പി​ടി​ച്ച് ന​ശി​ക്കു​ക​യാ​ണ്. ഗൈ​ന​ക്കോ​ള​ജി വി​ഭാ​ഗ​ത്തി​ൽ ര​ണ്ട് ഡോ​ക്ട​ർ​മാ​രു​ടെ സേ​വ​നം ആ​ശു​പ​ത്രി​യി​ൽ ല​ഭ്യ​മാ​കു​ന്നു​ണ്ട്. പ്ര​സ​വ ചി​കി​ത്സ വി​ഭാ​ഗം ആ​രം​ഭി​ക്കു​മ്പോ​ൾ ര​ണ്ട് ഡോ​ക്ട​റു​ടെ സേ​വ​നം കൂ​ടി ഉ​റ​പ്പു വ​രു​ത്ത​ണം.

കൂ​ടാ​തെ കു​ട്ടി​ക​ളു​ടെ വി​ഭാ​ഗ​വും ആ​രം​ഭി​ക്ക​ണം. ഇ​തി​നു​ള്ള ശ്ര​മ​ങ്ങ​ളും ഫ​ലം കാ​ണു​ന്നി​ല്ല. ആ​ശു​പ​ത്രി​യു​ടെ ഒ.​പി വാ​ർ​ഡി​ന്റെ ഒ​ന്നാം നി​ല​യിലാ​ണ് മാ​തൃ​ശി​ശു വാ​ർ​ഡി​നാ​യു​ള്ള സൗ​ക​ര്യം ഒ​രു​ക്കി​യ​ത്. ഇ​വി​ടേ​ക്കു​ള്ള ഗേ​റ്റ് പൂ​ട്ടി​യി​ട്ടി​രി​ക്കു​ക​യാ​ണ്. ദി​നംപ്ര​തി 300നും 500​നും ഇ​ട​യി​ൽ രോ​ഗി​ക​ൾ എ​ത്തു​ന്ന ആ​ശു​പ​ത്രി​യു​ടെ അ​വ​സ്ഥ ദ​യ​നീ​യ​മാ​ണ്.