ഉരുൾപൊട്ടി, കരകവിഞ്ഞ് പുഴകൾ

ഇ​രി​ട്ടി: ക​ർ​ണാ​ട​ക വ​ന​ത്തി​ൽ ഉ​രു​ൾ​പൊ​ട്ടി​യ​തി​നെ തു​ട​ർ​ന്ന് മ​ണി​ക്ക​ട​വ്, നു​ച്യാ​ട് പു​ഴ​ക​ൾ ക​ര​ക​വി​ഞ്ഞു. മ​ണി​ക്ക​ട​വ് ച​പ്പാ​ത്ത് പാ​ല​വും വ​ട്ട്യാം​തോ​ട്, വ​യ​ത്തൂ​ർ പാ​ല​ങ്ങ​ളും വെ​ള്ള​ത്തി​ന​ടി​യി​ലാ​യി. ബാ​വ​ലി​പ്പു​ഴ ക​ര​ക​വി​ഞ്ഞൊ​ഴു​കി പാ​ല​പ്പു​ഴ പാ​ല​വും വെ​ള്ള​ത്തി​ന​ടി​യി​ലാ​യി. തു​ട​ർ​ന്നു ആ​റ​ളം ഫാം-​പാ​ല​പ്പു​ഴ റൂ​ട്ടി​ൽ ഗ​താ​ഗ​തം നി​ല​ച്ചു. ഫാ​മും ആ​റ​ളം വ​ന്യ​ജീ​വി സ​ങ്കേ​ത​വും ഒ​റ്റ​പ്പെ​ട്ടു. ചേം​തോ​ട് പാ​ലം സ​മാ​ന്ത​ര പാ​ത​ക്ക് മു​ക​ളി​ലൂ​ടെ വെ​ള്ളം ഒ​ഴു​കി​യ​തി​നെ​ത്തു​ട​ർ​ന്നു ആ​റ​ളം-​മ​ണ​ത്ത​ണ മ​ല​യോ​ര ഹൈ​വേ​യി​ലും ഗ​താ​ഗ​തം ത​ട​സ​പ്പെ​ട്ടു.

തോ​ട് ക​ര​ക​വി​ഞ്ഞ് വെ​ള്ളം ക​യ​റി​യ​തി​നാ​ൽ ഉ​ളി​യി​ൽ ഗ​വ. യു.​പി സ്‌​കൂ​ളി​ന് ഇ​ന്ന​ലെ അ​വ​ധി ന​ൽ​കി. വ​ട്ട​ക്ക​യം പാ​ല​വും വെ​ള്ള​ത്തി​ന​ടി​യി​ലാ​യി. ബാ​രാ​പ്പു​ഴ​യി​ലും ജ​ല​നി​ര​പ്പ് ഉ​യ​ർ​ന്നി​ട്ടു​ണ്ട്. പേ​ര​ട്ട​യി​ൽ മ​രം ക​ട​പു​ഴ​കി ജൂ​മാ​മ​ജ്‌​സി​ദി​നു മു​ക​ളി​ലേ​ക്കു വൈ​ദ്യു​തി തൂ​ണു​ക​ൾ മ​റി​ഞ്ഞു​വീ​ണു. അ​ഞ്ച് വൈ​ദ്യു​തി തൂ​ണു​ക​ളാ​ണ് നി​ലം​പൊ​ത്തി​യ​ത്.

പേ​ര​ട്ട-​മ​ട്ടി​ണി റോ​ഡി​ൽ ഗ​താ​ഗ​തം നി​ല​ച്ചു. ആ​റ​ളം ഒ​ടാ​ക്ക​ലി​ൽ ബാ​ബു ത​റ​പ്പേ​ലി​ന്റെ വീ​ടി​ന് മു​ക​ളി​ലേ​ക്ക് മ​രം വീ​ണു. സം​ഭ​വ​സ്ഥ​ലം പ​ഞ്ചാ​യ​ത്ത് പ്ര​സി​ഡ​ന്റ് കെ.​പി. രാ​ജേ​ഷ്, ഇ​രി​ട്ടി ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്റ് കെ. ​വേ​ലാ​യു​ധ​ൻ, വാ​ർ​ഡ് മെം​ബ​ർ ജെ​സ്സി ഉ​മ്മി​കു​ഴി എ​ന്നി​വ​ർ സ​ന്ദ​ർ​ശി​ച്ചു.

അം​ഗ​ൻ​വാ​ടി​യു​ടെ മ​തി​ൽ ഇ​ടി​ഞ്ഞു

അ​യ്യ​ൻ​കു​ന്നി​ൽ ച​ര​ൾ അം​ഗ​ൻ​വാ​ടി​യു​ടെ മ​തി​ൽ ഇ​ടി​ഞ്ഞു. ര​ണ്ടാം​ക​ട​വ് വാ​ള​ത്തോ​ട് പ​ഴ​നി​ല​ത്ത് ബി​നീ​ഷി​ന്റെ വീ​ട് പി​റ​കു​വ​ശം ഇ​ടി​ഞ്ഞു അ​പ​ക​ട​ത്തി​ലാ​യി. പാ​യ​ത്തും നാ​ശ​ന​ഷ്ടം ഉ​ണ്ടാ​യി. ഉ​ളി​ക്ക​ൽ പ​ഞ്ചാ​യ​ത്ത് അം​ഗം ബി​ജു വെ​ങ്ങ​ന​പ്പ​ള്ളി​യു​ടെ വീ​ട്ടു​മ​തി​ൽ ത​ക​ർ​ന്നു. പ​ടി​യൂ​ർ പു​ലി​ക്കാ​ട് മ​ണി​യാ​ലി​ൽ രാ​ജ​ന്റെ വീ​ടി​നു പി​റ​കി​ലെ മ​തി​ൽ ഇ​ടി​ഞ്ഞു വൈ​ദ്യു​തി തൂ​ൺ അ​പ​ക​ട​ത്തി​ലാ​യി. വീ​ട് ഭീ​ഷ​ണി​യി​ലാ​ണ്. ഇ​രി​ട്ടി ഐ.​ബി​ക്കു സ​മീ​പം കോ​ൺ​ക്രീ​റ്റ് റോ​ഡി​ന്റെ സം​ര​ക്ഷ​ണ ഭി​ത്തി മൂ​ന്ന് മീ​റ്റ​ർ ഉ​യ​ര​ത്തി​ലും മൂ​ന്ന് മീ​റ്റ​ർ വീ​തി​യി​ലും ഇ​ടി​ഞ്ഞു. അ​ടി​വ​ശ​ത്ത് മ​ണ്ണ് ഇ​ടി​ഞ്ഞു​പോ​യ നി​ല​യി​ൽ റോ​ഡ് അ​പ​ക​ട​ത്തി​ലാ​ണ്.

ഉ​ളി​യി​ൽ മേ​ഖ​ല​യി​ൽ താ​ഴ്ന്ന പ്ര​ദേ​ശ​ങ്ങ​ളി​ൽ വെ​ള്ളം ക​യ​റി. ഉ​ളി​യി​ൽ-​പാ​ച്ചി​ലാ​ളം, ഉ​ളി​യി​ൽ-​മു​ല്ലേ​രി​ക്ക​ണ്ടി-​ക​ല്ലേ​രി​ക്ക​ൽ റോ​ഡു​ക​ൾ വെ​ള്ള​ത്തി​ന​ടി​യി​ലാ​ണ്. പാ​ച്ചി​ലാ​ളം റോ​ഡ് മ​ണ്ണി​ടി​ച്ചി​ൽ മൂ​ലം വ​ൻ അ​പ​ക​ട ഭീ​ഷ​ണി​യി​ലാ​ണ്. തോ​ട് ക​ട​ന്നു​പോ​കു​ന്ന സ​മീ​പ​ത്തെ പ​റ​മ്പു​ക​ളി​ലെ​ല്ലാം വെ​ള്ളം ക​യ​റി കൃ​ഷി​നാ​ശ​മു​ണ്ടാ​യി. കു​ന്നി​ൻ​കീ​ഴി​ൽ-​അ​ത്ത​പു​ഞ്ച റോ​ഡ്, പാ​ല​ത്തി​ന് സ​മീ​പം പൂ​ർ​ണ​മാ​യും വെ​ള്ള​ത്തി​ലാ​യി. ഈ ​ഭാ​ഗ​ത്ത് വ​യ​ൽ മു​ഴു​വ​ൻ വെ​ള്ള​ത്തി​ന​ടി​യി​ലാ​ണ്. കൃ​ഷി​യും നാ​ശ​ത്തി​ലാ​ണ്.

തോ​ട് ക​ര​ക​വി​ഞ്ഞു വെ​ള്ളം മൈ​താ​ന​ത്തേ​ക്കു പ്ര​വേ​ശി​ച്ചു. ഉ​ളി​യി​ൽ ഗ​വ. യു.​പി സ്‌​കൂ​ളി​ന് ഇ​ന്ന​ലെ അ​വ​ധി ന​ൽ​കി. കാ​ലാ​ങ്കി​യി​ൽ ഓ​ര​ത്തേ​ൽ ജോ​ർ​ജി​ന്റെ വീ​ടി​നു മു​ക​ളി​ൽ മ​രം വീ​ണു കേ​ടു​പാ​ട് സം​ഭ​വി​ച്ചു. കാ​ലാ​ങ്കി പ​ഴ​യ പ​ള്ളി ഗ്രൗ​ണ്ടി​ൽ പ​ണി​ത ‌സ്റ്റേ​ജി​ന്റെ ഒ​രു ഭാ​ഗ​വും മ​തി​ൽ​ക്കെ​ട്ടും 15 മീ​റ്റ​റോ​ളം ഇ​ടി​ഞ്ഞു. മൂ​ന്ന് മീ​റ്റ​ർ ഉ​യ​ര​ത്തി​ലു​ള്ള കെ​ട്ടാ​ണു ഇ​ടി​ഞ്ഞ​ത്. ആ​റ​ളം ചെ​ടി​ക്കു​ളം സ്വ​ദേ​ശി പെ​രു​ന്ത​യി​ൽ മ​റി​യം-​ശാ​കി​റ എ​ന്നി​വ​രു​ടെ വീ​ടി​നു മു​ക​ളി​ലേ​ക്ക് ക​ന​ത്ത മ​ഴ​യി​ൽ തെ​ങ്ങ് ക​ട​പു​ഴ​കി. വീ​ടി​ന് കേ​ടു​പാ​ട് സം​ഭ​വി​ച്ചു.

വീടിന്റെ ചുറ്റുമതിൽ തകർന്നു

പ​ഴ​യ​ങ്ങാ​ടി: ക​ന​ത്ത മ​ഴ​യി​ൽ വീ​ടി​ന്റെ ചു​റ്റു​മ​തി​ൽ ഇ​ടി​ഞ്ഞ് ത​ക​ർ​ന്നു. വെ​ങ്ങ​ര ശാ​സ്താം ന​ഗ​റി​ലെ എം.​വി. ശ്യാ​മ​ള​യു​ടെ വീ​ടി​ന്റെ ചു​റ്റു​മ​തി​ലാ​ണ് ത​ക​ർ​ന്ന്. മ​തി​ലി​ന്റെ ത​ക​ർ​ച്ച​യി​ൽ സ​മീ​പ​ത്തെ വൈ​ദ്യു​തി തു​ണി​നും കേ​ടു​പ​റ്റി. മ​തി​ലി​ടി​ഞ്ഞ​ത് വീ​ടി​ന്റെ നി​ല​നി​ൽ​പി​ന് ഭീ​ഷ​ണി​യു​യ​ർ​ത്തി​യി​ട്ടു​ണ്ട്. മാ​ടാ​യി പ​ഞ്ചാ​യ​ത്ത്, വി​ല്ലേ​ജ് അ​ധി​കൃ​ത​ർ സ്ഥ​ലം സ​ന്ദ​ർ​ശി​ച്ചു.

പാലത്തിൽ വെള്ളം കയറി

ശ്രീ​ക​ണ്ഠ​പു​രം: മ​ഴ തി​മി​ർ​ത്തു പെ​യ്ത​തോ​ടെ വീ​ണ്ടും വെ​ള്ള​പ്പൊ​ക്ക ഭീ​തി​യി​ൽ മ​ല​യോ​രം. ശ്രീ​ക​ണ്ഠ​പു​രം, പൊ​ടി​ക്ക​ളം, ചെ​ങ്ങ​ളാ​യി, മു​ങ്ങം, കൊ​വ്വ​പ്പു​റം, തേ​ർ​ളാ​യി, മ​ല​പ്പ​ട്ടം തു​ട​ങ്ങി​യ സ്ഥ​ല​ങ്ങ​ളി​ലെ താ​ഴ്ന്ന പ്ര​ദേ​ശ​ങ്ങ​ളെ​ല്ലാം വെ​ള്ള​ത്തി​ലാ​ണ്. പ​യ്യാ​വൂ​ര്‍-​ഏ​രു​വേ​ശ്ശി പ​ഞ്ചാ​യ​ത്തു​ക​ളെ ബ​ന്ധി​പ്പി​ക്കു​ന്ന വ​ണ്ണാ​യി​ക്ക​ട​വ് പാ​ല​ത്തി​ൽ വെ​ള്ളം ക​യ​റി.

പ​തി​വാ​യി വെ​ള്ളം ക​യ​റാ​റു​ള്ള ഈ ​പാ​ല​ത്തി​ൽ ക​ഴി​ഞ്ഞ വ​ർ​ഷം മേ​യി​ലാ​ണ് ജി​ല്ല പ​ഞ്ചാ​യ​ത്ത് എ​ട്ട് ല​ക്ഷം രൂ​പ ചെ​ല​വി​ൽ പു​തു​താ​യി കൈ​വ​രി​ക​ൾ സ്ഥാ​പി​ച്ച​ത്. ഇ​ത് ക​ഴി​ഞ്ഞ വ​ർ​ഷം​ത​ന്നെ മ​ല​വെ​ള്ള​പാ​ച്ചി​ലി​ൽ ത​ക​ർ​ന്നി​രു​ന്നു. വെ​ള്ളം​ക​യ​റി അ​പ​ക​ടാ​വ​സ്ഥ​യി​ലാ​യ​തോ​ടെ ഇ​തു​വ​ഴി​യു​ള്ള ഗ​താ​ഗ​തം നി​രോ​ധി​ച്ചു.

ക​ന​ത്ത മ​ഴ​യി​ൽ ചാ​മ​ക്കാ​ൽ ശ്രീ​നാ​രാ​യ​ണ യു.​പി. സ്കൂ​ളി​ന്റെ ചു​റ്റു​മ​തി​ൽ ത​ക​ർ​ന്നു. അ​ഞ്ച് മീ​റ്റ​റോ​ളം നീ​ള​ത്തി​ലാ​ണ് മ​തി​ൽ ത​ക​ർ​ന്ന​ത്. മ​ല​പ്പ​ട്ട​ത്ത് സ​ർ​ക്കാ​ർ ചെ​ല​വി​ൽ നി​ർ​മി​ച്ച് ഉ​ദ്ഘാ​ട​നം വൈ​കി​യ മു​ന​മ്പ് ക​ട​വി​ലെ പാ​ർ​ക്കും കെ​ട്ടി​ട​വും വെ​ള്ള​ത്തി​ന​ടി​യി​ലാ​യി. ചെ​ങ്ങ​ളാ​യി മു​ക്കാ​ടം വ​യ​ലി​ൽ വെ​ള്ളം​ക​യ​റി നെ​ൽ​കൃ​ഷി​യ​ട​ക്കം ന​ശി​ച്ചു. വ​ള​ക്കൈ-​ചു​ഴ​ലി റോ​ഡി​ൽ എ​ട​യ​ന്നൂ​രി​ൽ റോ​ഡി​ലേ​ക്ക് കു​ന്നി​ടി​ഞ്ഞ് ഗ​താ​ഗ​തം ഏ​റെ​നേ​രം ത​ട​സ്സ​പ്പെ​ട്ടു.

മലയോരത്ത് വ്യാപക നാശനഷ്ടം

കേളകം: കനത്ത കാറ്റിലും മഴയിലും മലയോരത്തെ വിവിധയിടങ്ങളില്‍ കനത്ത നാശം ഉണ്ടായി. കെട്ടിടങ്ങള്‍ക്ക് കേടുപാടുകള്‍ സംഭവിക്കുകയും കാര്‍ഷിക വിളകള്‍ നശിക്കുകയും ചെയ്തു. വെളളൂന്നി സ്വദേശികളായ തങ്കച്ചന്‍, ഷാജി എന്നിവരുടെ കൃഷി നശിച്ചു. കശുമാവ്, റബര്‍ എന്നിവയാണ് നശിച്ചത്. മണ്ണിടിച്ചിൽ ഭീഷണിയെ തുടർന്ന് കൊട്ടിയൂർ അമ്പായത്തോട്-പാൽചുരം റോഡിൽ ഭാരവാഹന ഗതാഗത നിയന്ത്രണവും രാത്രി യാത്ര നിരോധനവും ഏർപ്പെടുത്തി. കൊട്ടിയൂർ അമ്പായത്തോട്, പേരാവൂർ, മടപ്പുരച്ചാൽ, പൊയ്യമല മേഖലകളിൽ നിരവധി വീട്ടുമതിലുകൾ ഇടിഞ്ഞുവീണു. നിരവധി സ്ഥലങ്ങളിൽ മരം വീണ് ഗതാഗതതടസ്സമുണ്ടായി.

നിലക്കാത്ത മഴയിൽ വിറങ്ങലിച്ച അവസ്ഥയിലാണ് മലയോര മേഖല. പേരാവൂർ, കൊട്ടിയൂർ, കേളകം, പഞ്ചായത്തുകളിലെ നിരവധി മേഖലകളിലാണ് മണ്ണിടിച്ചിൽ ഉണ്ടായത്. കേളകം സാൻ ജോസ് പള്ളിക്ക് സമീപവും വെണ്ടക്കുംചാൽ റിസോർട്ടിന് സമീപവും കരിയം കാപ്പ് റോഡിലും മരം കടപുഴകി ഗതാഗത തടസ്സം ഉണ്ടായി. പേരാവൂർ മടപ്പുരച്ചാലിൽ ചിരട്ടവേലിയിൽ സജി വർഗീസിന്റെ വീട്ടുമതിൽ ഇടിഞ്ഞ് കിണറിലേക്ക് വീണു. കിണറിലെ മോട്ടറും പൈപ്പും സമീപത്തെ സാധനസാമഗ്രികളും നശിച്ചു. വീട്ടുമതിൽ പൂർണമായും ഇടിഞ്ഞ് വീട്ടുമുറ്റത്തെ കിണറിലേക്ക് പതിക്കുകയായിരുന്നു.

റോഡ് ഇടിഞ്ഞ് പുഴയിൽ പതിച്ചു

മ​ട്ട​ന്നൂ​ര്‍: നാ​യി​ക്കാ​ലി​യി​ല്‍ റോ​ഡ് ഇ​ടി​ഞ്ഞു പു​ഴ​യി​ലേ​ക്ക് പ​തി​ച്ചു. പു​ന​ര്‍നി​ര്‍മാ​ണം ന​ട​ക്കു​ന്ന ഭാ​ഗ​ത്തെ റോ​ഡ് ഇ​ടി​ഞ്ഞ​തി​നെ​ത്തു​ട​ര്‍ന്ന് വാ​ഹ​ന ഗ​താ​ഗ​തം പൂ​ർ​ണ​മാ​യും ത​ട​സ്സ​പ്പെ​ട്ടു. റോ​ഡി​നോ​ട് ചേ​ര്‍ന്ന് താ​മ​സി​ക്കു​ന്ന ഒ​രു കു​ടും​ബ​ത്തെ മാ​റ്റി​പ്പാ​ര്‍പ്പി​ച്ചു.

ആ​റ് വ​ര്‍ഷ​ങ്ങ​ള്‍ക്ക് മു​മ്പ് ഉ​ണ്ടാ​യ പ്ര​ള​യ​ത്തി​ല്‍ ത​ക​ര്‍ന്ന റോ​ഡ് പു​ന​ര്‍നി​ർ​മാ​ണം ന​ട​ക്കു​ന്ന ഭാ​ഗ​ത്താ​ണ് ബു​ധ​നാ​ഴ്ച ആ​ദ്യം മ​ണ്ണി​ടി​ച്ചി​ലു​ണ്ടാ​യ​ത്. തു​ട​ര്‍ന്ന് ഇ​തു​വ​ഴി ഭാ​ര​വാ​ഹ​ന​ങ്ങ​ള്‍ക്ക് നി​രോ​ധ​നം ഏ​ര്‍പ്പെ​ടു​ത്തി​യി​രു​ന്നു. ചെ​റു​വാ​ഹ​ന​ങ്ങ​ള്‍ മാ​ത്ര​മേ ഇ​തു​വ​ഴി ക​ട​ത്തി​വി​ട്ടി​രു​ന്നു​ള്ളു. ഇ​തി​നി​ടെ​യാ​ണ് വീ​ണ്ടും റോ​ഡ് ഇ​ടി​ഞ്ഞ​ത്. ന​ട​ന്നു​പോ​കാ​നു​ള്ള വ​ഴി മാ​ത്ര​മാ​ണ് ഇ​പ്പോ​ഴു​ള്ള​ത്.

കുറുമാത്തൂരിൽ വെള്ളം കയറി

ത​ളി​പ്പ​റ​മ്പ്: ശ​ക്ത​മാ​യ മ​ഴ​യെ തു​ട​ർ​ന്ന് കു​റു​മാ​ത്തൂ​ർ പ​ഞ്ചാ​യ​ത്തി​ലെ വി​വി​ധ പ്ര​ദേ​ശ​ങ്ങ​ളി​ൽ വെ​ള്ളം ക​യ​റി. നി​ര​വ​ധി വീ​ടു​ക​ളി​ൽ ആ​ളു​ക​ൾ ഒ​റ്റ​പ്പെ​ട്ടു. മൂ​ന്നു ദി​വ​സ​ത്തി​ലേ​റെ​യാ​യി പെ​യ്തു കൊ​ണ്ടി​രി​ക്കു​ന്ന മ​ഴ​യി​ൽ തോ​ടു​ക​ൾ നി​റ​ഞ്ഞു ക​വി​ഞ്ഞൊ​ഴു​കി​യാ​ണ് പ​ല സ്ഥ​ല​ങ്ങ​ളി​ലാ​യി വെ​ള്ളം ക​യ​റി​യ​ത്. കൃ​ഷി സ്ഥ​ല​ങ്ങ​ൾ മു​ഴു​വ​നാ​യി മു​ങ്ങി. റോ​ഡി​ലും പു​ര​യി​ട​ങ്ങ​ളി​ലും ചെ​ളി​വെ​ള്ളം ക​യ​റി. പ​ന്നി​യൂ​ർ, പൂ​മം​ഗ​ലം, ക​ണി​ച്ചാ​മ​ൽ, കു​റു​മാ​ത്തൂ​ർ ക​ട​വ്, പ​ന​ക്കാ​ട്, മു​യ്യം, വ​ട​ക്കാ​ഞ്ചേ​രി, പാ​റാ​ട് പ്ര​ദേ​ശ​ങ്ങ​ളി​ലാ​ണ് വെ​ള്ളം ക​യ​റി​യ​ത്. റോ​ഡ് വെ​ള്ള​ത്തി​ൽ മു​ങ്ങി​യ​തോ​ടെ സ്കൂ​ൾ വാ​ഹ​ന​ങ്ങ​ൾ ഉ​ൾ​പ്പെ​ടെ ഗാ​താ​ഗ​തം ത​ട​സ​പ്പെ​ട്ടു. വെ​ള്ളം ക​യ​റി​യ പ്ര​ദേ​ശ​ങ്ങ​ളി​ൽ നി​ന്ന് വി​ദ്യാ​ർ​ഥി​ക​ൾ​ക്ക് സ്കൂ​ളി​ൽ പോ​കാ​ൻ സാ​ധി​ച്ചി​ല്ല. ത​ളി​പ്പ​റ​മ്പ് ന​ഗ​ര​സ​ഭ​യി​ൽ ചി​ന്മ​യ റോ​ഡി​ൽ എം.​വി. സു​മ​തി​യു​ടെ വീ​ട്ടു മ​തി​ൽ റോ​ഡി​ലേ​ക്ക് ത​ക​ർ​ന്നു വീ​ണു. റോ​ഡി​ൽ വാ​ഹ​ന​ങ്ങ​ൾ ഇ​ല്ലാ​ത്ത​തി​നാ​ൽ വ​ലി​യ അ​പ​ക​ടം ഒ​ഴി​വാ​യി.

വയോധിക ഒഴുക്കിൽപ്പെട്ടു

പെരിങ്ങോം: എരമം കുറ്റൂരിലെ പെരുവാമ്പ പുഴയിൽ വയോധിക ഒഴുക്കിൽപ്പെട്ടെന്ന സംശയത്തെ തുടർന്ന് പെരിങ്ങോം പൊലിസും അഗ്നിരക്ഷസേനയും നാട്ടുകാരും ചേർന്ന് തെരച്ചിൽ നടത്തി. പെരുവാമ്പയിലെ കോടൂർ മാധവിയെ (68) കണ്ടെത്താനാണ് തെരച്ചിൽ നടത്തിയത്. വ്യാഴാഴ്ച വൈകീട്ട് മൂന്നോടെ അടുത്ത വീട്ടിലേക്കെന്നു പറഞ്ഞ് പോയതായിരുന്നു. തിരികെ എത്താത്തതിനെ തുടർന്ന് നടത്തിയ അന്വേഷണത്തിൽ വീടിന് സമീപത്തുള്ള പറമ്പിൽ നിന്ന് ഇവരുടെ കുട കണ്ടെത്തി. ഇതിന് സമീപത്തു കൂടിയാണ് പെരുവാമ്പ പുഴ ഒഴുകുന്നത്. രാത്രിയോടെ തെരച്ചിൽ അവസാനിപ്പിച്ചു. വെള്ളിയാഴ്ച രാവിലെ തെരച്ചിൽ തുടരാനാണ് തീരുമാനം.

മട്ടന്നൂർ-ഇരിക്കൂർ റോഡിൽ ഗതാഗതം നിരോധിച്ചു

മ​ട്ട​ന്നൂ​ർ: മ​ട്ട​ന്നൂ​ർ-​ഇ​രി​ക്കൂ​ർ റോ​ഡി​ൽ നാ​യി​ക്കാ​ലി​പ്പാ​ലം മു​ത​ലു​ള്ള 600 മീ ​ഭാ​ഗ​ത്ത് ജൂ​ലൈ 18 മു​ത​ൽ അ​റി​യി​പ്പ് ഉ​ണ്ടാ​വു​ന്ന​തു​വ​രെ വാ​ഹ​ന ഗ​താ​ഗ​തം പൂ​ർ​ണ​മാ​യും നി​രോ​ധി​ച്ചു. ഈ ​ഭാ​ഗ​ത്ത് മ​ണ്ണി​ടി​ച്ചി​ൽ മൂ​ലം അ​പ​ക​ട​ഭീ​ഷ​ണി നേ​രി​ടു​ന്ന സാ​ഹ​ച​ര്യ​ത്തി​ലാ​ണ് നി​രോ​ധ​നം. മ​ട്ട​ന്നൂ​രി​ൽ​നി​ന്ന് വ​രു​ന്ന വാ​ഹ​ന​ങ്ങ​ൾ നാ​യി​ക്കാ​ലി​പ്പാ​ലം വ​ഴി ഇ​രി​ക്കൂ​ർ ഭാ​ഗ​ത്തേ​ക്കു പോ​ക​ണം. ഇ​രി​ക്കൂ​റി​ൽ​നി​ന്ന് വ​രു​ന്ന വാ​ഹ​ന​ങ്ങ​ൾ മ​ണ്ണൂ​ർ പാ​ലം ക​ഴി​ഞ്ഞ് ഇ​ട​തു തി​രി​ഞ്ഞു മ​ട്ട​ന്നൂ​ർ ഭാ​ഗ​ത്തേ​ക്ക് പോ​ക​ണം.