ഇരിട്ടി-പേരാവൂർ കെ.എസ്.ടി.പി റോഡ് നവീകരണം; അഞ്ചു കോടിയുടെ പ്രവൃത്തിക്ക് കരാറായി

ഇ​രി​ട്ടി: നി​റ​യെ കു​ഴി​ക​ളും വെ​ള്ള​ക്കെ​ട്ടും​മൂ​ലം യാ​ത്ര ദു​ഷ്‍ക​ര​മാ​യി മാ​റി​യ ഇ​രി​ട്ടി-​പേ​രാ​വൂ​ർ റോ​ഡി​ന് ആ​ശ്വാ​സ​മാ​യി അ​ഞ്ചു​കോ​ടി​യു​ടെ പ്ര​വൃ​ത്തി​ക്ക് ക​രാ​റാ​യി. 12 കി​ലോ​മീ​റ്റ​ർ റോ​ഡി​ന്റെ ഉ​പ​രി​ത​ലം പു​തു​ക്ക​ൽ പ്ര​വൃ​ത്തി​ക്കാ​ണ് ക​രാ​റാ​യി​രി​ക്കു​ന്ന​ത്. കെ.​കെ. ബി​ൽ​ഡേ​ഴ്സാ​ണ് ക​രാ​ർ എ​ടു​ത്തി​രി​ക്കു​ന്ന​ത്. പ്ര​വൃ​ത്തി​ക്കാ​യി സൈ​റ്റ് കൈ​മാ​റ​ൽ പ്ര​ക്രി​യ മാ​ത്ര​മാ​ണ് അ​വ​ശേ​ഷി​ക്കു​ന്ന​ത്.

മ​ല​യോ​ര​ത്തെ പ്ര​ധാ​ന റോ​ഡു​ക​ളി​ലൊ​ന്നാ​യി​ട്ടും വ​ർ​ഷ​ങ്ങ​ളാ​യി അ​വ​ഗ​ണി​ക്ക​പ്പെ​ട്ടു​കി​ട​ക്കു​ക​യാ​യി​രു​ന്നു. ഗ്രാ​മീ​ണ റോ​ഡു​ക​ൾ ഉ​ൾ​പ്പെ​ടെ വീ​തി കൂ​ട്ടി ന​വീ​ക​രി​ക്ക​പ്പെ​ടു​മ്പോ​ഴും ദി​നം​പ്ര​തി ആ​യി​ര​ക്ക​ണ​ക്കി​ന് വാ​ഹ​ന​ങ്ങ​ൾ പോ​കു​ന്ന റോ​ഡ് കു​ഴി​ക​ൾ നി​റ​ഞ്ഞ​താ​യി മാ​റി. ക​ണ്ണൂ​രി​ൽ​നി​ന്ന് വ​യ​നാ​ട്ടി​ലേ​ക്കു​ള്ള പ്ര​ധാ​ന പാ​ത എ​ന്ന പ​രി​ഗ​ണ​ന​യും റോ​ഡി​ന് കി​ട്ടി​യി​ല്ല. ഇ​രി​ട്ടി താ​ലൂ​ക്കി​ലേ​ക്കു​ള്ള പ്ര​ധാ​ന റോ​ഡെ​ന്ന പ​രി​ഗ​ണ​ന കി​ട്ടു​ന്ന​തി​നാ​യി സ​ണ്ണി ജോ​സ​ഫ് എം.​എ​ൽ.​എ മു​ഖ്യ​മ​ന്ത്രി​ക്കും പൊ​തു​മാ​ര​മ​ത്ത് മ​ന്ത്രി​ക്കും നേ​രി​ട്ട് പ​രാ​തി​യും ന​ൽ​കി​യി​രു​ന്നു. ന​വ​കേ​ര​ള സ​ദ​സ്സി​ലും നി​ര​വ​ധി പ​രാ​തി​ക​ൾ ല​ഭി​ച്ചി​രു​ന്നു. പൊ​തു​മ​രാ​മ​ത്ത് മ​ന്ത്രി​ക്ക് നി​ര​വ​ധി യു​വ​ജ​ന സം​ഘ​ട​ന​ക​ളും റോ​ഡി​ന്റെ ന​വീ​ക​ര​ണം ചൂ​ണ്ടി​ക്കാ​ട്ടി നി​വേ​ദ​നം ന​ൽ​കി​യി​രു​ന്നു. ക​ഴി​ഞ്ഞ ബ​ജ​റ്റി​ൽ റോ​ഡ് ഉ​ൾ​പ്പെ​ടു​മെ​ന്ന് ക​രു​തി​യെ​ങ്കി​ലും ഉ​ണ്ടാ​യി​ല്ല.

ഇ​തി​ന് പി​ന്നാ​ലെ​യാ​ണ് ഉ​പ​രി​ത​ലം പു​തു​ക്കു​ന്ന​തി​ന് അ​ഞ്ചു കോ​ടി വ​ക​യി​രു​ത്തി​യ ഉ​ത്ത​ര​വും സാ​ങ്കേ​തി​കാ​നു​മ​തി​യും ഭ​ര​ണാ​നു​മ​തി​യും ല​ഭി​ക്കു​ന്ന​ത്. ക​ന​ത്ത മ​ഴ​യി​ൽ നെ​ടും​പൊ​യി​ൽ റോ​ഡി​ലു​ണ്ടാ​യ വി​ള്ള​ൽ കാ​ര​ണം വാ​ഹ​ന​ങ്ങ​ൾ പേ​രാ​വൂ​ർ, അ​മ്പാ​യ​ത്തോ​ട്, ബോ​യ്സ് ടൗ​ൺ റോ​ഡ് വ​ഴി​യാ​ണ് പോ​കു​ന്ന​ത്. ഇ​തോ​ടെ റോ​ഡി​ന്റെ ത​ക​ർ​ച്ച​യും രൂ​ക്ഷ​മാ​യി​ട്ടു​ണ്ട്.