മാലിന്യ കൂമ്പാരമില്ല; പായം ഇനി പാർക്കുകളുടെ പറുദീസ

ഇ​രി​ട്ടി: ജി​ല്ല​ക്ക് ത​ന്നെ അ​ഭി​മാ​ന​മാ​യി മ​ല​യോ​ര പ​ഞ്ചാ​യ​ത്താ​യ പാ​യം ഇ​നി പാ​ർ​ക്കു​ക​ളു​ടെ ഗ്രാ​മം. പൊ​തു​ജ​ന കൂ​ട്ടാ​യ്മ​യി​ലും വി​വി​ധ സം​ഘ​ട​ന​ക​ളു​ടെ സ​ഹാ​യ​ത്തോ​ടെ​യും വ​ലു​തും ചെ​റു​തു​മാ​യ ഒ​രു ഡ​സ​ൻ പാ​ർ​ക്കു​ക​ളാ​ണ് പാ​യം പ​ഞ്ചാ​യ​ത്തി​ലെ വി​വി​ധ സ്ഥ​ല​ങ്ങ​ൾ​ക്ക് മ​നോ​ഹാ​രി​ത​യേ​കു​ന്ന​ത്.

മാ​ലി​ന്യ നി​ക്ഷേ​പ കേ​ന്ദ്ര​ങ്ങ​ളാ​യി​രു​ന്ന ദു​ർ​ഗ​ന്ധം വ​മി​ക്കു​ന്ന സ്ഥ​ല​ങ്ങ​ളാ​ണ് ഇ​ന്ന് പാ​ർ​ക്കു​ക​ളാ​യി മാ​റി​യി​രി​ക്കു​ന്ന​ത് . ത​ല​ശേ​രി- മൈ​സൂ​ർ അ​ന്ത​ർ​സം​സ്ഥാ​ന പാ​ത​യി​ൽ ഇ​രി​ട്ടി മു​ത​ൽ കൂ​ട്ടു​പു​ഴ വ​രെ​യു​ള്ള പ്ര​ധാ​ന റോ​ഡ് ക​ട​ന്നു​പോ​കു​ന്ന​ത് പാ​യം പ​ഞ്ചാ​യ​ത്തി​ലൂ​ടെ​യാ​ണ്. പാ​ത​യോ​ര​ത്തെ കാ​ടു​പി​ടി​ച്ച് മാ​ലി​ന്യം നി​റ​യു​ന്ന സ്ഥ​ല​ങ്ങ​ളി​ലാ​ണ് ചെ​റി​യ പാ​ർ​ക്കു​ക​ളും വി​ശ്ര​മ സം​വി​ധാ​ന​ങ്ങ​ളും ജ​ന​കീ​യ പ​ങ്കാ​ളി​ത്ത​തോ​ടെ ഒ​രു​ക്കി​യി​രി​ക്കു​ന്ന​ത് . ജ​ന​ങ്ങ​ളി​ൽ ശു​ചി​ത്വ ബോ​ധം വ​ള​ർ​ത്തു​ന്ന​തി​നു​ള്ള ശ്ര​മ​ക​ര​മാ​യ ജോ​ലി​യാ​ണ് പ​ഞ്ചാ​യ​ത്ത് ഉ​ന്നം വെ​ക്കു​ന്ന​ത് .

പാ​യം പ​ഞ്ചാ​യ​ത്തി​ലെ 11ാമത് പാ​ർ​ക്ക് പു​ഴ​യോ​രം ഹ​രി​താ​രാ​മം ദി​വ​സ​ങ്ങ​ൾ​ക്കു മു​മ്പാ​ണ് പ​ഞ്ചാ​യ​ത്ത് ജ​ന​ങ്ങ​ൾ​ക്കാ​യി തു​റ​ന്നു​കൊ​ടു​ത്ത​ത്. ക​ല്ലു​മു​ട്ടി​യി​ൽ ത​ല​ശ്ശേ​രി വ​ള​വു​പാ​റ റോ​ഡി​ന്റെ ന​വീ​ക​ര​ണ​ത്തി​ന്റെ ഭാ​ഗ​മാ​യി കെ.​എ​സ്.​ടി.​പി നി​ർ​മി​ച്ച പാ​ർ​ക്ക് കാ​ടു​ക​യ​റി മാ​ലി​ന്യം നി​റ​ഞ്ഞ സ്ഥ​ലം വെ​ട്ടി​ത്തെ​ളി​ച്ച് ചെ​ടി​ക​ളും ഇ​രി​പ്പി​ട​ങ്ങ​ളും ഒ​രു​ക്കി​യാ​ണ് നി​ർ​മി​ച്ചി​രി​ക്കു​ന്ന​ത്. പ​ഴ​ശ്ശി പ​ദ്ധ​തി​യു​ടെ തീ​ര​ത്ത് പാ​ർ​ക്ക് ഒ​രു​ക്കു​ന്ന​തും പ​രി​പാ​ല​ന​വും ഹ​രി​ത ക​ർ​മ​സേ​ന​യാ​ണ്.

ഒരുമ റെസ്‌ക്യൂ ടീമിന്റെ വള്ളിത്തോടിൽ നിർമിച്ച പാർക്കുകളിൽ ഒന്ന്

ഇ​രി​ട്ടി പാ​ല​ത്തി​ന് സ​മീ​പം ഗ്രീ​ൻ ലീ​ഫ് നി​ർ​മി​ച്ച് പ​രി​പാ​ലി​ക്കു​ന്ന മ​നോ​ഹ​ര​മാ​യ പാ​ർ​ക്ക് പ​ഞ്ചാ​യ​ത്ത് സം​ഘ​ട​ന​ക​ളു​മാ​യി കൈ​കോ​ർ​ത്ത് പാ​ർ​ക്കു​ക​ൾ നി​ർ​മി​ക്കു​ന്ന​തി​ന് മ​റ്റൊ​രു ഉ​ദാ​ഹ​ര​ണ​മാ​ണ്. മൂ​സാ​ൻ പീ​ടി​ക​യി​ലും, കു​ന്നോ​ത്തും, ക​ച്ചേ​രി​ക​ട​വ് പാ​ല​ത്തി​ന് സ​മീ​പം എ​ൻ.​എ​സ്.​എ​സ് നി​ർ​മി​ച്ച പാ​ർ​ക്കു​ക​ൾ ഹ​രി​ത​ക​ർ​മ സേ​ന​യും ഓ​ട്ടോ തൊ​ഴി​ലാ​ളി​ക​ളും തു​ട​ങ്ങി വി​വി​ധ സം​ഘ​ട​ന​ക​ൾ ഏ​റ്റെ​ടു​ത്ത് പ​രി​പാ​ലി​ച്ചു പോ​രു​ന്നു.

വ​ള്ളി​ത്തോ​ട് കേ​ന്ദ്ര​മാ​യി പ്ര​വ​ർ​ത്തി​ക്കു​ന്ന ഒ​രു​മ റെ​സ്‌​ക്യൂ ടീം ​പാ​യം പ​ഞ്ചാ​യ​ത്തി​ലെ വ​ള്ളി​ത്തോ​ടി​ലും പ​രി​സ​ര​ങ്ങ​ളി​ലു​മാ​യി ‘ഒ​രു​മ ചി​ല്ല’ എ​ന്ന​പേ​രി​ൽ നാ​ലു പാ​ർ​ക്കു​ക​ളാ​ണ് നി​ർ​മി​ച്ചി​രി​ക്കു​ന്ന​ത്. വ​ള്ളി​ത്തോ​ട് മാ​ർ​ക്ക​റ്റി​നു​ള്ളി​ൽ ര​ണ്ടും അ​ന്ത​ർ​സം​സ്ഥാ​ന പാ​ത​യി​ൽ ഫെ​ഡ​റ​ൽ ബാ​ങ്കി​ന് സ​മീ​പ​വും എ​ഫ്.​എ​ച്ച്.​സി​ക്ക് സ​മീ​പ​വു​മാ​ണ് മ​റ്റു ര​ണ്ട്‍ പാ​ർ​ക്കു​ക​ൾ നി​ർ​മി​ച്ചി​ട്ടു​ള്ള​ത്. അ​ഞ്ചാ​മ​ത്തെ പാ​ർ​ക്കി​ന്റെ പ്ര​വൃ​ത്തി ആ​ന​പ്പ​ന്തി ക​വ​ല​ക്ക് സ​മീ​പം പൂ​ർ​ത്തി​യാ​യി വ​രു​ന്നു​ണ്ട്.

കൂ​ടാ​തെ വ​ഴി​യോ​ര​ത്ത് ഫ​ല​വൃ​ക്ഷ തൈ​ക​ൾ വെ​ച്ചു​പി​ടി​പ്പി​ക്കു​ന്ന പ​ദ്ധ​തി​ക്കും എ​ൻ.​എ​സ്. എ​സ് വ​ള​ന്റി​യ​ർ​മാ​ർ നി​ർ​മി​ച്ച പാ​ർ​ക്കു​ക​ളു​ടെ പ​രി​പാ​ല​ന​വും ഒ​രു​മ ഏ​റ്റെ​ടു​ക്കു​ന്നു​ണ്ട്. ‘അ​ഴു​ക്കി​ൽ നി​ന്നും അ​ഴ​കി​ലേ​ക്ക്’ എ​ന്ന പേ​രി​ൽ ആ​രം​ഭി​ച്ച പ​ദ്ധ​തി​ക്ക് ജി​ല്ല ത​ല​ത്തി​ലു​ള്ള അം​ഗീ​കാ​ര​വും ഒ​രു​മ​ക്ക് ല​ഭി​ച്ചി​ട്ടു​ണ്ട്.

ഇ​രി​ട്ടി​യി​ൽ ഏ​റെ സ​ന്ദ​ർ​ശ​ക​ർ എ​ത്തു​ന്ന പെ​രു​മ്പ​റ​മ്പി​ലെ ഇ​ക്കോ പാ​ർ​ക്ക് ഇ​ന്ന് സ​ന്ദ​ർ​ശ​ക​രു​ടെ ഇ​ഷ്ട താ​വ​ള​മാ​ണ്. പാ​യം പ​ഞ്ചാ​യ​ത്തി​ൽ സ്ഥി​തി ചെ​യ്യു​ന്ന പാ​ർ​ക്ക് പ​ഞ്ചാ​യ​ത്തി​ന്റെ സ്വ​പ്ന പ​ദ്ധ​തി​ക​ളി​ൽ ഒ​ന്നാ​ണ്. ജി​ല്ല​യു​ടെ ഹ​രി​ത ടൂ​റി​സം പ​ദ്ധ​തി​യി​ൽ ഉ​ൾ​പ്പെ​ട്ട​താ​ണ് ഇ​രി​ട്ടി ഇ​ക്കോ പാ​ർ​ക്ക്. ജി​ല്ല​യു​ടെ ഡെ​സ്റ്റി​നേ​ഷ​ൻ ച​ല​ഞ്ചി​ൽ ഉ​ൾ​പ്പെ​ടു​ത്തി ഒ​രു​കോ​ടി രൂ​പ​യു​ടെ നി​ർ​മാ​ണ പ്ര​വൃ​ത്തി​ക​ളാ​ണ് ഇ​രി​ട്ടി ഇ​ക്കോ പാ​ർ​ക്കി​ൽ ന​ട​ന്നു​കൊ​ണ്ടി​രി​ക്കു​ന്ന​ത്.

പഴ​ശ്ശി പ​ദ്ധ​തി​യോ​ട് ചേ​ർ​ന്ന് ജ​ബ്ബാ​ർ​ക്ക​ട​വി​ൽ ജ​ന​കീ​യ പ​ങ്കാ​ളി​ത്ത​ത്തോ​ടെ നി​ർ​മി​ച്ച പാ​ർ​ക്ക് ഹ​രി​ത ടൂ​റി​സം പ​ദ്ധ​തി​യി​ലേ​ക്ക് നി​ർ​ദ്ദേ​ശി​ക്ക​പ്പെ​ട്ട പാ​ർ​ക്കു​കൂ​ടി​യാ​ണ്. നി​ര​വ​ധി ആ​ളു​ക​ളാ​ണ് വൈ​കീ​ട്ട് ചെ​റു​തും വ​ലു​തു​മാ​യ പാ​ർ​ക്കി​ൽ കു​ടും​ബ​സ​മേ​തം എ​ത്തു​ന്ന​ത്.