ബാരാപോൾ ജലവൈദ്യുതി പദ്ധതിയിൽ പരീക്ഷണാടിസ്ഥാനത്തിൽ ഉൽപാദനം തുടങ്ങി

ഇ​രി​ട്ടി: ക​നാ​ൽ ചോ​ർ​ച്ച​യെ തു​ട​ർ​ന്ന് നി​ർ​ത്തി​വെ​ച്ച ബാ​രാ​പോ​ൾ മി​നി ജ​ല​വൈ​ദ്യു​തി പ​ദ്ധ​തി​യി​ൽ പ​രീ​ക്ഷ​ണ അ​ടി​സ്ഥാ​ന​ത്തി​ൽ വൈ​ദ്യു​തി ഉ​ൽ​പാ​ദ​നം തു​ട​ങ്ങി. കെ.​എ​സ്.​ഇ.​ബി​യു​ടെ ഉ​ന്ന​ത​ത​ല നി​ർദേ​ശ​ത്തെ തു​ട​ർ​ന്നാ​ണ് ഉ​ൽ​പാ​ദ​നം തു​ട​ങ്ങി​യ​ത്. നേ​ര​ത്തെ ക​നാ​ലി​ൽ വെ​ള്ളം ഒ​ഴു​കി​യ​പ്പോ​ൾ ചോ​ർ​ച്ച​യെ തു​ട​ർ​ന്ന് താ​ഴ്ഭാ​ഗ​ത്തെ വീ​ടു​ക​ൾ ഭീ​ഷ​ണി​യി​ലായി​രു​ന്നു. ഈ ​പ്ര​ശ്നം പ​രി​ഹ​രി​ക്കാ​തെ ഉ​ൽ​പാ​ദ​നം പു​ന​രാ​രം​ഭി​ക്ക​രു​തെ​ന്ന നി​ർ​ദേ​ശം ലം​ഘി​ച്ച​തി​ൽ അ​യ്യ​ൻ​കു​ന്ന് പ​ഞ്ചാ​യ​ത്ത് പ്ര​സി​ഡ​ന്റ് ഉ​ൾ​പ്പെ​ടെ​യു​ള്ള ജ​ന​പ്ര​തി​നി​ധി​ക​ൾ പ​വ​ർ​ഹൗ​സി​ൽ എ​ത്തി പ്ര​തി​ഷേ​ധം അ​റി​യി​ച്ചു.

കൂ​ടു​ത​ൽ അ​പ​ക​ട ഭീ​ഷ​ണി​യി​ലാ​യ വീ​ടി​​ന്റെ ഉ​ട​മ കു​റ്റി​യാ​നി​ക്ക​ൽ ബി​നോ​യി​യും പ്ര​തി​ഷേ​ധം ഉ​യ​ർ​ത്തി. ക​നാ​ലി​ലൂ​ടെ 30 സെ​ന്റീ​മീ​റ്റ​ർ ഉ​യ​ര​ത്തി​ൽ മാ​ത്ര​മാ​ണ് ഉ​യ​ർ​ത്തി​യ​തെ​ന്നും കെ.​എ​സ്.​ഇ.​ബി​യു​ടെ ജ​ന​റേഷൻവി​ഭാ​ഗം ഡ​യ​റ​ക്ട​ർ ഉ​ൾ​പ്പെ​ടു​ന്ന ഉ​ന്ന​ത​ത​ല സം​ഘം വെ​ള്ളി​യാ​ഴ്ച സ്ഥ​ല​ത്ത് എ​ത്തു​ന്ന​തി​ന് മു​ന്നോ​ടി​യാ​യി സാ​ഹ​ച​ര്യ​ങ്ങ​ൾ പ​ഠി​ക്കു​ന്ന​തി​ന് കൂ​ടി​യാ​ണ് ന​ട​പ​ടി​​യെ​ന്നാ​ണ് ബാ​രാ​പ്പോ​ൾ അ​ധി​കൃ​ത​രു​ടെ വി​ശ​ദീ​ക​ര​ണം. കു​റ്റ്യാ​നി​ക്ക​ൽ ബി​നോ​യി​യു​ടെ വീ​ടി​ന് പിറ​കു​വ​ശ​ത്തു​ള്ള ക​നാ​ലി​ലൂ​ടെ വെ​ള്ളം ഒ​ഴു​കു​ന്നു​ണ്ട്. ക​ഴി​ഞ്ഞ ത​വ​ണ ഇ​തു​വ​ഴി എ​ത്തി​യ വെ​ള്ളം നി​റ​ഞ്ഞു ക​വി​ഞ്ഞാ​ണ് വീ​ട് അ​പ​ക​ട ഭീ​ഷ​ണി​യി​ലാ​യ​ത്. ക​നാ​ലി​ൽ കൂ​ടു​ത​ൽ വെ​ള്ളം ഉ​യ​രു​ന്ന സാ​ഹ​ച​ര്യ​മു​ണ്ടാ​യാ​ൽ താ​നും കു​ടും​ബ​വും ക​ടു​ത്ത അ​പ​ക​ട​ത്തി​ലാ​കു​മെ​ന്നും കെ.​എ​സ്.​ഇ.​ബി​യു​ടെ നി​ല​പാ​ട് നീ​തി​കേ​ടാ​ണെ​ന്നും ബി​നോ​യ് ആ​രോ​പി​ച്ചു. ര​ണ്ട​ര മെ​ഗാ​വാ​ട്ടാ​ണ് ബാ​രാ​പോ​ളി​ൽ നി​ന്ന് വൈ​ദ്യു​തി ഉ​ൽ​പാ​ദി​പ്പി​ച്ച​ത്.

ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്റ് കു​ര്യാ​ച്ച​ൻ പൈ​മ്പ​ള്ളി കു​ന്നേ​ൽ, പ​ഞ്ചാ​യ​ത്ത് അം​ഗ​ങ്ങ​ളാ​യ ബി​ജോ​യ് പ്ലാ​ത്തോ​ട്ടം, ഐ​സ​ക്ക് ജോ​സ​ഫ്, സീ​മാ സ​നോ​ജ്, സ​ജി മ​ച്ചി​ത്താ​നി, വി​ല്ലേ​ജ് ഓ​ഫീ​സ​ർ കെ.വി. ജി​ജു എ​ന്നി​വ​ർ ഉ​ൾ​പ്പെ​ടു​ന്ന സം​ഘം ബാ​രാ പോ​ൾ പ​വ​ർ​ഹൗ​സും അ​പ​ക​ടാ​വ​സ്ഥ​യി​ലാ​യ വീ​ടും സ​ന്ദ​ർ​ശി​ച്ചു.