പ്ര​ള​യ​ത്തി​ൽ ത​ക​ർ​ന്ന പാ​ലം പു​ന​ർ​നി​ർ​മി​ച്ചി​ല്ല; ദു​രി​തം പേ​റി നാ​ട്ടു​കാ​ർ

ഇ​രി​ട്ടി: 2021ലെ ​പ്ര​ള​യ​ത്തി​ൽ ത​ക​ർ​ന്ന അ​യ്യ​ൻ​കു​ന്ന് പ​ഞ്ചാ​യ​ത്തി​ലെ കു​ണ്ടൂ​ർ പു​ഴ​ക്ക് കു​റു​ക​യു​ള്ള ജീ​പ്പ് പാ​ല​ത്തി​ന് പ​ക​രം പു​തി​യ​പാ​ലം നി​ർ​മി​ക്ക​ണ​മെ​ന്ന നാ​ട്ടു​കാ​രു​ടെ ആ​വ​ശ്യം മൂ​ന്നു വ​ർ​ഷം തി​ക​ഞ്ഞി​ട്ടും യ​ഥാ​ർ​ഥ്യ​മാ​യി​ല്ല. അ​യ്യ​ൻ​കു​ന്ന് പ​ഞ്ചാ​യ​ത്തി​ലെ മു​ണ്ട​യാം​പ​റ​മ്പ് വാ​ഴ​യി​ൽ പ്ര​ദേ​ശ​വാ​സി​ക​ൾ​ക്ക് ഏ​റെ പ്ര​യോ​ജ​ന​ക​ര​മാ​കു​ന്ന പാ​ല​മാ​ണ് കു​ണ്ടൂ​ർ പു​ഴ​ക്ക് കു​റു​കെ സെ​ന്റ് ജൂ​ഡി​നും വാ​ഴ​യ്ക്കും ഇ​ട​യി​ലു​ണ്ടാ​യി​രു​ന്ന കു​ഞ്ഞി​പ്പാ​ലം.

ജീ​പ്പ് ഉ​ൾ​പ്പെ​ടെ ക​ട​ന്ന് പോ​കാ​ൻ സാ​ധി​ക്കു​ന്ന പാ​ലം 2021ലു​ണ്ടാ​യ പ്ര​ള​യ​ത്തി​ലാ​ണ് ത​ക​ർ​ന്ന​ത്. തു​ട​ർ​ന്ന് നാ​ട്ടു​കാ​ർ ഉ​ൾ​പ്പെ​ടെ തു​ക സ​മാ​ഹ​രി​ച്ച് താ​ൽ​ക്കാ​ലി​ക​മാ​യി ന​ട​പ്പാ​ലം നി​ർ​മി​ച്ചു. എ​ന്നാ​ൽ, ഇ​വി​ടെ പു​തി​യ പാ​ലം നി​ർ​മി​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം. ഇ​തി​ന്‍റെ ഭാ​ഗ​മാ​യി നി​ര​വ​ധി ത​വ​ണ സ​ർ​ക്കാ​രി​ൽ ബ​ന്ധ​പ്പെ​ട്ട​വ​ർ ഉ​ൾ​പ്പെ​ടെ സ​മ്മ​ർ​ദ്ദം ചെ​ലു​ത്തി. എ​ന്നാ​ൽ, എ​സ്റ്റി​മേ​റ്റ് എ​ടു​ത്ത് പോ​യ​ത​ല്ലാ​തെ തു​ട​ർ പ്ര​വൃ​ത്തി​ക​ളൊ​ന്നും ഇ​തു​വ​രെ ഉ​ണ്ടാ​യി​ട്ടി​ല്ല.

ച​രി​ത്ര പ്ര​സി​ദ്ധ​മാ​യ മു​ണ്ട​യാം​പ​റ​മ്പ് ക്ഷേ​ത്ര​ത്തി​ലേ​ക്കും സെ​ന്‍റ് ജ്യൂ​ഡ് പ​ള്ളി​യി​ലേ​ക്കും വി​വി​ധ മേ​ഖ​ല​ക​ളി​ലു​ള്ള വി​ദ്യാ​ർ​ഥി​ക​ൾ​ക്ക് സ്കൂ​ളി​ലേ​ക്കും ജോ​ലി​ക്കു​ൾ​പ്പെ​ടെ എ​ളു​പ്പ​ത്തി​ൽ പോ​കാ​ൻ സാ​ധി​ക്കു​ന്ന ഒ​രു പാ​ല​മാ​യി​രു​ന്നു പ്ര​ള​യ​ത്തി​ൽ ത​ക​ർ​ന്ന കു​ഞ്ഞി​പ്പാ​ലം. ഇ​നി​യെ​ങ്കി​ലും ബ​ന്ധ​പ്പെ​ട്ട​വ​ർ പാ​ല​ത്തി​ന്‍റെ നി​ർ​മാ​ണ പ്ര​വൃ​ത്തി വേ​ഗ​ത്തി​ൽ ന​ട​പ്പാ​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.