10 ലക്ഷത്തിന്റെ മാരക മയക്കുമരുന്നുമായി യുവാക്കൾ പിടിയിൽ

ഇ​രി​ട്ടി: വാ​ഹ​ന പ​രി​ശോ​ധ​ന​ക്കി​ടെ, മാ​ര​ക ല​ഹ​രി ഉ​ല്‍പ​ന്ന​മാ​യ 300 ഗ്രാം ​മെ​ത്താ​ഫി​റ്റ​മി​നു​മാ​യി ര​ണ്ട് യു​വാ​ക്ക​ള്‍ അ​റ​സ്റ്റി​ല്‍. ഉ​ളി​യി​ല്‍ സ്വ​ദേ​ശി​ക​ളാ​യ കു​ന്നി​ന്‍കീ​ഴി​ലെ എ​സ്.​എം. ജ​സീ​ര്‍ (42), ന​ര​യ​മ്പാ​റ​യി​ലെ പി.​കെ. സ​മീ​ര്‍ (39) എ​ന്നി​വ​രെ​യാ​ണ് ജി​ല്ല പൊ​ലീ​സ് മേ​ധാ​വി​യു​ടെ ല​ഹ​രി വി​രു​ദ്ധ സ്ക്വാ​ഡും ഇ​രി​ട്ടി പൊ​ലീ​സും ചേ​ര്‍ന്ന് പി​ടി​കൂ​ടി​യ​ത്. കൂ​ട്ടു​പു​ഴ പാ​ല​ത്തി​ന​ടു​ത്തു​ള്ള പൊ​ലീ​സ് പ​രി​ശോ​ധ​ന കേ​ന്ദ്ര​ത്തി​നു​സ​മീ​പം ബു​ധ​നാ​ഴ്ച രാ​ത്രി 11 ഓ​ടെ​യാ​ണ് ഇ​രു​വ​രും പി​ടി​യി​ലാ​യ​ത്. മ​യ​ക്കു​മ​രു​ന്ന് ക​ട​ത്താ​നു​പ​യോ​ഗി​ച്ച കാ​റും പി​ടി​കൂ​ടി.

ജി​ല്ല റൂ​റ​ല്‍ പൊ​ലീ​സ് പ​രി​ധി​യി​ലെ സ​മീ​പ​കാ​ല​ത്ത് ന​ട​ന്ന ഏ​റ്റ​വും വ​ലി​യ മ​യ​ക്കു​മ​രു​ന്ന് വേ​ട്ട​യാ​ണി​ത്. വി​പ​ണി​യി​ൽ 10 ല​ക്ഷ​ത്തോ​ളം രൂ​പ വി​ല​മ​തി​ക്കു​ന്ന ഉ​ൽ​പ​ന്ന​മാ​ണെ​ന്ന് പൊ​ലീ​സ് പ​റ​ഞ്ഞു. ഇ​രു​വ​രു​മു​ൾ​പ്പെ​ടെ സം​ഘം ക​ർ​ണാ​ട​ക​യി​ല്‍നി​ന്ന് ല​ഹ​രി ഉ​ല്‍പ​ന്ന​ങ്ങ​ള്‍ വ്യാ​പ​ക​മാ​യി ക​ട​ത്തു​ന്നു​ണ്ടെ​ന്നും ജി​ല്ല​യു​ടെ പ​ല മേ​ഖ​ല​ക​ളി​ലും മൊ​ത്ത​വി​ത​ര​ണം ന​ട​ത്തു​ന്നു​ണ്ടെ​ന്നു​മു​ള്ള ര​ഹ​സ്യ​വി​വ​ര​ത്തി​ന്റെ അ​ടി​സ്ഥാ​ന​ത്തി​ല്‍ ജി​ല്ല പൊ​ലീ​സ് നാ​ർ​കോ​ട്ടി​ക് വി​ഭാ​ഗം ഇ​വ​രെ മാ​സ​ങ്ങ​ളാ​യി നി​രീ​ക്ഷി​ച്ചു​വ​രു​ക​യാ​യി​രു​ന്നു. അ​റ​സ്റ്റ് രേ​ഖ​പ്പെ​ടു​ത്തി​യ ഇ​രു​വ​രെ​യും മ​ട്ട​ന്നൂ​ര്‍ കോ​ട​തി​യി​ല്‍ ഹാ​ജ​രാ​ക്കി റി​മാ​ൻ​ഡ് ചെ​യ്തു.