എല്ലാവർക്കും സൗജന്യ കുടിവെള്ള കണക്ഷൻ ലഭ്യമാക്കാൻ ക​ണ്ണൂ​ർ കോർപറേഷൻ

ക​ണ്ണൂ​ർ: എ​ല്ലാ​വ​ര്‍ക്കും സൗ​ജ​ന്യ കു​ടി​വെ​ള്ള ക​ണ​ക്ഷ​ന്‍ ല​ഭ്യ​മാ​ക്കാ​ൻ ക​ണ്ണൂ​ർ കോ​ർ​പ​റേ​ഷ​ൻ. അ​മൃ​ത് 2.0 പ​ദ്ധ​തി​യി​ല്‍ 100 കോ​ടി രൂ​പ​യു​ടെ പ​ദ്ധ​തി പ്ര​വൃ​ത്തി ഉ​ദ്ഘാ​ട​നം ബു​ധ​നാ​ഴ്ച ന​ട​ക്കും. അ​മൃ​ത് ഒ​ന്നാം ഘ​ട്ട പ​ദ്ധ​തി​യി​ല്‍ 118 കോ​ടി രൂ​പ​യു​ടെ കു​ടി​വെ​ള്ള പ​ദ്ധ​തി​ക​ള്‍ പൂ​ര്‍ത്തി​യാ​യി​ക്ക​ഴി​ഞ്ഞു.

അ​മൃ​ത് ര​ണ്ടാം ഘ​ട്ട പ​ദ്ധ​തി​യു​ടെ ഭാ​ഗ​മാ​യാ​ണ് 26.25 കോ​ടി രൂ​പ​യു​ടെ ഫ്ലോ​ട്ടി​ങ് ഫ​ണ്ടു​ള്‍പ്പെ​ടെ 96.24 കോ​ടി രൂ​പ​യു​ടെ ശു​ദ്ധ​ജ​ല വി​ത​ര​ണ പ​ദ്ധ​തി കേ​ര​ള ജ​ല അ​തോ​റി​റ്റി വ​ഴി ന​ട​പ്പാ​ക്കു​ന്ന​ത്. ഇ​തി​നാ​യി കോ​ർ​പ​റേ​ഷ​ൻ പ​രി​ധി​യി​ല്‍ 164 കി.​മീ. ദൂ​ര​ത്തി​ല്‍ പൈ​പ്പി​ടു​ന്ന ജോ​ലി​ക​ള്‍ക്കാ​യി ടെ​ൻ​ഡ​ര്‍ അം​ഗീ​ക​രി​ച്ച് വ​ര്‍ക്ക് ഓ​ര്‍ഡ​ര്‍ ന​ല്‍കി​ക്ക​ഴി​ഞ്ഞു.

ഇ​തി​ല്‍ കൂ​ടു​ത​ലും സോ​ണ​ല്‍ ഏ​രി​യ​ക​ളി​ലാ​ണ്. പ​ഴ​യ മു​നി​സി​പ്പ​ല്‍ പ്ര​ദേ​ശ​ത്ത് 20 കി.​മീ., ചേ​ലോ​റ സോ​ണ​ലി​ന്‍റെ 46, എ​ള​യാ​വൂ​ര്‍ സോ​ണ​ലി​ന്‍റെ 19, എ​ട​ക്കാ​ട് സോ​ണ​ലി​ന്‍റെ 49, പു​ഴാ​തി സോ​ണ​ലി​ന്‍റെ 18, പ​ള്ളി​ക്കു​ന്ന് സോ​ണ​ലി​ന്‍റെ 12 കി​ലോ​മീ​റ്റ​ർ എ​ന്നി​ങ്ങ​നെ​യാ​ണ് പൈ​പ്പി​ട​ല്‍ പ്ര​വൃ​ത്തി ന​ട​ത്തു​ക.

പ്ര​വൃ​ത്തി പൂ​ര്‍ത്തി​യാ​കു​ന്ന​തോ​ടെ കോ​ർ​പ​റേ​ഷ​ൻ പ​രി​ധി​യി​ല്‍ നി​ല​വി​ലു​ള്ള 31,601 വീ​ടു​ക​ള്‍ക്കു​ള്ള ക​ണ​ക്ഷ​ന് പു​റ​മെ പു​തു​താ​യി 24,000 കു​ടും​ബ​ങ്ങ​ള്‍ക്ക് കൂ​ടി സൗ​ജ​ന്യ കു​ടി​വെ​ള്ള ക​ണ​ക്ഷ​ന്‍ ന​ല്‍കാ​നാ​കും. കൂ​ടാ​തെ, നി​ല​വി​ല്‍ പൈ​പ്പ് ലൈ​ന്‍ വ​ലി​ക്കാ​ത്ത മു​ഴു​വ​ന്‍ പ്ര​ദേ​ശ​ങ്ങ​ളി​ലേ​ക്കും പൈ​പ്പ് ലൈ​ന്‍ വ​ലി​ക്കും. പൈ​പ്പ് ലൈ​ന്‍ വ​ലി​ക്കാ​ത്ത സ്ഥ​ല​ങ്ങ​ളി​ലു​ള്ള​വ​ര്‍ കോ​ർ​പ​റേ​ഷ​നി​ല്‍ ആ​വ​ശ്യ​പ്പെ​ട്ടാ​ല്‍ പു​തു​താ​യി ലൈ​ന്‍ വ​ലി​ച്ചു ന​ല്‍കും.

നി​ല​വി​ല്‍ പൈ​പ്പ് ലൈ​ന്‍ സ്ഥാ​പി​ച്ചി​ട്ടു​ള്ള സ്ഥ​ല​ങ്ങ​ളി​ല്‍ എം.​എ​ല്‍.​എ ഫ​ണ്ടി​ലോ മ​റ്റേ​തെ​ങ്കി​ലും ഫ​ണ്ടി​ലോ കു​ടി​വെ​ള്ള പൈ​പ്പ്ലൈ​ന്‍ വ​ലി​ച്ച സ്ഥ​ല​ങ്ങ​ള്‍ എ​ന്നി​വി​ട​ങ്ങ​ളി​ലെ​ല്ലാ​മു​ള്ള മു​ഴു​വ​ന്‍ വീ​ട്ടു​കാ​ര്‍ക്കും അ​പേ​ക്ഷി​ച്ചാ​ല്‍ വീ​ടു​ക​ളി​ലേ​ക്ക് സൗ​ജ​ന്യ​മാ​യി ക​ണ​ക്ഷ​ന്‍ ന​ല്‍കും.

പ​ദ്ധ​തി പൂ​ര്‍ത്തി​യാ​കു​ന്ന​തോ​ടെ കോ​ർ​പ​റേ​ഷ​ൻ പ​രി​ധി​ക്ക​ക​ത്തെ മു​ഴു​വ​ന്‍ വീ​ടു​ക​ള്‍ക്കും കു​ടി​വെ​ള്ള ക​ണ​ക്ഷ​ൻ ല​ഭി​ക്കും. അ​പേ​ക്ഷ ഫോ​റങ്ങള്‍ കോ​ർ​പ​റേ​ഷ​ൻ ഓ​ഫി​സ്, സോ​ണ​ല്‍ ഓ​ഫി​സു​ക​ള്‍ എ​ന്നി​വി​ട​ങ്ങ​ളി​ല്‍നി​ന്നും സൗ​ജ​ന്യ​മാ​യി ല​ഭി​ക്കും.

അ​മൃ​ത് പ​ദ്ധ​തി​ക​ള്‍ ഏ​റ്റ​വും ഫ​ല​പ്ര​ദ​മാ​യി ന​ട​പ്പാ​ക്കി​യ അ​മൃ​ത് ന​ഗ​ര​ങ്ങ​ളി​ല്‍ ക​ണ്ണൂ​ര്‍ കോ​ർ​പ​റേ​ഷ​ൻ സം​സ്ഥാ​ന​ത്ത് ഒ​ന്നാ​മ​താ​ണെ​ന്ന് മേ​യ​ർ ടി.​ഒ. മോ​ഹ​ന​ൻ വാ​ർ​ത്ത​സ​മ്മേ​ള​ന​ത്തി​ൽ പ​റ​ഞ്ഞു. അ​മൃ​ത് ഒ​ന്നാം​ഘ​ട്ട പ​ദ്ധ​തി​യി​ല്‍ ഉ​ള്‍പ്പെ​ട്ട മ​ലി​ന​ജ​ല ശു​ദ്ധീ​ക​ര​ണ പ്ലാ​ന്‍റി​ന്‍റെ നി​ർ​മാ​ണം പൂ​ര്‍ത്തി​യാ​യി. ട്ര​യ​ല്‍ റ​ണ്‍ ഉ​ട​നെ ന​ട​ത്തും. ഈ ​പ​ദ്ധ​തി​യി​ല്‍ 51, 52 ഡി​വി​ഷ​നു​ക​ളി​ലെ വീ​ടു​ക​ളി​ല്‍ സൗ​ജ​ന്യ ക​ണ​ക്ഷ​ന്‍ ന​ല്‍കു​ന്ന​തി​ന് മൂ​ന്നു കോ​ടി രൂ​പ​യു​ടെ പ​ദ്ധ​തി​ക​ള്‍ ത​യാ​റാ​യി.

ര​ണ്ട് മ​ള്‍ട്ടി ലെ​വ​ല്‍ കാ​ര്‍ പാ​ര്‍ക്കി​ങ് നി​ർ​മാ​ണ​വും ഏ​ക​ദേ​ശം പൂ​ര്‍ത്തി​യാ​യി​ക്ക​ഴി​ഞ്ഞു. ക​രാ​ര്‍ ഏ​റ്റെ​ടു​ത്ത ക​മ്പ​നി​യു​ടെ ന​ട​പ​ടി​ക​ള്‍ മൂ​ല​മാ​ണ് അ​വ​സാ​ന​ഘ​ട്ട പ്ര​വൃ​ത്തി​ക​ൾ വൈ​കു​ന്ന​ത്. അ​ത് വൈ​കാ​തെ പൂ​ര്‍ത്തി​യാ​ക്കാ​നാ​കും. പ​യ്യാ​മ്പ​ലം പു​ലി​മു​ട്ട്, ചേ​ലോ​റ പാ​ര്‍ക്ക്, മ​റ്റ് പാ​ര്‍ക്കു​ക​ള്‍, തോ​ട് ന​വീ​ക​ര​ണം തു​ട​ങ്ങി നി​ര​വ​ധി പ​ദ്ധ​തി​ക​ള്‍ക്കാ​യി 200 കോ​ടി​യോ​ളം രൂ​പ ചെ​ല​വ​ഴി​ച്ചു ക​ഴി​ഞ്ഞി​ട്ടു​ണ്ടെ​ന്നും മേ​യ​ർ പ​റ​ഞ്ഞു.

അ​മൃ​ത് 2.0 പ​ദ്ധ​തി​യി​ല്‍ 100 കോ​ടി രൂ​പ​യു​ടെ പ​ദ്ധ​തി പ്ര​വൃ​ത്തി ഉ​ദ്ഘാ​ട​നം ബു​ധ​നാ​ഴ്ച വൈ​കി​ട്ട് നാ​ലി​ന് ചാ​ല അ​മ്പ​ല​ത്തി​ന് മു​ന്‍വ​ശം മേ​യ​ര്‍ ടി.​ഒ. മോ​ഹ​ന​ന്‍ നി​ർവ​ഹി​ക്കും. വാ​ർ​ത്ത​സ​മ്മേ​ള​ന​ത്തി​ല്‍ ഡെ​പ്യൂ​ട്ടി മേ​യ​ര്‍ കെ. ​ഷ​ബീ​ന, സ്ഥി​രം​സ​മി​തി അ​ധ്യ​ക്ഷ​രാ​യ എം.​പി. രാ​ജേ​ഷ്, പി. ​ഇ​ന്ദി​ര, ഷാ​ഹി​ന മൊ​യ്തീ​ന്‍, സു​രേ​ഷ് ബാ​ബു എ​ള​യാ​വൂ​ര്‍, സി​യാ​ദ് ത​ങ്ങ​ൾ, ജ​ല അ​തോ​റി​റ്റി സൂ​പ്ര​ണ്ടി​ങ് എ​ൻ​ജി​നീ​യ​ര്‍ കെ. ​സു​ദീ​പ്, അ​സി. എ​ക്സി​ക്യു​ട്ടി​വ് എ​ൻ​ജി​നീ​യ​ര്‍ ഷ​ര്‍ണ രാ​ഘ​വ​ന്‍ തു​ട​ങ്ങി​യ​വ​രും പ​ങ്കെ​ടു​ത്തു.