സനാഥമാവുമോ മെഡിക്കൽ കോളജ് മാനസികാരോഗ്യ വിഭാഗം?

പ​യ്യ​ന്നൂ​ർ: ക​ണ്ണൂ​ർ ഗ​വ. മെ​ഡി​ക്ക​ൽ കോ​ള​ജ് മ​ാന​സി​കാ​രോ​ഗ്യ വി​ഭാ​ഗ​ത്തി​ൽ കൂ​ടു​ത​ൽ സൈ​ക്കോ​ള​ജി​സ്റ്റു​മാ​രെ നി​യ​മി​ക്കു​മെ​ന്ന് അ​ധി​കൃ​ത​ർ. കൂ​ടു​ത​ൽ സൈ​ക്കോ​ള​ജി​സ്റ്റു​മാ​രി​ല്ലാ​ത്ത​തു സം​ബ​ന്ധി​ച്ച് എം.​വി. ശി​ൽ​പ​രാ​ജ് ന​ൽ​കി​യ വി​വ​രാ​വ​കാ​ശ ചോ​ദ്യ​ത്തി​ന് ന​ൽ​കി​യ മ​റു​പ​ടി​യി​ലാ​ണ് അ​ധി​കൃ​ത​ർ ന​യം വ്യ​ക്ത​മാ​ക്കി​യ​ത്.

ഈ ​മാ​സം 14ന് ​വാ​ക്ക് ഇ​ൻ ഇ​ന്റ​ർ​വ്യൂ വ​ഴി നി​യ​മ​നം ന​ട​ത്താ​നാ​ണ് തീ​രു​മാ​നം. കൂ​ടാ​തെ അ​ധി​ക​മാ​യി ര​ണ്ട് ക്ലി​നി​ക്ക​ൽ സൈ​ക്കോ​ള​ജി​സ്റ്റു​ക​ളു​ടെ ത​സ്‌​തി​ക സൃ​ഷ്‌​ടി​ക്കു​ന്ന​തി​ന് സ​ർ​ക്കാ​റി​നോ​ട് ആ​വ​ശ്യ​പ്പെ​ടാ​നും തീ​രു​മാ​നി​ച്ച​താ​യി അ​ധി​കൃ​ത​ർ പ​റ​യു​ന്നു. എ​ന്നാ​ൽ ആ​വ​ശ്യ​പ്പെ​ട്ടി​ട്ടും സൈ​ക്കോ​ള​ജി​സ്റ്റു​ക​ളെ ല​ഭി​ക്കാ​ത്ത സാ​ഹ​ച​ര്യ​മു​ണ്ട്. കോ​ഴി​ക്കോ​ട് പ്ര​ഫ​ഷ​ന​ൽ എം​പ്ലോ​യ്മെ​ന്റ് എ​ക്സ്‌​ചേ​ഞ്ചി​ൽ​നി​ന്നും നാ​ല് ഉ​ദ്യോ​ഗാ​ർ​ഥി​ക​ളു​ടെ പേ​രു​വി​വ​ര​ങ്ങ​ൾ അ​ട​ങ്ങി​യ ലി​സ്റ്റ് ക​ഴി​ഞ്ഞ ജൂ​ണി​ൽ ല​ഭി​ക്കു​ക​യും ഒ​ക്ടോ​ബ​ർ 26 ന് ​ഇ​ന്റ​ർ​വ്യൂ ന​ട​ത്തു​വാ​ൻ നി​ശ്ച​യി​ക്കു​ക​യും ചെ​യ്‌​ത​താ​ണ്. എ​ന്നാ​ൽ, ഇ​ന്റ​ർ​വ്യൂ​വി​ന് ആ​രും എ​ത്തി​യി​രു​ന്നി​ല്ല.

നി​ല​വി​ൽ സൈ​ക്യാ​ട്രി വി​ഭാ​ഗ​ത്തി​ൽ ഒ​രു ക്ലി​നി​ക്ക​ൽ സൈ​ക്കോ​ള​ജി​സ്റ്റി​ന്റെ ത​സ്‌​തി​ക മാ​ത്ര​മാ​ണു​ള്ള​ത്. ഒ.​പി​യി​ലെ​ത്തു​ന്ന മി​ക്ക രോ​ഗി​ക​ളി​ലും മ​നോ​നി​ല നി​ർ​ണ​യി​ക്കാ​നു​ള്ള സൈ​ക്കോ​ള​ജി​ക്ക​ൽ അ​സ​സ്സ്‌​മെ​ന്റും തെ​റ​പ്പി​യും നി​ര​വ​ധി മ​ണി​ക്കൂ​റു​ക​ൾ ആ​വ​ശ്യ​മാ​യ​തും പ​ല സെ​ഷ​നു​ക​ളി​ലാ​യി ദി​വ​സ​ങ്ങ​ളോ​ളം നീ​ണ്ടു​നി​ൽ​ക്കു​ന്ന​തു​മാ​ണ്.

സൈ​ക്കോ​ള​ജി​സ്റ്റി​ന് ദി​നം​പ്ര​തി​യു​ള്ള ഈ ​ജോ​ലി​ക്ക് പു​റ​മേ പ​ല​പ്പോ​ഴും കോ​ട​തി​ക​ളി​ൽ തെ​ളി​വു​ന​ൽ​കാ​നാ​യി ഹാ​ജ​രാ​കേ​ണ്ടി​വ​രാ​റു​ണ്ട്.

ഇ​തി​നു പു​റ​മെ ആ​ശു​പ​ത്രി​യി​ലെ മെ​ഡി​ക്ക​ൽ ബോ​ർ​ഡി​ൽ വ​രു​ന്ന കേ​സു​ക​ൾ പ​രി​ശോ​ധി​ച്ച് റി​പ്പോ​ർ​ട്ട് കൊ​ടു​ക്കു​ക​യും ചെ​യ്യേ​ണ്ട​തു​ണ്ട്. ഇ​ത്ത​രം ജോ​ലി​ക​ൾ​ക്ക് പു​റ​മെ, അ​പ്ര​തീ​ക്ഷി​ത​മാ​യി വ​രു​ന്ന പോ​ക്സോ തു​ട​ങ്ങി​യ കേ​സു​ക​ളി​ൽ അ​ടി​യ​ന്തര റി​പ്പോ​ർ​ട്ട് ന​ൽ​കേ​ണ്ട​താ​യും വ​രാ​റു​ണ്ട്. അ​തു​കൊ​ണ്ടു ത​ന്നെ ആ​ശു​പ​ത്രി​യി​ലെ​ത്തു​ന്ന രോ​ഗി​ക​ൾ​ക്ക് ചി​കി​ത്സ ല​ഭി​ക്കാ​ൻ കാ​ല​താ​മ​സം വ​രു​ന്ന​താ​യി പ​രാ​തി ഉ​യ​രു​ന്ന​ത് പ​തി​വാ​ണ്.

അ​തു​കൊ​ണ്ട് കൂ​ടു​ത​ൽ സൈ​ക്കോ​ള​ജി​സ്റ്റു​മാ​രെ നി​യ​മി​ക്കാ​ൻ അ​ടി​യ​ന്ത​ര ന​ട​പ​ടി ഉ​ണ്ടാ​വ​ണ​മെ​ന്ന ആ​വ​ശ്യം ശ​ക്ത​മാ​ണ്.

ഇ​തി​നു മു​മ്പും നി​ര​വ​ധി ത​വ​ണ സൈ​ക്കോ​ള​ജി​സ്റ്റു​മാ​രെ നി​യ​മി​ക്കാ​നു​ള്ള ന​ട​പ​ടി​യെ​ടു​ത്തു​വെ​ങ്കി​ലും കൂ​ടി​ക്കാ​ഴ്ച​ക്ക് ആ​രും എ​ത്തി​യി​ല്ലെ​ന്നാ​ണ് അ​ധി​കൃ​ത​ർ പ​റ​യു​ന്ന​ത്.​

അ​തു​കൊ​ണ്ടു​ത​ന്നെ താ​ൽ​ക്കാ​ലി​ക നി​യ​മ​ന​ത്തെ മാ​ത്രം ആ​ശ്ര​യി​ക്കാ​തെ പി.​എ​സ്.​സി മു​ഖേ​ന​യോ മ​റ്റ് മെ​ഡി​ക്ക​ൽ കോ​ള​ജു​ക​ളി​ൽ നി​ന്ന് സ്ഥ​ലം മാ​റ്റ​ത്തി​ലൂ​ടെ​യോ നി​യ​മ​നം ഉ​ണ്ടാ​വ​ണ​മെ​ന്ന് നാ​ട്ടു​കാ​ർ ആ​വ​ശ്യ​പ്പെ​ടു​ന്നു.