കി​രീ​ട​മു​റ​പ്പി​ച്ച് പ​യ്യ​ന്നൂ​ർ കോ​ള​ജ്

ധ​ർ​മ​ടം: ക​ലാ​യൗ​വ​നം മ​ഹോ​ത്സ​വ​മാ​ക്കി​യ ക​ണ്ണൂ​ർ സ​ർ​വ​ക​ലാ​ശാ​ല ക​ലോ​ത്സ​വ​ത്തി​ൽ കി​രീ​ടം ഉ​റ​പ്പി​ച്ച് പ​യ്യ​ന്നൂ​ർ കോ​ള​ജ്. 246 പോ​യ​ന്റോ​ടെ​യാ​ണ് പ​യ്യ​ന്നൂ​ർ ആ​ധി​പ​ത്യം ഉ​റ​പ്പി​ച്ച​ത്. ആ​തി​ഥേ​യ​രാ​യ ബ്ര​ണ്ണ​ൻ കോ​ള​ജ് 225 പോ​യ​ന്റോ​ടെ ര​ണ്ടാം സ്ഥാ​ന​ത്താ​ണ്. 218 പോ​യ​ന്റു​മാ​യി ക​ണ്ണൂ​ർ എ​സ്.​എ​ൻ തൊ​ട്ടു​പി​ന്നി​ലു​ണ്ട്. കാ​സ​ർ​കോ​ട് ഗ​വ. കോ​ള​ജ് 128 പോ​യ​ന്റു​മാ​യി നാ​ലാം സ്ഥാ​ന​ത്താ​ണ്.

21ാം ത​വ​ണ​യാ​ണ് പ​യ്യ​ന്നൂ​ർ കോ​ള​ജ് സ​ർ​വ​ക​ലാ​ശാ​ല ക​ലോ​ത്സ​വ കി​രീ​ടം ഉ​റ​പ്പി​ക്കു​ന്ന​ത്. 2003, 2008, 2011 വ​ർ​ഷ​ങ്ങ​ളി​ൽ മാ​ത്ര​മാ​ണ് പ​യ്യ​ന്നൂ​രി​ന് കി​രീ​ടം ന​ഷ്ട​മാ​യ​ത്. ഞാ​യ​റാ​ഴ്ച​യും മ​ത്സ​ര​ങ്ങ​ൾ തു​ട​ങ്ങാ​ൻ വൈ​കി.

ബ്ര​ണ്ണ​ൻ മൈ​താ​ന​ത്ത് രാ​വി​ലെ 11.30ന് ​തു​ട​ങ്ങേ​ണ്ട ഗ്ലാ​മ​ർ ഇ​ന​മാ​യ ഒ​പ്പ​ന ഉ​ച്ച​ക്ക് 2.45 ഓ​ടെ​യാ​ണ് തു​ട​ങ്ങി​യ​ത്. ഉ​ച്ച​ക്ക് തു​ട​ങ്ങേ​ണ്ട ഓ​ട്ട​ൻ​തു​ള്ള​ലും സ്കി​റ്റും വൈ​കീ​ട്ടോ​ടെ തു​ട​ങ്ങി. ച​മ​യ​വും ആട​യാ​ഭ​ര​ണ​ങ്ങ​ളും അ​ണി​ഞ്ഞ് മ​ണി​ക്കൂ​റു​ക​ളോ​ള​മാ​ണ് വി​ദ്യാ​ർ​ഥി​ക​ൾ​ക്ക് കാ​ത്തു​നി​ൽ​ക്കേ​ണ്ടി വ​ന്ന​ത്.

ഏ​റെ​നേ​റെ ഒ​ന്നും ക​ഴി​ക്കാ​ത്ത​തി​നാ​ൽ നി​ർ​ജ​ലീ​ക​ര​ണം കാ​ര​ണ​വും ക​ന​ത്ത ചൂ​ടി​ലും നി​ര​വ​ധി മ​ത്സ​രാ​ർ​ഥി​ക​ൾ കു​ഴ​ഞ്ഞു​വീ​ണു. ഇ​വ​രെ ആം​ബു​ല​ൻ​സി​ൽ ആ​ശു​പ​ത്രി​ക​ളി​ലേ​ക്ക് മാ​റ്റി ചി​കി​ത്സ ന​ൽ​കി. 10 വേ​ദി​ക​ളി​ലാ​യി വി​വി​ധ ഇ​ന​ങ്ങ​ളി​ൽ മാ​റ്റു​ര​ക്കാ​ൻ 4972 വി​ദ്യാ​ർ​ഥി​ക​ളാ​ണ് ബ്ര​ണ്ണ​നി​ൽ എ​ത്തി​യ​ത്.

അ​ഞ്ച് ദി​വ​സ​ങ്ങ​ളി​ലാ​യി ന​ട​ന്ന ക​ണ്ണൂ​ർ സ​ർ​വ​ക​ലാ​ശാ​ല യൂ​നി​യ​ൻ ക​ലോ​ത്സ​വം സ​മാ​പ​ന സ​മ്മേ​ള​നം നി​യ​മ​സ​ഭ സ്പീ​ക്ക​ർ എ.​എ​ൻ. ഷം​സീ​ർ ഉ​ദ്‌​ഘാ​ട​നം ചെ​യ്തു. യൂ​നി​വേ​ഴ്സി​റ്റി യൂ​നി​യ​ൻ ചെ​യ​ർ​മാ​ൻ കെ. ​സാ​രം​ഗ് അ​ധ്യ​ക്ഷ​ത വ​ഹി​ച്ചു.

ക​ണ്ണൂ​ർ സ​ർ​വ​ക​ലാ​ശാ​ല പ്രോവൈ​സ് ചാ​ൻ​സ​ല​ർ പ്ര​ഫ. എ. ​സാ​ബു മു​ഖ്യാ​തി​ഥി​യാ​യി. സി​ൻ​ഡി​ക്കേ​റ്റ് അം​ഗ​ങ്ങ​ളാ​യ ഡോ. ​രാ​ഖി രാ​ഘ​വ​ൻ, ഡോ. ​കെ.​ടി. ച​ന്ദ്ര​മോ​ഹ​ൻ, സെ​ന​റ്റ് അം​ഗം പി.​ജെ. സാ​ജു, എ. ​അ​ശ്വ​തി, കെ.​വി. മ​ഞ്ജു​ള, എ​ൻ.​കെ. ര​വി എ​ന്നി​വ​ർ സം​സാ​രി​ച്ചു.വൈ​ഷ്ണ​വ് മ​ഹേ​ന്ദ്ര​ൻ സ്വാ​ഗ​ത​വും കെ.​പി. വൈ​ഷ്ണ​വ് ന​ന്ദി​യും പ​റ​ഞ്ഞു.