കടലോളം കാഴ്ചകൾ കാണാം; കണ്ണൂരിൽ ആ​ദ്യ​ത്തെ ഫ്ലോ​ട്ടി​ങ് ബ്രി​ഡ്ജ് മു​ഴ​പ്പി​ല​ങ്ങാ​ട് ബീ​ച്ചി​ൽ

ക​ണ്ണൂ​ർ: സാ​ഹ​സി​ക ടൂ​റി​സ​ത്തി​ന്റെ ഭാ​ഗ​മാ​യി ജി​ല്ല​യി​ലെ ആ​ദ്യ​ത്തെ ഫ്ലോ​ട്ടി​ങ് ബ്രി​ഡ്ജ് ഏ​ഷ്യ​യി​ലെ ഏ​റ്റ​വും നീ​ളം കൂ​ടി​യ ഡ്രൈ​വ് ഇ​ൻ ബീ​ച്ചാ​യ മു​ഴ​പ്പി​ല​ങ്ങാ​ട് ബീ​ച്ചി​ൽ തു​ട​ങ്ങി. പൊ​തു​മ​രാ​മ​ത്ത് -ടൂ​റി​സം വ​കു​പ്പ് മ​ന്ത്രി പി.​എ. മു​ഹ​മ്മ​ദ് റി​യാ​സ് ഉ​ദ്ഘാ​ട​നം ചെ​യ്തു. വെ​ഡ്ഡി​ങ് ഡെ​സ്റ്റി​നേ​ഷ​നാ​യി കേ​ര​ള​ത്തെ തി​ര​ഞ്ഞെ​ടു​ക്കു​ന്ന​വ​രു​ടെ എ​ണ്ണം കൂ​ടു​ക​യാ​ണെ​ന്ന് അ​ദ്ദേ​ഹം പ​റ​ഞ്ഞു. ഉ​ത്ത​രേ​ന്ത്യ​യി​ലെ കു​ടും​ബ​ങ്ങ​ൾ വി​വാ​ഹം ന​ട​ത്താ​നാ​യി കേ​ര​ള​ത്തെ​യാ​ണ് തിര​ഞ്ഞെ​ടു​ക്കു​ന്ന​ത്. ഇ​ത് കേ​ര​ള​ത്തി​ന് ല​ഭി​ക്കു​ന്ന അം​ഗീ​കാ​ര​മാ​ണ്. 2022ൽ ​ഒ​ന്ന​ര കോ​ടി​യ​ല​ധി​കം ആ​ഭ്യ​ന്ത​ര വി​നോ​ദ സ​ഞ്ചാ​രി​ക​ൾ കേ​ര​ള​ത്തി​ലേ​ക്ക് എ​ത്തി. കേ​ര​ള​ത്തി​ലെ ജ​ന​ങ്ങ​ളു​ടേ​ത് മ​ത​നി​ര​പേ​ക്ഷ മ​ന​സാ​ണ്. കേ​ര​ള ടൂ​റി​സ​ത്തി​ന്റെ ബ്രാ​ൻ​ഡ് അം​ബാ​സ​ഡ​ർ ജ​ന​ങ്ങ​ളാ​ണെ​ന്നും മ​ന്ത്രി മു​ഹ​മ്മ​ദ് റി​യാ​സ് പ​റ​ഞ്ഞു. ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളു​ടെ പി​ന്തു​ണ​യോ​ടെ തീ​ര​ദേ​ശ-​സാ​ഹ​സി​ക ടൂ​റി​സ പ​ദ്ധ​തി​ക​ൾ ന​ട​പ്പാ​ക്കി മു​ന്നോ​ട്ടു​പോ​കു​മെ​ന്നും മ​ന്ത്രി പ​റ​ഞ്ഞു. ജി​ല്ല ടൂ​റി​സം പ്ര​മോ​ഷ​ൻ കൗ​ൺ​സി​ൽ മു​ൻ​കൈ​യെ​ടു​ത്താ​ണ് ടൂ​റി​സം വ​കു​പ്പി​ന് കീ​ഴി​ൽ ഫ്ലോ​ട്ടി​ങ് ബ്രി​ഡ്ജ് അ​ഥ​വാ പൊ​ങ്ങി ഒ​ഴു​കു​ന്ന പാ​ല​ത്തി​ലൂ​ടെ​യു​ള്ള സ​വാ​രി​ക്ക് മു​ഴപ്പി​ല​ങ്ങാ​ട് ഡ്രൈ​വ് ഇ​ൻ ബീ​ച്ചി​ൽ തു​ട​ക്കം കു​റി​ച്ച​ത്.

ഒ​രാ​ഴ്ച മു​ന്നേ ബ്രി​ഡ്ജ് ഉ​ദ്ഘാ​ട​ന​ത്തി​ന് ഒ​രു​ങ്ങി​യി​രു​ന്നെ​ങ്കി​ലും മ​ന്ത്രി​യു​ടെ വ​ര​വി​നാ​യി നീ​ട്ടു​ക​യാ​യി​രു​ന്നു. നി​ര​വ​ധി​യാ​ളു​ക​ൾ ഇ​തോ​ടെ ക​യ​റാ​നാ​കാ​തെ മ​ട​ങ്ങി​യി​രു​ന്നു. ക​ട​ലി​ലേ​ക്ക് 100 മീ​റ്റ​റോ​ളം കാ​ൽ​ന​ട​യാ​യി സ​വാ​രി ചെ​യ്യാ​ൻ ഉ​ത​കു​ന്ന​രീ​തി​യി​ൽ പാ​ലം ഒ​രു​ക്കി​യ​ത് തൂ​വ​ൽ തീ​രം അ​മ്യൂ​സ്മെ​ന്റ് പ്രൈ​വ​റ്റ് ലി​മി​റ്റ​ഡാ​ണ്. രാ​വി​ലെ ഒ​മ്പ​ത് മു​ത​ൽ വൈ​കീ​ട്ട് ആ​റു​വ​രെ​യാ​ണ് പ്ര​വേ​ശ​നം.

120 രൂ​പ​യാ​ണ് പ്ര​വേ​ശ​ന ഫീ​സ്. ഇ​തി​നെ​തി​രെ സ​ഞ്ചാ​രി​ക​ളി​ൽ ക​ടു​ത്ത പ്ര​തി​ഷേ​ധം ഉ​യ​രു​ന്നു​ണ്ട്. ച​ട​ങ്ങി​ൽ ജി​ല്ല പ​ഞ്ചാ​യ​ത്ത് പ്ര​സി​ഡ​ന്റ് പി.​പി. ദി​വ്യ അ​ധ്യ​ക്ഷ​ത വ​ഹി​ച്ചു. ഡി.​ടി.​പി.​സി സെ​ക്ര​ട്ട​റി ജെ.​കെ ജി​ജേ​ഷ് കു​മാ​ർ റി​പ്പോ​ർ​ട്ട് അ​വ​ത​രി​പ്പി​ച്ചു. ത​ല​ശ്ശേ​രി ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്റ് സി.​പി അ​നി​ത, അം​ഗ​ങ്ങ​ളാ​യ കെ.​വി ബി​ജു, കോ​ങ്കി ര​വീ​ന്ദ്ര​ൻ, പ​ഞ്ചാ​യ​ത്ത് പ്ര​സി​ഡ​ന്റു​മാ​രാ​യ ടി. ​സ​ജി​ത (മു​ഴ​പ്പി​ല​ങ്ങാ​ട്), എ​ൻ.​കെ ര​വി (ധ​ർ​മ​ടം), മു​ഖ്യ​മ​ന്ത്രി​യു​ടെ മ​ണ്ഡ​ലം പ്ര​തി​നി​ധി പി. ​ബാ​ല​ൻ, ത​ല​ശ്ശേ​രി സ​ബ് ക​ല​ക്ട​ർ സ​ന്ദീ​പ് കു​മാ​ർ എന്നിവർ സം​സാ​രി​ച്ചു.

ഫ്ലോ​ട്ടി​ങ് ബ്രി​ഡ്ജി​ൽ പ​ഴു​ത​ട​ച്ച സു​ര​ക്ഷ

പ​ഴു​ത​ട​ച്ച സു​ര​ക്ഷ ക്ര​മീ​ക​ര​ണ​ങ്ങ​ൾ ഒ​രു​ക്കു​ന്ന​തി​ന്റെ ഭാ​ഗ​മാ​യി സു​ര​ക്ഷബോ​ട്ടു​ക​ളും ലൈ​ഫ് ജാ​ക്ക​റ്റു​ക​ളും കൂ​ടാ​തെ ലൈ​ഫ് ഗാ​ർ​ഡ്, മ​ത്സ്യ​ത്തൊ​ഴി​ലാ​ളി​ക​ൾ എ​ന്നി​വ​രു​ടെ സേ​വ​ന​വു​മു​ണ്ട്. പാ​ല​ത്തി​നെ, 700 കി​ലോ ഭാ​ര​മു​ള്ള ന​ങ്കൂ​രം ഉ​പ​യോ​ഗി​ച്ച് ഉ​റ​പ്പി​ച്ചു നി​ർ​ത്തി സു​ര​ക്ഷി​ത​മാ​ക്കി​യി​ട്ടു​ണ്ട്. ഫൈ​ബ​ർ എ​ച്ച്.​പി.​ഡി.​ഇ നി​ർ​മി​ത പാ​ല​ത്തി​ൽ ഇ​ന്റ​ർ​ലോ​ക്ക് ക​ട്ട​ക​ൾ ലോ​ക്ക് ചെ​യ്ത് അ​ടു​ക്കി​വെ​ച്ചാ​ണ് ക​ട​ൽ പ​ര​പ്പി​ന് മു​ക​ളി​ൽ യാ​ത്ര ചെ​യ്യാ​നു​ത​കു​ന്ന രീ​തി​യി​ൽ സ​ഞ്ചാ​രി​ക​ൾ​ക്കാ​യി ഫ്ലോ​ട്ടി​ങ് ബ്രി​ഡ്ജ് സ​ജ്ജീ​ക​രി​ച്ചി​ട്ടു​ള്ള​ത്. മൂ​ന്ന് മീ​റ്റ​ർ വീ​തി​യി​ൽ ര​ണ്ടു​ഭാ​ഗ​ത്തും സ്റ്റീ​ൽ കൈ​വ​രി​ക​ളോ​ടെ നി​ർ​മി​ച്ചി​ട്ടു​ള്ള പാ​ത​യു​ടെ അ​വ​സാ​ന ഭാ​ഗ​ത്ത് 11 മീ​റ്റ​ർ നീ​ള​വും ഏ​ഴ് മീ​റ്റ​ർ വീ​തി​യി​ൽ സൈ​റ്റ് സീ​യി​ങ് പ്ലാ​റ്റ്ഫോ​മും നി​ർ​മി​ച്ചി​ട്ടു​ണ്ട്. ഇ​തി​ൽ​നി​ന്നും ക​ട​ലി​ന്റെ ആ​വാ​സ വ്യ​വ​സ്ഥ​യും തി​ര​മാ​ല​ക​ളു​ടെ പ്ര​തി​ഭാ​സ​ങ്ങ​ളും അ​നു​ഭ​വി​ച്ച​റി​യാം.

അ​ഞ്ചു വ​യ​സ്സി​ൽ താ​ഴെ​യു​ള്ള ​കു​ട്ടി​ക​ൾ​ക്കും പ്രാ​യ​മാ​യ​വ​ർ​ക്കും ഭി​ന്ന​ശേ​ഷി​ക്കാ​ർ​ക്കും ല​ഹ​രി ഉ​പ​യോ​ഗി​ച്ച​വ​ർ​ക്കും പ്ര​വേ​ശ​നം അ​നു​വ​ദി​ക്കി​ല്ല. ഒ​രേ​സ​മ​യം 100 പേ​ർ​ക്ക് മാ​ത്ര​മാ​ണ് പ്ര​വേ​ശ​നം ല​ഭി​ക്കും.