തുരത്തിയ കാട്ടാനകൾ വീണ്ടും ആറളം ഫാമിൽ; പു​ലി​വാ​ലു​പി​ടി​ച്ച് വ​ന​പാ​ല​ക​ർ

കേ​ള​കം: തു​ര​ത്തി​യോ​ടി​ച്ചാ​ലും ആ​റ​ളം ഫാ​മി​ലെ നി​ശ്ചി​ത​സ്ഥാ​ന​ത്ത് മ​ട​ങ്ങി​യെ​ത്തു​മെ​ന്ന നി​ശ്ച​യ​ദാ​ർ​ഢ്യ​ത്തി​ലാ​ണ് ആ​റ​ളം വ​ന്യ​ജീ​വി സ​ങ്കേ​ത​ത്തി​ലേ​ക്ക് നാ​ടു​ക​ട​ത്തി​യ കാ​ട്ടാ​ന​ക​ൾ.

ആ​റ​ളം ഫാ​മി​ൽ​നി​ന്ന് ക​ഴി​ഞ്ഞ ദി​വ​സം വ​ന​ത്തി​ലേ​ക്ക് തു​ര​ത്തി​യ കാ​ട്ടാ​ന​ക​ളി​ൽ നാ​ലെ​ണ്ണം ഫാ​മി​ലേ​ക്കു​ത​ന്നെ മ​ട​ങ്ങി​യെ​ത്തി. ഒ​മ്പ​താം ബ്ലോ​ക്കി​ൽ ആ​ന​മ​തി​ൽ ത​ക​ർ​ത്താ​ണ് ആ​ന​ക​ൾ ഫാ​മി​ലേ​ക്ക് ക​ട​ന്ന​ത്. മ​ട​ങ്ങി​യെ​ത്തി​യ കാ​ട്ടാ​ന​ക​ൾ ജ​ന​വാ​സ​കേ​ന്ദ്ര​ങ്ങ​ളി​ൽ ചു​റ്റി​ക്ക​റ​ങ്ങു​ക​യാ​ണ്. ആ​ന​ക​ളെ ശ്ര​മ​ക​ര​മാ​യി വ​ന​ത്തി​ലേ​ക്ക് വി​ര​ട്ടി​യോ​ടി​ച്ചാ​ലും അ​വ മ​ട​ങ്ങി​യെ​ത്തു​ന്ന​ത് വ​ന​പാ​ല​ക​ർ​ക്കും വെ​ല്ലു​വി​ളി​യാ​യി.

ആ​റ​ളം ഫാ​മി​ൽ കാ​ട്ടാ​ന​ക​ളു​ടെ വി​ഹാ​രം ത​ട​യാ​ൻ വ​നം​വ​കു​പ്പ് അ​ധി​കൃ​ത​ർ വീ​ണ്ടും ന​ട​പ​ടി തു​ട​രും. ക​ഴി​ഞ്ഞ ര​ണ്ട് ദി​വ​സ​ങ്ങ​ളി​ലാ​യി 22 ആ​ന​ക​ളെ ഫാ​മി​ൽ​നി​ന്ന് വ​ന​ത്തിേ​ലേ​ക്ക് ക​ട​ത്തി​വി​ട്ടി​രു​ന്നു. ഇ​വ​യാ​ണ് ഫാ​മി​ലെ വി​ള​നി​ല​ത്തി​ലേ​ക്ക് പ്ര​യാ​ണം തു​ട​ങ്ങി​യ​ത്.